इस्राईल : दररोज पावणेचार लाख घनमीटर सांडपाण्यावर प्रक्रिया

दररोज पावणेचार लाख घनमीटर सांडपाण्यावर प्रक्रिया
दररोज पावणेचार लाख घनमीटर सांडपाण्यावर प्रक्रिया

तेल अवीव, इस्राईल :तेल अवीवपासून ३५ किलोमीटर अंतरावर असलेल्या इर्शान गावाजवळ शफदान या सांडपाण्यावर प्रक्रिया करणाऱ्या प्रकल्पाला शेतकऱ्यांनी भेट दिली. औद्योगिक, घरगुती, दवाखाने यांचे सांडपाणी आणि पावसाचे पाणी यावर येथे प्रक्रिया केली जाते. दररोज तीन लाख ८० हजार घनमीटर पाण्यावर येथे प्रक्रिया करण्यात येते. इस्राईलमधील २५ शहरे आणि ८७ प्रकल्पांचे सांडपाणी येथे वाहून आणले जाते. त्यावर प्रक्रिया करून हे पाणी शेतीसाठी वापरतात. इस्राईलच्या शेतीला लागणाऱ्या एकूण पाण्याच्या १० टक्के पाण्याची गरज यातून भागविली जाते. विशेष म्हणजे हे सांडपाणी विकत घेतले जाते आणि शुद्ध करून शेतीला विकत दिले जाते. ‘ना नफा, ना तोटा’ या तत्त्वावर हा प्रकल्प राबविण्यात येतो. सुरवातीला कार्यालयात एलसीडी प्रोजेक्टरवर माहिती घेतल्यावर नंतर शेजारी असलेल्या या प्रकल्पाची पाहणी शेतकऱ्यांनी केली. या प्रकल्पासाठी वॉटर कॉर्पोरेशन ऑफ इस्राईल मदत करते, अशी माहिती सांगण्यात आली. लवकरच या प्रकल्पाचा चौपट विस्तार करण्यात येणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com