सांगलीत गूळ प्रतिक्विंटल ३३०० ते ४४०० रुपये

सांगली ः येथील बाजार समितीत गुळाची आवक कमी अधिक प्रमाणात होत आहे. मंगळवारी (ता. १२) ३३२६ क्विंटल आवक झाली होती, त्यास प्रतिक्विंटल ३३०० ते ४४०० तर सरासरी ३८५० असा दर मिळाला. गुळाची आवक कमी अधिक होत असली तर दर स्थिर असल्याची अशी माहिती बाजार समितीच्या सूत्रांनी दिली. विष्णूअण्णा पाटील फळ व भाजीपाला दुय्यम बाजार आवारात कांद्याची १४२ क्विंटल आवक झाली होती, त्यास प्रतिक्विंटल १००० ते ४२०० रुपये असा दर मिळाला. बटाट्याची १४५१ क्विंटल आवक झाली होती, त्यास प्रति क्विंटलला ७०० ते ९०० रुपये असा दर होता. सफरचंदाची १९४६ पेटी आवक झाली होती. सफरचंदाच्या प्रति पेटीस ८०० ते १५०० रुपये असा दर होता. मोसंबीची २८५० डझन आवक झाली होती, त्यास २००ते ५०० रुपये प्रति दहा किलोस असा  दर मिळाला. चिकूची ५६० डझन आवक झाली होती, त्यास प्रति दहा किलोस १०० ते २०० रुपये असा दर मिळाला. डाळिंबाची २८७० डझन आवक झाली असून त्यास प्रति दहा किलोस २०० ते ६०० रुपये असा दर मिळाला. बोराची ७५ क्विंटल आवक झाली होती, त्यास प्रति क्विंटलला १००० ते २००० रुपये असा दर मिळाला. बाजार समितीतील शेतमालाची आवक व दर (प्रतिक्विंटल/रुपये)