agriculture news in marathi, jaggery prodution stop due to rain, kolhapur, maharashtra | Agrowon

कोल्हापुरात ऐन हंगामातच गुऱ्हाळघरे शांत
टीम अॅग्रोवन
बुधवार, 21 नोव्हेंबर 2018

पावसाळी हवामानाचा फटका गुळाच्या आवकेस बसण्यास सुरवात झाली आहे. मंगळवारी (ता. २०) गुळाच्या आवकेत दहा टक्के घट झाली. पावसाच्या अगोदर तोडलेला ऊस गाळप करून गूळ उत्पादकांनी गूळ बाजार समितीत आणला आहे. पावसामुळे सध्या तोडणी, गुऱ्हाळघरे ठप्प आहेत. यामुळे आता पुढील दोन दिवसांत गुळाची आवक मोठ्या प्रमाणात घटेल अशी शक्‍यता आहे.

- मोहन सालपे, सचिव, कोल्हापूर बाजार समिती.

कोल्हापूर  : यंदा गूळ दरात काहीशी वाढ झाल्याने समाधान असतानाच अनाहूनपणे आलेल्या अवकाळी पावसाने गूळ उत्पादकांच्या अपेक्षेवर पाणी फेरले आहे. गेल्या दोन दिवसांपासून जिल्ह्यात सर्वत्र पावसाळी वातावरण असल्याने अनेक गुऱ्हाळघरे शांत झाली आहेत. हंगाम भरात असतानाच गुऱ्हाळे बंद ठेवण्याची वेळ गुऱ्हाळमालकांवर आली आहे.

 गुऱ्हाळघरासाठीची ऊसतोडणी गुऱ्हाळ घरमालकांनी थांबविली आहे. सतत ढगाळ हवामान व पावसाच्या सरी गूळ पट्ट्यात होत असल्याने जळण भिजण्याचा धोका निर्माण झाला आहे. जेवढे एकत्रित केलेले जळण आहे, ते झाकण्याचा प्रयत्न असला तरी शेतात पसरलेले जळण भिजत असल्याने आता गुऱ्हाळघरे कशी सुरू करायची या चिंतेत गुऱ्हाळघरमालक आहेत.  ऊस रस काढल्यानंतर शिल्लक राहिलेल्या उसाची चिपाडे वाळवून त्याचा वापर चुलवाणात इंधन म्हणून केला जातो. उसाची चिपाडे वाळविण्यासाठी ती गुऱ्हाळाच्या ठिकाणच्या जागेत पसरवून ठेवली जातात. ती जशी वाळतील तशी ती चुलवाणात वापरली जातात.

जिल्ह्यात गेल्या दोन दिवसांत जोरदार पाऊस झाला. हलका पाऊस असेल व तातडीने ऊन पडले तर फारसा फरक पडत नाही. परंतु रविवारनंतर अनेक ठिकाणी जोरदार पाऊस झाला. शिवारात अक्षरश: पाणी साचले. यामुळे नाईलाजाने गुऱ्हाळघरांना गुळाचे आधण काढणे थांबवावे लागले आहे.
मंगळवारी (ता. २०) दुपारपर्यंत गूळ पट्ट्यात पावसाची शक्‍यता निर्माण झाली होती. थंड वारे, तुरळक पाऊस व सातत्याने ढगाळ हवामान यामुळे सूर्यदर्शन झालेले नाही. यामुळे गुऱ्हाळमालक हबकले आहेत.

अगोदरच उसाचा उतारा कमी आहे. त्यातच मजूर टंचाई आहे. यामध्ये गुऱ्हाळघरे बंद असल्याने गूळ पट्ट्यात मंगळवारी अस्वस्थता होती. अनेक गुऱ्हाळघरांत शुकशुकाट होता. तर जळण व अन्य साहित्य झाकून ठेवण्याचा प्रयत्न गुऱ्हाळ घरमालकांनी केला होता. दोन दिवसांपासून आधणे बंद असल्याने गुळाचे उत्पादनही रोडावल्याचे गूळ उत्पादकांनी सांगितले.
 

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...