सांगली बाजार समितीत गूळ प्रतिक्विंटल २३५० ते ३१९१

सांगली : येथील बाजार समितीत मंगळवारी (ता. १५) कोल्हापूरी गुळाची आवक २३१९ क्विंटल झाली असून, त्यास प्रतिक्विंटल २३५० ते ३१९१ तर सरासरी २७७१ रुपये असा दर मिळाला, अशी माहिती बाजार समितीच्या सूत्रांनी दिली.  हळदीची १६८२ क्विंटल आवक झाली असून त्यास प्रतिक्विंटल ६३०० ते ८६५० तर सरासरी ७४७५ असा दर होता. तांदळाची आवक कमी अधिक प्रमाणात होते आहे. तांदळाची ३२१ क्विंटल आवक झाली असून, त्यास प्रतिक्विंटल २२०० ते ६००० तर सरासरी ४१०० रुपये असा दर होता. विष्णूअण्णा पाटील फळे व भाजीपाला दुय्यम आवारात कांद्याची २०१२ क्विंटल आवक झाली असून त्यास प्रतिक्विंटल २०० ते ८०० रुपये असा दर होता. बटाट्याची ९१५ क्विंटल आवक झाली होती. त्यास १००० ते १८०० रुपये असा दर मिळाला. डाळिंबाची १२४० डझन आवक झाली असून, त्यास प्रति दहा किलोस १०० ते ४०० रुपये असा दर होता. चिक्कूची ३५८० डझन आवक झाली होती. चिक्कूस प्रति दहा किलोस १०० ते ४०० रुपये असा दर होता. आंबा बॉक्‍स (प्रतिबॉक्‍स एक डझनाचा) २०२८९ आवक झाली असून प्रतिपेटीस १०० ते ५०० रुपये असा दर मिळाला. सफरचंदाची २०० पेटीची आवक झाली होती. सफरचंदाच्या प्रतिपेटीस १००० ते १५०० रुपये असा दर मिळाला.