agriculture news in marathi, jaikwadi dams door open | Agrowon

नऊ वर्षांनंतर उघडले जायकवाडीचे दरवाजे
संतोष मुंढे
शनिवार, 23 सप्टेंबर 2017

ऊर्ध्व भागातील आवक आवक मोठ्या प्रमाणात सुरू राहिल्यास व प्रचलन आराखड्यानुसार आजघडीला 98 टक्‍के साठा असण्याचे निर्धारण याचे संतूलन राखेपर्यंत हा विसर्ग सुरू राहण्याची शक्‍यता सूत्रांनी वर्तविली आहे.

जायकवाडी, जि. औरंगाबाद ः जायकवाडी प्रकल्पात अचानक ऊर्ध्व भागातून पाण्याची आवक मोठ्या प्रमाणात वाढल्याने प्रकल्पाची पाणीपातळी 97 टक्‍क्‍यांच्या पुढे गेली. यामुळे गुरुवारी (ता. 21) मध्यमात्री आधी दिलेल्या सूचनेनुसार पहाटेची वाट न पाहता प्रकल्पातून गोदावरी पात्रात प्रारंभी 10 हजार क्‍युसेकचा विसर्ग सुरू करण्यात आला.

हा विसर्ग शुक्रवारी (ता.22) सकाळी 13 हजार करण्यात आला होता. तब्बल नऊ वर्षांनंतर जायकवाडीचे दरवाजे उघडण्यात आले आहेत. त्याआधी प्रशासनाकडून शुक्रवारी (ता.22) सकाळी 7 वाजता पाण्याचा विसर्ग सुरू करण्यात येणार असल्याचे स्पष्ट करण्यात आले होते. पाण्याचा विसर्ग करण्यासाठी जायकवाडी प्रकल्पाचे अठरा वक्राकार दरवाजे अर्धा फूट वरती उचलण्यात आले.

या वेळी कार्यकारी अभियंता चारुदत्त बनसोड, तहसीलदार महेश सावंत, सहायक अभियंता अशोक चव्हाण, उपकार्यकारी अभियंता नंदकिशोर भामरे, उपविभागीय पोलिस अधिकारी स्वप्नील राठोड आदींसह कर्मचारी उपस्थित होते. गुरुवारी रात्री उशिरापर्यंत 34 हजार क्‍युसेकने आवक सुरू होती तोवर प्रकल्प व तालुका प्रशासनाने निर्णय घेतला नव्हता. 98 टक्‍क्‍यांपर्यंत प्रकल्प गेल्यानंतरच विसर्ग सुरू होईल अशी तयारी प्रशासनाकडून सुरू होती.

मुळा धरण ओव्हरफ्लो होण्याची शक्‍यता वर्तविण्यात आल्याने रात्रीतून आणखी पाणी दाखल होईल ही शक्‍यता गृहीत धरून जायकवाडीतून पाणी विसर्गाचा निर्णय रात्रीच घेण्यात आल्याची माहिती सूत्रांनी दिली. दरम्यान, गावोगावी दवंडी देऊन नदीपात्रात कोणीही जाऊ नये, असा संदेश पाठवून गावांना सतर्कतेचा इशारा देण्यात आला होता. प्रशासनाकडून आधीच पाणी सोडून खबरदारी घेतली जात आहे.

तीन हजार क्‍युसेकने विसर्ग वाढला
गुरुवारी रात्री 10 हजार क्‍युसेकने सुरू केलेला विसर्ग शुक्रवारी सकाळी 11.30 वाजताच्या सुमारास 13 हजार क्‍युसेक करण्यात आला होता. तर प्रकल्पात 27 हजार क्‍युसेकच्या क्षमतेने ऊर्ध्व भागातून पाण्याची आवक सुरू होती व पाणीसाठा 98.07 टक्‍के होता अशी माहिती जायकवाडीवरील नियंत्रण कक्षातून देण्यात आली.

पाणी सोडल्याचा पूर्वइतिहास
जायकवाडीतून 12 वर्षांपूर्वी 27 जुलै 2005 रोजी 1 लाख 16 हजार क्‍युसेक विसर्ग करण्यात आला होता. त्याचबरोबर 2 ऑगस्टपर्यंत चार वेळा दरवाजे उघडावे लागले होते. त्यानंतर पुन्हा वर्षभराने 3 ते 12 ऑगस्ट 2006 मध्ये 2 लाख 50 हजार क्‍युसेक पाण्याचा विसर्ग करण्यात आला.

त्या वेळी ऊर्ध्व भागातून तब्बल 2 लाख 80 हजार क्‍युसेक पाण्याची आवक सुरू होती. त्यानंतर 12 व 13 सप्टेंबर 2008 रोजी 1 लाख 50 हजार क्‍युसेक पाण्याचा विसर्ग करण्यात आला होता. या घटनेनंतर तब्बल 9 वर्षांनी गुरुवारी (ता.21) जायकवाडीतून विसर्गाची वेळ आली.

मांजरा धरणाचे सहा दरवाजे उघडले
उस्मानाबाद मांजरा धरणाचे सहा दरवाजे शुक्रवारी (ता.22 ) सकाळी उघडण्यात आले आहेत. धरणाच्या कार्यक्षेत्रात पाऊस सुरू असून, पाण्याची आवक वाढत असल्याने पाण्याचा 148 क्‍युसेक एवढा विसर्ग सुरू करण्यात आला होता. सध्या धरण 99 टक्के भरले आहे. धरणातून पाण्याचा विसर्ग सुरू करण्यात आल्याने मांजरा नदीकाठच्या गावांना सावधानतेचा इशारा देण्यात आल्याची माहिती सूत्रांनी दिली.
 

दृष्टिक्षेपात जायकवाडी (ता. 22)
आवक 13,984 क्‍युसेक
विसर्ग 13, 584 क्‍युसेक
पाणीसाठा 98.07 टक्के

 

इतर अॅग्रो विशेष
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...
ग्रामपंचायतींमध्ये पीकनिहाय कृषी संदेश...पुणे: बोंड अळी तसेच पावसाचा खंड असल्यामुळे...
शेतकरी नवराच हवा गं बाई... कोल्हापूर : ‘शेतकरी नवरा नको गं बाई’ म्हणून...
कोकण, मध्य महाराष्ट्राच्या दक्षिण भागात...पुणे : कोकणाच्या सिंधुदुर्ग, रत्नागिरी, मध्य...
‘एमएसीपी’चे फलित काय ?पुणे : जागतिक बॅंकेकडून सुमारे ४५० कोटी रुपयांचे...
एकशेपंचवीस प्रकारच्या देशी बियाणांचा...काळा गहू, काळा हुलगा, लाल उडीद, पांढरे कारळे, साठ...
स्वादयुक्त, निर्यातक्षम आंबेमोहोर...निमझरी (जि. धुळे) येथील मच्छिंद्र, छगन आणि...
केरळला १०० कोटींची मदतकोची : केरळमधील पूरग्रस्त भागाची आज हवाई...
वानरांचा बंदोबस्त करणार कसा? माकडे आणि वानरे हजारो वर्षांपासून जंगलामध्ये,...
योजना चांगली, पण...हा य व्होल्टेज डिस्ट्रिब्युशन सिस्टिम (एचव्हीडीएस...
क्रॉपसॅप निरीक्षणाला अधिकाऱ्यांचा ‘खो'नागपूर ः क्रॉपसॅप प्रकल्पाअंतर्गत आठवड्यातून दोन...
‘दीडपट हमीभाव’प्रश्‍नी जनहित याचिकामुंबई: केंद्र सरकारने खरीप हंगामासाठी शेतीमालाला...
मॉन्सूनच्या काळात ७१८ जणांचा मृत्यूनवी दिल्ली ः देशात यंदाच्या माॅन्सूच्या काळात...
मराठवाड्यातील प्रकल्पांमधील पाणीसाठा...औरंगाबाद : पावसाळा सुरू असला तरी पाऊसच पडत...
कोकण, मध्य महाराष्ट्रात मुसळधारेचा अंदाजपुणे : राज्यात दडी मारलेल्या पावसाला पुन्हा...
वर्धा जिल्ह्यात कपाशीवर बोंड अळीचा...वर्धा ः जून महिन्यात लागवड करण्यात आलेल्या कपाशी...