agriculture news in marathi, jalgao in objective of 42 million trees | Agrowon

जळगाव जिल्ह्यात यंदा ४२ लाख वृक्षलागवडीचे उद्दिष्ट
टीम अॅग्रोवन
सोमवार, 11 जून 2018

जळगाव : शासनाच्या १३ कोटी वृक्ष लागवड अभियानात यंदा जळगाव जिल्ह्यासाठी ४२ लाख ४३ हजार वृक्ष लागवडीचे उद्दिष्ट देण्यात आले असून, त्यासाठी आतापर्यंत ४३ लाख खड्डे तयार झाले आहेत. १ ते ३१ जुलैदरम्यान राबविण्यात येणाऱ्या या मोहिमेत लोकसहभागातून उद्दिष्ट पूर्ण करण्यात येणार आहे.

जळगाव : शासनाच्या १३ कोटी वृक्ष लागवड अभियानात यंदा जळगाव जिल्ह्यासाठी ४२ लाख ४३ हजार वृक्ष लागवडीचे उद्दिष्ट देण्यात आले असून, त्यासाठी आतापर्यंत ४३ लाख खड्डे तयार झाले आहेत. १ ते ३१ जुलैदरम्यान राबविण्यात येणाऱ्या या मोहिमेत लोकसहभागातून उद्दिष्ट पूर्ण करण्यात येणार आहे.

वृक्ष लागवड अभियानासंदर्भात जिल्हाधिकारी कार्यालयात आयोजित पत्रकार परिषदेत माहिती देताना श्री. पगार म्हणाले, की यंदा राज्यभरात १३ कोटी वृक्ष लागवड करण्यात येणार आहे. गेली तीन वर्षे व यंदा असे एकूण ५० कोटी वृक्ष लावण्याचे उद्दिष्ट होते. यंदाच्या मोहिमेत जळगाव जिल्ह्यासाठी ४२ लाख ४३ हजार वृक्ष लागवडीचे उद्दिष्ट असून, त्यासाठी ४२ लाख ९३ हजार ५१७ खड्डे खोदून तयार आहेत.
ग्रामपंचायतींनाही उद्दिष्ट

जिल्ह्यातील प्रत्येक ग्रामपंचायतीने प्रत्येकी ११२५ रोपे लावायची असून, त्यासाठी वन विभाग ग्रामपंचायतींना उंच रोपे मोफत थेट वाहतूक करून उपलब्ध करून देईल. जिल्ह्यातील ११५० ग्रामपंचायतींनी यंदा एकूण १२ लाख ९३ हजार ७५० रोपे लावायची आहेत, असे त्यांनी सांगितले.

लोकसहभागाचे आवाहन
पत्रकार परिषदेस अप्पर जिल्हाधिकारी गोरक्ष गाडीलकर, उपवनसंरक्षक (यावल) संजीव दहिवले, सामाजिक वनीकरणाचे एस. डी. वाढई, रोहयो उपजिल्हाधिकारी जितेंद्र पाटील, वृक्ष लागवड अभियानाचे समन्वयक उदय सोनवणे आदी उपस्थित होते. तत्पूर्वी, सामाजिक संस्थांची बैठक घेऊन या अभियानात लोकसहभागासाठी आवाहन करण्यात आले.

या वृक्षांची होणार लागवड
वृक्ष लागवडीत प्रामुख्याने वृक्षप्रजातीतील बांबू, निंब, खैर, शिवण, शिसू, काशीद, मोहा, करंज, महारुख, साग, अंजन, रेनट्री, वड, पिंपळ, शिरस आदींसह फळझाडांमध्ये चिंच, जांभूळ, आवळा, कवीठ, सिताफळ, विलायती चिंच, आंबा, भोकर यांचा समावेश आहे.

८९ टक्के रोपे जगली
वृक्ष लागवड अभियानात २०१६ मध्ये जिल्ह्यात १२ लाख ७५ हजार उद्दिष्टापैकी प्रत्यक्षात १३ लाख ६९ हजार १६९ रोपे लावण्यात आली, त्यापैकी ७७.१८ टक्के जगली; तर २०१७ मध्ये २० लाख ८९ हजार ४९ वृक्ष लागवडीच्या उद्दिष्टापैकी २२ लाख ५२ हजार ५४५ रोपे लावण्यात आली. त्यातून ८९.१२ टक्के रोपे जिवंत राहिल्याचा दावा वन विभागातर्फे करण्यात आला आहे.

यंदाचे उद्दिष्ट असे
वन व वन्यजीव विभाग (जळगाव, यावल) : २१ लाख ५० हजार
सामाजिक वनीकरण विभाग : ६ लाख
ग्रामपंचायती (प्रत्येकी ११२५) : १२ लाख ५४ हजार ६५०
इतर विभाग : ३ लाख १८ हजार ४००

इतर ताज्या घडामोडी
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...