जळगावसह रावेर मतदारसंघ भाजपकडेच?

जळगावसह रावेर मतदारसंघ भाजपकडेच?
जळगावसह रावेर मतदारसंघ भाजपकडेच?

जळगाव ः आगामी लोकसभा निवडणुकीसंबंधी शिवसेना व भाजपची युती झाल्याचे जाहीर झाल्यानंतर राजकीय आडाखे बांधायला सर्वांनी सुरवात केलेली आहे. यातच मागील फॉर्म्युल्यानुसार जळगाव व रावेर हे जळगाव जिल्ह्यातील दोन्ही मतदारसंघ भाजपसाठी सुटतील, अशी शक्‍यता जाणकारांनी व्यक्त केली आहे.  मागील लोकसभा निवडणूक सेना-भाजपने एकत्रपणे लढली. त्या वेळेस जळगाव व रावेर लोकसभा मतदारसंघ भाजपसाठी सोडण्यात आले होते. जळगावसह रावेर लोकसभा मतदारसंघ मागील दोन पंचवार्षिक भाजपच्या ताब्यात आहे. रावेरात भाजपचे नेते एकनाथ खडसे यांची स्नुषा रक्षा खडसे या सध्या खासदार आहे. तर जळगावात ए. टी. पाटील हे सलग दोनदा निवडून आले आहे. पाटील यांना मोटीलाटेत मोठे मताधिक्‍य मिळाले होते. यातच जळगाव लोकसभा मतदारसंघासाठी मात्र शिवसेनेचा आग्रह आहे. शिवसेनेचे स्थानिक कार्यकर्ते या युतीसंबंधी नाराज असले तरी पक्षादेश अंतिम असतील, असे सोमवारी (ता. १८) एका पत्रपरिषदेत राज्यमंत्री तथा शिवसेनेचे उपनेते गुलाबराव पाटील यांनी स्पष्ट केले आहे.  मोदीनंतर गांधी धुळ्यात येणार पंतप्रधान नरेंद्र मोदी शनिवारी (ता. १६) धुळ्यात प्रचारसभेसंबंधी आले. त्यांनी अहिराणी भाषेत संवाद साधून मतदारांना आपलेसे करण्याचा प्रयत्न केला. आता काॅँग्रेसचे अध्यक्ष राहुल गांधी हे येत्या १ मार्च रोजी धुळ्यात प्रचारसभेनिमित्त येणार आहे. मोठे शक्तीप्रदर्शन काॅँग्रेस या सभेनिमित्त करणार असल्याचे सांगितले जात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com