agriculture news in marathi, jalgaon APMC collects Cess outside the premises | Agrowon

जळगाव बाजार समितीकडून आवाराबाहेर सेसवसुली
टीम अॅग्रोवन
बुधवार, 23 मे 2018

जळगाव : फळे-भाजीपाला नियमनमुक्तीनंतर बाजार समिती आवाराबाहेर आणि थेट शेतावर हाेणाऱ्या केळीच्या खरेदीविक्रीवर नियंत्रण ठेऊ शकत नाही आणि सेवा शुल्कदेखील वसूल करू शकत नाही. असे असतानाही जळगाव कृषी उत्पन्न बाजार समितीच्या कर्मचाऱ्याने बाजार समितीबाहेर विकलेल्या केळीसंबंधी खरेदीदाराकडून सेस वसूल केल्याचा प्रकार समोर आला आहे. 

जळगाव : फळे-भाजीपाला नियमनमुक्तीनंतर बाजार समिती आवाराबाहेर आणि थेट शेतावर हाेणाऱ्या केळीच्या खरेदीविक्रीवर नियंत्रण ठेऊ शकत नाही आणि सेवा शुल्कदेखील वसूल करू शकत नाही. असे असतानाही जळगाव कृषी उत्पन्न बाजार समितीच्या कर्मचाऱ्याने बाजार समितीबाहेर विकलेल्या केळीसंबंधी खरेदीदाराकडून सेस वसूल केल्याचा प्रकार समोर आला आहे. 

पिंपरी-चिंचवड येथील फळ व्यापारी किंवा खरेदीदार संदीप पाटील यांनी दापोरा (ता. जि. जळगाव) येथील शेतकऱ्याकडून सोमवारी (ता. २१) केळीची थेट शेतात जाऊन खरेदी केली. या केळीचे वजन सात मेट्रिक टन २०० किलो एवढे होते. मालवाहूने केळी शेतकऱ्याकडून खरेदी करून आणत असताना शिरसोली (ता. जि. जळगाव)नजीक कृषी उत्पन्न बाजार समितीच्या एका कर्मचाऱ्याने मालवाहू मोटार अडवून बाजार शुल्काची मागणी केली. यानंतर संबंधित मोटारीच्या चालकाने खरेदीदार पाटील यांच्याशी मोबाईलवरून संपर्क साधला. यावर बाजार समितीचे कर्मचारी व खरेदीदार पाटील यांच्यात संभाषण झाले.  

त्यात संबंधित कर्मचाऱ्याने आपण कर्मचारी आहोत, बाजार समितीच्या सूचनांचे पालन आपण करीत असून, सेस द्यावा, अशी भूमिका मांडली. कर्मचाऱ्याने ३०० रुपये सेस वसूल केला, असे खरेदीदार पाटील यांनी सांगितले. तर बाजार समितीबाहेर शेतकऱ्यांकडून जे व्यापारी माल खरेदी करतात, त्यांच्याकडून सेवा शुल्क वसूल केले जाते. यात कायद्याचे उल्लंघन करण्याचा मुद्दाच नाही. शेतकऱ्याकडून ही वसुली नसते. संबंधित व्यापाऱ्यांनी बाजार समितीकडे नोंदणी करून घ्यावी, असे बाजार समितीने म्हटले आहे. 

दरम्यान, फळे-भाजीपाला नियमनमुक्तीनंतर बाजार समिती आवाराबाहेर आणि थेट शेतावर हाेणाऱ्या केळीच्या खरेदीविक्रीवर नियंत्रण ठेऊ शकत नाही आणि सेवा शुल्कदेखील वसूल करू शकत नाही. सेवा शुल्काची वसुली ही नियमबाह्य आणि बेकायदा असून, जिल्हा उपनिबंधकांच्या मान्यतेने सेवा शुल्क वसूल हाेत असेल, तर तसे आदेश बाजार समितीने सादर करावेत, असे पणन संचालनालयाकडून स्पष्ट करण्यात आले आहे.

बाजार समितीबाहेर थेट शेतात खरेदी केल्या जाणाऱ्या शेतीमालासंबंधी व्यापाऱ्यांकडून बाजार समिती सेस आकारू शकत नाही. पणन कायद्यानुसार ते योग्य नाही. जळगाव बाजार समितीने सेस आकारून कायदा मोडला आहे. 
- संदीप पाटील, 
केळी खरेदीदार, पिंपरी-चिंचवड

बाजार समितीच्या कार्यक्षेत्रात खरेदी केल्या जाणाऱ्या शेतीमालावर व्यापारी किंवा खरेदीदाराकडून सेवा शुल्क घेतो. यात कायदा मोडण्याचा प्रकार नाही. शेतकऱ्याचे कोणतेही नुकसान यात होत नाही. आम्ही जिल्हा उपनिबंधक यांची परवानगी घेऊन ही वसुली करीत आहोत. 
- कैलास चौधरी,
माजी सभापती तथा संचालक, जळगाव बाजार समिती

फळे भाजीपाला नियमनमुक्तीनंतर बाजार समिती आवाराबाहेर हाेणाऱ्या फळे-भाजीपाल्याच्या खरेदी-विक्रीवर नियंत्रण ठेऊ शकत नाही. तर शेतामध्ये जाऊन सेवा शुल्क वसूल करण्याचे काेणतेही आदेश जिल्हा उपनिबंधक कार्यालयाकडून दिलेले नाहीत. सेवा शुल्कवसुलीची माहिती घेऊन कारवाई करू.
- विशाल जाधवर, 
जिल्हा उपनिबंधक, जळगाव

 

इतर बातम्या
सायगावच्या सरपंचांचा प्लॅस्टिकमुक्तीचा...सायगाव : ग्रामपंचायतीचे सरपंच अजित आपटे यांनी...
ऑनलाइन वीजबिल भरणा कोणत्याही शुल्काविनासोलापूर  : ग्राहकांना ऑनलाइनद्वारे आपल्या...
स्थानिक पालेभाज्यांचा आहारात वापर...आफ्रिकेमध्ये पोषकतेसह दुष्काळ सहनशीलतेसारखे अनेक...
सोलापुरात पीककर्ज वाटप अवघ्या १४ टक्‍क्...सोलापूर : सोलापूर जिल्ह्यात खरीप हंगामासाठी...
सांगोल्यात खरीप वाया जाण्याची भीतीसांगोला : तालुक्‍यात पावसाने दांडी मारल्याने खरीप...
नगरमध्ये ‘जलयुक्त’ची साडेपाच हजारांवर...नगर   ः जलयुक्त शिवार अभियानातून गेल्यावर्षी...
सहा महिन्यांनंतर नीरा नदीत पाणीवालचंदनगर, जि. पुणे : नीरा नदीवरील भोरकरवाडी (ता...
नाशिक विभागात खरिपासाठी ६२ हजार क्विंटल...नाशिक : नाशिक विभागात पाऊस लांबल्याने चिंता वाढली...
पावसाने दडी मारल्यामुळे तीन जिल्ह्यांत...नांदेड : नांदेड, परभणी, हिंगोली जिल्ह्यांत मृग...
बीडमध्ये दुबार पीककर्ज, संपूर्ण...बीड  : जिल्ह्यात गेल्या वर्षीपेक्षा यंदा...
‘सेल्फी वुईथ फार्मर’साठी यवतमाळ कृषी...यवतमाळ  : सध्या पेरणी हंगाम सुरू झाला आहे....
परभणी जिल्ह्यात टॅंकरची संख्या घटलीपरभणी : गेल्या पंधरवड्यात झालेल्या जोरदार...
हमीभावाने विकलेल्या हरभऱ्याचे ३५ कोटी...सोलापूर  : राज्य शासनाने सुरू केलेल्या...
नगर जिल्ह्यात मनरेगाच्या कामांवर ८६४४...नगर : जिल्ह्यात महात्मा गांधी राष्ट्रीय ग्रामीण...
केंद्र सरकारने जाहीर केलेले साखर पॅकेज...पुणे : केंद्र सरकारने जाहीर केलेले साखरेचे...
‘जयभवानी’ने तयार केला स्वत:चा जलमार्गबीड : कुठलाही कारखाना चालविण्यासाठी कच्च्या...
तूर, हरभऱ्याचे साडेअकराशे कोटी मिळेनातसोलापूर : नैसर्गिक आपत्ती, गडगडणारे बाजारभाव,...
सतर्क राहा ! बियाणे खरेदीतील फसवणूक...पुणे : खरिपाची लगबग प्रत्येक शिवारापासून ते...
राज्य बॅंकेकडून साखर तारण कर्जाचा दुरावाकोल्हापूर : राज्य बँकेने मालतरण कर्जासाठी आवश्‍यक...
कृषिक्षेत्रात काॅर्पोरेट गुंतवणुकीसाठी...नवी दिल्ली : भारतातील कृषिक्षेत्रात काॅर्पोरेट...