agriculture news in Marathi, In Jalgaon, Dadar rates up to 3100 rupees | Agrowon

जळगावात दादरला ३१०० रुपयांपर्यंत दर
टीम अॅग्रोवन
मंगळवार, 19 फेब्रुवारी 2019

जळगाव ः कृषी उत्पन्न बाजार समितीमध्ये दादरची (ज्वारी) आवक सुरू झाली असून, मागील आठवड्यात प्रतिदिन सरासरी १०० क्विंटल आवक झाली. सुरवातीच्या दरांचा लाभ ज्वारी उत्पादकांना काहीसा मिळत असून, सरासरी ३१०० रुपये प्रतिक्विंटलचा दर मिळाला. 

जळगाव ः कृषी उत्पन्न बाजार समितीमध्ये दादरची (ज्वारी) आवक सुरू झाली असून, मागील आठवड्यात प्रतिदिन सरासरी १०० क्विंटल आवक झाली. सुरवातीच्या दरांचा लाभ ज्वारी उत्पादकांना काहीसा मिळत असून, सरासरी ३१०० रुपये प्रतिक्विंटलचा दर मिळाला. 

आवक जळगाव, पाचोरा, जामनेर व धरणगाव भागांतून सुरू आहे. कोरडवाहू क्षेत्रात ओलावा नसल्याने पेरणी नगण्य झाली होती. गिरणा व तापी नदीकाठीच पेरणी झाली होती. ऑक्‍टोबरमध्ये पेरणी केलेल्या दादरची मळणी जवळपास पूर्ण झाली आहे. तर नोव्हेंबर व डिसेंबरमध्ये पेरणीच्या दादरची मळणी व्हायला अजून महिनाभर वेळ लागेल. ज्यांनी आगाप पेरणी केली, त्यांनाच या दरांचा लाभ होत असल्याचे शेतकऱ्यांचे म्हणणे आहे.

मागील हंगामात दादरला सुरवातीला कमाल २७०० रुपये प्रतिक्विंटलचा दर मिळाला होता. या हंगामात दर बऱ्यापैकी असून, ते टिकून राहतील, असा अंदाज आहे. 

जळगावसह चोपड व अमळनेरच्या बाजारातही दादरची कमी अधिक स्वरूपात आवक मागील आठवड्यातच सुरू झाली. अमळनेर बाजारात सर्वाधिक प्रतिदिन २०० क्विंटलपर्यंतची आवक झाल्याची माहिती मिळाली. तेथेही दर ३१०० ते ३२०० पर्यंत आहेत. उत्पादन दर्जेदार असल्याने दरांबाबत कुठलीही तडजोड केली जात नसल्याचे सांगितले जात आहे. पुढील आठवड्यात आवक वाढू शकते. 

दादरच्या कडब्यासही यंदा एकरी ११ हजार रुपये उच्चांकी दर मिळाला आहे. हा कडबा कसदार व टिकाऊ मानला जातो. दुधाळ पशुधनासाठी अगदी धुळे, मध्य प्रदेशातील शेतकरी या कडब्याची खरेदी चोपडा, जळगाव, अमळनेर भागांतून करतात. एक एकरात किमान १७० ते २०० पेंढ्या कडबा मिळत आहे. मागील हंगामाच्या तुलनेत कडब्यास एकरी अडीच हजारांचा दर अधिक असल्याचे सांगण्यात आले.

तूर दर टिकून
संकरित व पारंपरिक वाणांच्या तुरीचे दर महिनाभरापासून टिकून असून, तुरीची आवक फक्त रावेर, चोपडा, अमळनेर, मुक्ताईनगर व पाचोरा येथील बाजारात कमी अधिक स्वरूपात होत आहे. लागवडच फक्त १८०० हेक्‍टरपर्यंत होती. बागायती किंवा सिंचनाची सुविधा असलेल्या तुरीचे उत्पादन बऱ्यापैकी असून, सध्या क्विंटलमागे ५३५० ते ५५०० रुपयांपर्यंतचे दर आहेत. पारंपरिक वाणांच्या तुरीला अधिक उठाव आहे. प्रमुख चार बाजार समित्यांमध्ये प्रतिदिन ५०० क्विंटलपर्यंतच तुरीची आवक होत आहे. 

केळी दरांवर दबाव
केळी दरांवर पाकिस्तानमधील निर्यात रखडत सुरू असल्याने दबाव आहे. यातच मागील आठवड्यात फैजपूर (ता. यावल) व सावदा (ता. रावेर) येथील एजंटनी केळीची पाकिस्तानात पाठवणूक करण्यास सपशेल नकार दिल्याने दर क्विंटलमागे २० ते ३० रुपयांनी कमी झाले. सध्या ९८० रुपये प्रतिक्विंटलचा दर नवती केळीला रावेर, यावल व मुक्ताईनगर भागांत मिळत आहे.

इतर बाजारभाव बातम्या
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
नाशिकमध्ये टरबूज प्रतिक्विंटल ७०० ते...नाशिक : नाशिकमध्ये टरबुजाची आवक ९६० क्विंटल झाली...
पुण्यात कांदा, टोमॅटो, ढोबळी मिरचीचे दर...पुणे  : गुलटेकडी येथील कृषी उत्पन्न बाजार...
परभणीत कोबीला प्रतिक्विंटल १२०० ते २०००...परभणी : पाथरी रस्त्यावरील फळे भाजीपाला...
राज्यात वांगी प्रतिक्विंटल ५०० ते ३०००...साताऱ्यात १५०० ते २००० रुपये सातारा येथील...
जळगावात आले प्रतिक्विंटल ३००० ते ७०००...जळगाव : कृषी उत्पन्न बाजार समितीमध्ये...
नाशिकमध्ये ढोबळी मिरची प्रतिक्विंटल...नाशिक : नाशिकमध्ये ढोबळी मिरचीची आवक १६३...
सोलापुरात कांदा दरात किंचित सुधारणासोलापूर : कृषी उत्पन्न बाजार समितीच्या...
पुणे बाजार समितीत श्रावण घेवडा,...पुणे  ः गुलटेकडी येथील कृषी उत्पन्न बाजार...
राजस्थान, मध्य प्रदेशातून गव्हाच्या...जळगाव : बाजार समितीमधील किरकोळ व घाऊक विक्रेते,...
परभणीत काकडीला प्रतिक्विंटल ७०० ते १५००...परभणी : येथील पाथरी रस्त्यावरील फळे भाजीपाला...
राज्यात लिंबू प्रतिक्विंटल ८०० ते ६०००...जळगावात २४०० ते ४००० रुपये  जळगाव : कृषी...
कोल्हापुरात टोमॅटोला प्रति दहा किलोस ५०...कोल्हापूर : येथील कृषी उत्पन्न बाजार समितीत...
सोलापुरात मेथी, शेपूला उठाव, दरात...सोलापूर  : सोलापूर कृषी उत्पन्न बाजार...
खानदेशात केळीच्या दरात ६० रुपयांनी...जळगाव  ः खानदेशात केळीसाठी प्रसिद्ध असलेल्या...
पुण्यात भाजीपाल्याची आवक, दर स्थिरपुणे  ः गुलटेकडी येथील कृषी उत्पन्न बाजार...
मानवत बाजार समितीत उद्यापासून हळद खरेदीमानवत, जि. परभणी ः मानवत येथील कृषी उत्पन्न बाजार...
अक्षय तृतीयेनिमित्त आंब्याला मागणीपुणे ः मंगळवारी (ता. ७) साजऱ्या होणाऱ्या अक्षय...
औरंगाबादेत आंबा ४ हजार ते १० हजार रुपये...औरंगाबाद : येथील कृषी उत्पन्न बाजार...
परभणीत शेवग्याला प्रतिक्विंटल १५०० ते...परभणी : येथील पाथरी रस्त्यावरील फळे भाजीपाला...