agriculture news in marathi, jalyukt shivar scheme status, solapur | Agrowon

सोलापुरात ‘जलयुक्त’च्या कामांचा वेग मंदावला
टीम अॅग्रोवन
गुरुवार, 1 फेब्रुवारी 2018
सोलापूर : जलयुक्त शिवार अभियानामध्ये सर्वाधिक आघाडी असणाऱ्या सोलापूर जिल्ह्यातील कामांचा यंदाच्या वर्षीचा वेग मात्र बराच मंदावला आहे. अभियानाच्या पहिल्या व दुसऱ्या वर्षी ज्या गतीने कामे झाली होती त्या गतीने आता कामे होताना दिसत नाहीत. तत्कालीन जिल्हाधिकारी तुकाराम मुंडे यांनी ज्या तडफेने आणि धडाडीने या अभियानासाठी काम केले, त्याची फलनिष्पत्ती झाली, ती आता पुन्हा होईल का नाही, अशी शक्‍यता कमी आहे.
 
सोलापूर : जलयुक्त शिवार अभियानामध्ये सर्वाधिक आघाडी असणाऱ्या सोलापूर जिल्ह्यातील कामांचा यंदाच्या वर्षीचा वेग मात्र बराच मंदावला आहे. अभियानाच्या पहिल्या व दुसऱ्या वर्षी ज्या गतीने कामे झाली होती त्या गतीने आता कामे होताना दिसत नाहीत. तत्कालीन जिल्हाधिकारी तुकाराम मुंडे यांनी ज्या तडफेने आणि धडाडीने या अभियानासाठी काम केले, त्याची फलनिष्पत्ती झाली, ती आता पुन्हा होईल का नाही, अशी शक्‍यता कमी आहे.
 
जिल्हा प्रशासनाच्या स्तरावर आढावा बैठका, कामांच्या मंजुरी या पलीकडे फारशा हालचाली दिसत नाहीत. प्रत्यक्षात लोकांचे प्रबोधन आणि त्यांची मान्यता आणि वाढता लोकसहभाग या योजनेमध्ये आवश्‍यक आहे. पण त्याबाबतही काहीसे संदिग्ध चित्र आहे. यंदा जिल्ह्यात झालेला मुबलक पाऊस, शंभर टक्के भरलेले उजनी धरण आणि जलयुक्त शिवारला दिलेली तंत्रज्ञानाची जोड याचा परिणाम यंदाच्या जलयुक्त शिवार अभियानाच्या कामांवर झालेला दिसत आहे, पण हे किती काळ टिकणार आहे, याचा विचार होण्याची गरज आहे.
 
तत्कालीन जिल्हाधिकारी तुकाराम मुंडे यांनी यासाठी स्वतःहून पुढाकार घेऊन काम केले. ते स्वतः या सगळ्या कामावर लक्ष ठेवत. त्यामुळेच सलग दोन वर्षे २०१५ व २०१६ मध्ये या अभियानाला सोलापूर जिल्ह्यात चांगला प्रतिसाद मिळाला. या अभियानाला लोकसहभागाची भक्कम जोड मिळाल्याने जिल्ह्याने राज्यात अव्वल कामगिरी केली, पण नंतर त्यात संथगती आली आहे.
 
यंदा जिल्ह्यात समाधानकारक पाऊस झाला. यापूर्वी झालेल्या ‘जलयुक्त’च्या कामांमुळे शिवारातील पिके डोलू लागली आहेत. शिवारात पिके असल्यानेही ‘जलयुक्त’च्या कामांना अडथळा होऊ लागला आहे. २०१७ हे वर्ष ‘जलयुक्त’च्या कामासाठी जेमतेमच ठरले. आता या वर्षी तरी प्रशासनाने अंग झटकून काम करण्याची गरज आहे. 

२०१५-१६ व २०१६-१७ वर्षांत सोलापूर जिल्ह्यात झालेल्या जलयुक्त शिवार अभियानातील कामांमुळे चार लाख १३ हजार ७१० टीसीएम एवढी पाणी साठवण क्षमता निर्माण झाली. जिल्ह्यात यंदा ६१२ मिमी पाऊस झाल्याने विहिरींच्या पाणीपातळीत सरासरी तीन मीटरने वाढ झाली आहे. जिल्ह्यातील दोन सिंचनांसाठी एकूण एक लाख ५१ हजार ५८० हेक्‍टरसाठी संरक्षित पाणीसाठा निर्माण झाला आहे.

 प्रस्तावित आराखडा
  • कामांची संख्या  - १५,०३६
  • रक्कम - २५२ कोटी ४७ लाख
  • गावांची संख्या -  २६५.

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...