agriculture news in marathi, jalyukt shivar,akola, maharashtra | Agrowon

‘जलयुक्त शिवार’च्या कामांमध्ये चालढकल नको : शिंदे
टीम अॅग्रोवन
गुरुवार, 9 नोव्हेंबर 2017
अकाेला  ः राज्यात राबविल्या जात असलेल्या महत्त्‍वाकांक्षी जलयुक्त शिवार अभियानाच्या कामात चालढकल करू नका, अशा सूचना जलसंधारणमंत्री राम शिंदे यांनी येथे झालेल्या विभागीय बैठकीत अधिकाऱ्यांना दिल्या. 
 
अकाेला  ः राज्यात राबविल्या जात असलेल्या महत्त्‍वाकांक्षी जलयुक्त शिवार अभियानाच्या कामात चालढकल करू नका, अशा सूचना जलसंधारणमंत्री राम शिंदे यांनी येथे झालेल्या विभागीय बैठकीत अधिकाऱ्यांना दिल्या. 
 
येथील जिल्हाधिकारी कार्यालयाच्या नियोजन भवनात बुधवारी (ता.८) अमरावती विभागातील पाच जिल्ह्यांची अाढावा बैठक श्री.शिंदे यांच्या प्रमुख्य उपस्थितीत झाली. यावेळी कृषिमंत्री पांडुरंग फुंडकर, पालकमंत्री डॉ. रणजित पाटील, जिल्हा परिषद अध्यक्षा संध्याताई वाघोदे, उमाताई तायडे (बुलडाणा), मृद व जलसंधारण खात्याचे प्रधान सचिव एकनाथ डवले, विभागीय अायुक्त पीयूष सिंग, जिल्हाधिकारी अास्तिककुमार पांडेय यांच्यासह अकोला, बुलडाणा, वाशीम, अमरावती अाणि यवतमाळ या पाच जिल्ह्यातील अधिकारी उपस्थित होते. ‘जलयुक्त’च्या कामात दिरंगाई करणाऱ्या अधिकाऱ्यांना श्री. शिंदे यांनी दम भरला. तसेच अशा अधिकाऱ्यांविरुद्ध विभागीय चौकशी करण्याचे निर्देशही त्यांनी दिले.
 
या बैठकीत जलयुक्त शिवार अभियानांतर्गत २०१५-१६ अाणि २०१६-१७ या वर्षातील कामाच्या प्रगतीचा तसेच २०१७-१८ या वर्षातील कामे व नियोजनाचा सविस्तर अाढावा त्यांनी घेतला. यावेळी अकोल्याचे अामदार रणधीर सावरकर यांनी कृषी व जिल्हा परिषद यंत्रणेकडून जलयुक्त शिवार याेजनेच्या कामात माेठ्या प्रमाणात चालढकल करण्यात येत असल्याचा मुद्दा उपस्थित केला. ई-क्लासमध्ये १०० बाय १०० मीटरचे शेततळे, मागेल त्याला शेततळे, नाला सरळीकरण अादी प्रश्नावर त्यांनी सभागृहाचे लक्ष वेधले.
 
यावेळी अामदार हरिष पिंपळे यांनी मूर्तिजापूर मतदार संघातील ‘जलयुक्त’ची मंजूर व प्रस्तावित कामे तातडीने करण्याची मागणी केली. अामदार अमित झनक यांनी वाशीम जिल्ह्यातील जलयुक्तच्या कामात प्रशासकीय यंत्रणेकडून हाेणाऱ्या दिरंगाईचा मुद्दा उपस्थित केला. याेजनेंतर्गत लाखाे रुपये खर्च करूनही केटीवेअरमध्ये पाणी अडविले जात नसल्याचे त्यांनी मंत्र्यांच्या निदर्शनात अाणून दिले.
 
त्यावर मंत्री शिंदे यांनी संबंधित कार्यकारी अभियंता, उपअभियंत्यांना शासन परिपत्रक वाचले काय? त्यानुसार काय काम केले? असा जाब विचारला. मात्र, त्यावर अधिकाऱ्यांना समाधानकारक उत्तर देता अाले नसल्याने त्यांची विभागीय चाैकशी सुरू करून प्रशासकीय कारवाई करण्याचे अादेशही दिले. 

इतर ताज्या घडामोडी
उत्तम निचऱ्याच्या जमिनीत पपई लागवड...पपई फळपिकाच्या लागवडीसाठी उत्तम निचऱ्याची जमीन...
जमिनीतील जिवाणूंच्या गुणसूत्रीय रचनांचा...जमीन ही पिकाचे उत्पादन घेण्यासाठी एकमेव परिपूर्ण...
तुटपुंजी मदत नको, शंभर टक्के भरपाई द्या...अकोला : गारपिटीने नुकसान झालेल्या...
ग्रामीण भागातील अतिक्रमित घरे नियमित...मुंबई : ग्रामीण महाराष्ट्रातील शासकीय जमिनींवरील...
राज्यातील २६ रेशीम खरेदी केंद्रे बंदसांगली ः कमी गुंतवणूक, खात्रीशीर व कायमची...
शिवनेरीवर उद्या शिवजन्मोत्सव सोहळापुणे : छत्रपती शिवाजी महाराज यांच्या जयंतीनिमित्त...
नगर जिल्ह्यात सव्वातीन हजार हेक्‍टरवर...नगर : नगर जिल्ह्यामध्ये महाबीजतर्फे गहू, ज्वारी,...
बदलत्या वातावरणाचा केळीला फटका जळगाव : हिवाळ्याच्या शेवटच्या कालावधीत विषम...
‘ग्रामस्थांचा विरोध असेल तर नाणार...मुंबई : कोकणातील नाणार रिफायनरी प्रकल्पाच्या...
आपले सरकारचे संगणकचालक सात...मुंबई : ग्रामविकास व माहिती तंत्रज्ञान...
जाहीर केलेला हप्ता द्या ः राजू शेट्टीकोल्हापूर : कोल्हापुरातील साखर कारखान्यांनी जाहीर...
औरंगाबाद येथे हमीभावाने शेतमाल...औरंगाबाद (प्रतिनिधी) : शेतीमालाची शासनानेच ठरवून...
सत्तर वर्षे होऊनही शेतकऱ्यांच्या...राळेगणसिद्धी, जि. नगर : देशाला स्वतंत्र...
नोटा घेऊन तुमच्या दरात उभा राहू का? -...वाशीम - राज्यातील शेतकऱ्यांच्या प्रश्‍नांवर अनेक...
परभणी भेंडी प्रतिक्विंटल २५०० ते ३०००...परभणी : येथील फळे-भाजीपाला मार्केटमध्ये...
थंडी कमी होऊन उन्हाळ्याची चाहूल लागेलमहाराष्ट्रासह, मध्यभारत, पश्‍चिम व पूर्व...
डिंकपोस्टिंग कल्चरद्वारे लवकर कुजवा पीक...शेतीतील टाकाऊ मानले जाणारे पिकांचे अवशेष योग्य...
कोबीवर्गीय पिकांवरील रोगांचे नियंत्रण सद्यःस्थितीत कोबीवर्गीय पिके वाढीच्या अवस्थेत...
नव्या दमाने स्वत: काम करणार : महिला...आळंदी, जि. पुणे ः नवे करण्याची जिद्द आहे....
गारपीटग्रस्त रब्बी पिकांचे व्यवस्थापनमागील दोन दिवसांपासून मराठवाड्यासह राज्यातील...