agriculture news in marathi, Jalyukt Shiwar, expenditure, nagar | Agrowon

नगरमध्ये ‘जलयुक्त’वर १०८ कोटी खर्च
सू्र्यकांत नेटके
सोमवार, 9 ऑक्टोबर 2017

नगर : जलयुक्त शिवार अभियानातून नगर जिल्ह्यामध्ये चालू वर्षातील सहा महिन्यांत एकशे आठ कोटी ८० लाख रुपये खर्च करण्यात आले आहेत. या वर्षासाठी २६८ गावांची अभियानासाठी निवड केलेली आहे. आतापर्यंत ९ हजार १८४ कामे सुरू झाली असून त्यातील सहा हजार नऊशे कामे पूर्ण झाली आहेत. दरवर्षीप्रमाणे यंदाही जलयुक्तवर खर्च करण्यात जामखेड आघाडीवर आहे. त्यापाठोपाठ संगमनेर, अकोले, कर्जतमध्येही खर्चाचे आकडे मोठे आहेत.

नगर : जलयुक्त शिवार अभियानातून नगर जिल्ह्यामध्ये चालू वर्षातील सहा महिन्यांत एकशे आठ कोटी ८० लाख रुपये खर्च करण्यात आले आहेत. या वर्षासाठी २६८ गावांची अभियानासाठी निवड केलेली आहे. आतापर्यंत ९ हजार १८४ कामे सुरू झाली असून त्यातील सहा हजार नऊशे कामे पूर्ण झाली आहेत. दरवर्षीप्रमाणे यंदाही जलयुक्तवर खर्च करण्यात जामखेड आघाडीवर आहे. त्यापाठोपाठ संगमनेर, अकोले, कर्जतमध्येही खर्चाचे आकडे मोठे आहेत.

ग्रामीण भागातील टंचाईमुक्तीसाठी दोन वर्षांपासून जलयुक्त शिवार अभियान राबवले जात आहे. अभियान यशस्वी करण्याची सर्वस्वी जबाबदारी कृषी विभागाची आहे. अभियानात पहिल्या वर्षी २७९, दुसऱ्या वर्षी २६८ आणि यंदा २४१ गावांची निवड केली आहे. पहिल्या दोन वर्षांत अभियानावर जवळपास तीनशे कोटी पेक्षा जास्ती खर्च झालेला आहे.

यावर्षी निवडलेल्या २६८ गावांत ९ हजार १८४ कामे सुरू झाली. त्यातील ६९०१ कामे पूर्ण झाली असून दोन हजार २७९ कामे प्रगतीपथावर आहेत. आतापर्यंत चौदा तालुक्‍यांत अभियानावर यंदाच्या सहा महिन्यांत एकशे आठ कोटी ८० लाखांचा खर्च झाला आहे. जलसंधारण मंत्री आणि पालकमंत्री प्रा. राम शिंदे यांच्या जामखेड तालुक्‍यात सहा महिन्यांत २४ कोटी २८ लाख रुपये खर्च केले आहेत.

जलयुक्त शिवार अभियानातून कामे झालेल्या गावांत फायदा होत आहे. मागील पाच वर्षांचा विचार करता, टंचाईची स्थिती गंभीर होती. गेल्या वर्षी व यंदा "जलयुक्त''ची कामे झालेल्या गाव-शिवारांत टंचाईचे प्रमाण नगण्य आहे. टॅंकरने पाणीपुरवठा करावा लागलेल्या गावांत टॅंकर देण्याची गरज पडली नाही. त्यामुळे प्रशासनाला निधी खर्च करण्याची गरज पडली नाही.

यंदा अजूनही पाऊस नाही; मात्र थोड्या-फार पावसावर साठवण झालेल्या पाण्यानेच आतपर्यंत तारले आहे. "जलयुक्त''मधून जास्तीत जास्त कामे करण्याचा आमचा प्रयत्न आहे, असे जिल्हा अधीक्षक कृषी अधिकारी पंडित लोणारे यांनी सांगितले.

पुरस्कार रखडले

"जलयुक्त शिवार अभियान'' मुख्यमंत्री देवेंद्र फडणवीस यांचे महत्त्वाकांक्षी अभियान आहे. या अभियानात सहभागी गावांसह पत्रकार, समाजिक कार्यकर्ते, अधिकारी यांचेही योगदान महत्त्वाचे आहे. योजनेत भरीव काम करणाऱ्या गावांसोबत पत्रकार, सामाजिक कार्यकर्त्यांना पुरस्कार देणार असल्याची घोषणा केली. मात्र पहिल्या एका वर्षाचे गावांचे आणि राज्य पातळीवरील अधिकारी, पत्रकारांचे पुरस्कार फक्त जाहीर झाले. त्याचे अजून वितरण नाही. विशेष म्हणजे अगोदर जिल्हा, विभागाचे पुरस्कार जाहीर करून नंतर राज्याचे पुरस्कार जाहीर करण्याचा नियम आहे. जलसंधारण विभागाने मात्र थेट राज्याचे पुरस्कार जाहीर केले अन्‌ विभाग, जिल्ह्याचे मात्र रखडून ठेवले.

 

इतर बातम्या
तूर खरेदीस १५ मेपर्यंत मुदतवाढीचा अादेश...नागपूर : यापूर्वी निर्धारित केलेले अटी व नियम...
नेदरलॅंड फळ बाजारात ब्राझीलचे वर्चस्वगेल्या काही वर्षांमध्ये आंबा, लिंबू आणि...
साखरेवर कर, इथेनॉलवरील जीएसटी कमी...नवी दिल्ली ः देशात सध्या साखरेचे दर पडल्याने...
उन्हामुळे लाही लाहीपुणे : वाढलेल्या उन्हामुळे अंगाची लाही लाही होत...
दख्खनी मेंढीची लाेकरदेखील दर्जेदारपुणे : आॅस्ट्रेलियातील मेरिनाे मेंढीची लोकर...
अन्य खात्याच्या मंत्र्यांचाही ‘कृषी’...पुणे : कृषी विभागातील घोटाळेबहाद्दर अधिकाऱ्यांना...
तूर खरेदीत राज्याला एक हजार कोटींचा...मुंबई ः अगदी सुरवातीपासूनच संशयाच्या भोवऱ्यात...
चालण्याचा व्यायाम आरोग्यासाठी फायद्याचाआरोग्यासाठी व्यायामाची आवश्यकता कोणीही नाकारत...
पूर्वहंगामी कापूस लागवडीला बसणार फटका जळगाव  ः गुलाबी बोंड अळीचा धसका आणि...
कोकणवर अन्याय करणाऱ्यांची राखरांगोळी...नाणार  : नाणार प्रकल्प होऊ देणार नाही, नाणार...
राज्यातील धरणसाठा ३३.८६ टक्क्यांवरपुणे  : तापमान वाढताच राज्यातील धरणांचा...
रणरणत्या उन्हातील धान्य महोत्सवाकडे...नागपूर  ः विदर्भाचा उन्हाळा राज्यात सर्वदूर...
उद्योगांमध्ये वापर होणाऱ्या साखरेवर कर...कोल्हापूर  : देशात तयार होणाऱ्या साखरेपैकी...
अादेशाअभावी तूर खरेदी बंदचअकोला ः मुदत संपल्याने बुधवार (ता. १८) पासून बंद...
नागरी सेवा मंडळ बनले दात नसलेला वाघपुणे : कृषी विभागातील घोटाळेबहाद्दर अधिकाऱ्यांना...
तापमानाचा पारा चाळीशीपारपुणे  : राज्यात उन्हाचा चटका वाढतच असून,...
पुणे जिल्ह्यात दोन लाख टन खते उपलब्ध...पुणे : जिल्ह्यात खरीप हंगामाची तयारी सुरू झाली...
अकोला जिल्ह्यात १०३२ शेततळ्यांची कामे... अकोला ः पीकउत्पादन वाढीसाठी शाश्वत पाणीस्रोत...
मराठवाड्यात टंचाईग्रस्त गावांची संख्या... औरंगाबाद  : गत आठवड्याच्या तुलनेत...
परभणीत‘शेतमाल तारण योजने अंतर्गत ४०... परभणी  ः परभणी कृषी उत्पन्न बाजार...