agriculture news in marathi, jat taluka in 7 dam dry | Agrowon

जत तालुक्‍यातील सात तलाव कोरडे
टीम अॅग्रोवन
मंगळवार, 28 ऑगस्ट 2018

सांगली ः जत तालुक्‍यात यावर्षी पुरेसा पाऊस झालेला नाही. परिणामी ऐन पावसाळ्यातही पिण्याच्या व शेतीसाठीच्या पाण्याची टंचाई निर्माण झाली. तालुक्‍यातील २८ पैकी सात तलावांतील पाणीसाठा पूर्ण संपला आहे. दोन मध्यम प्रकल्पासह १४ तलावांतील पाणीसाठा मृतसंचयाखाली आहे. सनमडी वगळता बिरनाळसह सहा तलावात सोडण्यात आलेल्या म्हैसाळच्या पाण्यामुळे सध्या पाणीसाठा उपलब्ध आहे. मात्र, हा पाणीसाठा केवळ पंधरा दिवसांत संपण्याची शक्‍यता आहे.

सांगली ः जत तालुक्‍यात यावर्षी पुरेसा पाऊस झालेला नाही. परिणामी ऐन पावसाळ्यातही पिण्याच्या व शेतीसाठीच्या पाण्याची टंचाई निर्माण झाली. तालुक्‍यातील २८ पैकी सात तलावांतील पाणीसाठा पूर्ण संपला आहे. दोन मध्यम प्रकल्पासह १४ तलावांतील पाणीसाठा मृतसंचयाखाली आहे. सनमडी वगळता बिरनाळसह सहा तलावात सोडण्यात आलेल्या म्हैसाळच्या पाण्यामुळे सध्या पाणीसाठा उपलब्ध आहे. मात्र, हा पाणीसाठा केवळ पंधरा दिवसांत संपण्याची शक्‍यता आहे.

रोहिणी, मृग नक्षत्रात पावसाने पाठ फिरवली. जत तालुक्‍यातील बळीराजा संकटाशी सामना करीत आहे. गेल्या अडीच महिन्यांत तालुक्‍यात अत्यल्प पाऊस झाला आहे. तालुक्‍याची पावसाची वार्षिक सरासरी ४५७.७ मि.मी आहे. आजअखेर १६४. १३ मि.मी. पावसाची नोंद झाली आहे. मे मध्ये २.५०, जूनमध्ये ८२.६३ आणि जुलैमध्ये १२.१३ मि.मी. पावसाची नोंद झाली आहे.

सात तलाव पूर्ण कोरडे
संख व दोड्डनाला या दोन मध्यम प्रकल्पासह २९ तलाव आहेत. त्यापैकी सोरडी, सिद्धनाथ, तिकोंडी- १, तिकोंडी २, पांडोझरी, बेळुंखी व खोजनवाडी अशा सात तलावांतील पाणीसाठा संपला आहे. या तलावात पाण्याचा एकही थेंब शिल्लक नाही.

१४ तलाव मृतसंचयाखाली
सात तलावांतील पाणी संपलेले आहे. संख व दोड्डानाला मध्यम प्रकल्पासह तालुक्‍यांतील १४ तलावांतील पाणीसाठाही मृतसंचयाखाली गेला आहे. या तलावातील पाणी पिण्यायोग्य नाही. तलावांतील सध्याचा पाणीसाठा (दशलक्ष घनफूट) संख मध्यम प्रकल्प (४.३९), दोड्डनाला मध्यम प्रकल्प (२४.८८), सोरडी ( ९.००), भिवर्गी ( ४.००), दरीबडची (१०.००), अंकलगी (०.८७),  शेगाव क्रमांक- २ (२.९१), वाळेखिंडी (३६.०१), गुगवाड (०.५२), येळवी (११.१४), मिरवाड (३.१७), डफळापूर (३.२२), बिळूर के (०.६८), उमराणी (१.०९).

जत तालुक्‍यातील तलाव भरून द्यावेत
एकीकडे जिल्ह्यात कृष्णा आणि वारणा नद्या भरून वाहात आहेत. त्याचवेळी जतसह पूर्वभागाला दुष्काळाशी सामना करावा लागत आहे. म्हैसाळ उपसा सिंचन योजना सुरू करून जत तालुक्‍यातील तलाव पाण्याने भरून द्यावेत, अशी मागणी होऊ लागली आहे. मात्र, जिल्हा प्रशासन याकडे दुर्लक्ष करत आहे.

खरीप हंगाम पूर्ण वाया
पावसाळ्याच्या सुरवातीलाच शेतकऱ्यांना पुरेशा पावसाची आशा होती. गेल्या तीन महिन्यांत बहुतांश काळ उघडीपच आहे. खरीप वाया गेला आहे. शेतकरी चिंताग्रस्त झाले आहेत. आता निदान रब्बी हंगामात तरी हाती काही लागेल का, या विवंचनेत शेतकरी आहेत.

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...