जायकवाडी भरले, गोदावरीत पाणी सोडले...

पैठण, जि. औरंगाबाद : जायकवाडी(नाथसागर) धरणात काल (गुरुवारी) रात्री १२ वाजता तब्बल १ लाख १७ हजार क्युसेक्सची आवक सुरू झाली. त्यामुळे सकाळची वाट न पाहता प्रकल्पातून गोदावरी पात्रात प्रारंभी १० हजार क्युसेक्सचा विसर्ग सुरु करण्यात आला आहे. त्यासाठी जायकवाडी धरणाच्या २७ दरवाज्यांपैकी १० ते २७ क्रमांकाचे असे १८ दरवाजे ६ ईंच उघडण्यात आले आहेत. धरणाचे १ ते ९ क्रमांकाचे ९ दरवाजे हे आणीबाणीसाठी राखून ठेवण्यात आलेले आहेत. पाण्याची आवक व पाणलोटक्षेत्रातील पाऊस लक्षात घेऊन पाण्याचा विसर्ग वाढवण्यात येणार आहेत. आवक सुरुच असल्याने नदीकाठच्या गावांना सावधानतेचा इशारा देण्यात आला आहे.