agriculture news in marathi, jayant patil says, cm was cheat with government employes, mumbai, maharashtra | Agrowon

सरकारी कर्मचाऱ्यांच्या तोंडाला मुख्यमंत्र्यांनी पाने पुसली : पाटील
टीम अॅग्रोवन
गुरुवार, 9 ऑगस्ट 2018

राज्यातील सर्व शासकीय-निमशासकीय कर्मचारी सरकारवर नाराज आहेत. कर्मचाऱ्यांना महागाई भत्ता देतानाही हे सरकार किती आढेवेढे घेते याचे चित्र आज पाहायला मिळत आहे.
- जयंत पाटील, प्रदेशाध्यक्ष, राष्ट्रवादी काॅंग्रेस

मुंबई  : हे सरकार आता लोकसभा आणि विधानसभा निवडणुका एकत्रित घेईल आणि त्याची तयारी म्हणून मुख्यमंत्री देवेंद्र फडणवीस यांनी सातव्या वेतन आयोगाची रक्कम देण्याची घोषणा केली आहे. आधी फरक दिला पाहिजे आणि मग त्याची मुख्य रक्कम हजार कोटी आहे ती द्यायची आहे. त्यामुळे जे आश्वासन राज्यातील सरकारी कर्मचाऱ्यांना दिले आहे, याचा अर्थ त्यांच्या तोंडाला पानेच पुसण्याचे काम हे सरकार करणार आहे, असा आरोप राष्ट्रवादी काँग्रेसचे प्रदेशाध्यक्ष जयंत पाटील यांनी केला.

श्री. पाटील पत्रकारांशी बोलत होते. ते म्हणाले, की सातवा वेतन आयोग जाहीर झाल्यानंतर राज्य सरकारने अंमलबजावणी करण्यास बराच उशीर केला आहे. विधानसभेतही मी सांगितले होते, की राज्य सरकार निवडणुकीच्या तोंडावर अमूक एक देत असल्याचे सांगेल आणि देत असताना त्यातला थोडासा टक्का किंवा एक भाग देईल आणि तशीच घोषणा मुख्यमंत्र्यांनी केली आहे.

मुख्यमंत्र्यांनी जानेवारी महिन्यात सातव्या वेतन आयोगाचे पैसे देण्यास सुरवात करू, असे जाहीर केले आहे याचा अर्थ असा, की राज्यातल्या सरकारी कर्मचाऱ्यांचे पैसे देण्याची सरकारची इच्छा नाही. बहुधा एप्रिल-मेमध्ये निवडणुका होणार असल्याने त्या निवडणुकांच्या पार्श्वभूमीवर ‘आम्ही तुम्हाला दिलं’ असं सांगतील आणि पाच किंवा सात टक्केच रक्कम राज्यातील सरकारी कर्मचाऱ्यांसाठी देण्यास सुरवात केली जाईल, अशी टीकाही श्री. पाटील यांनी केली.

महागाई भत्ता मिळवण्यासाठीसुद्धा सरकारी कर्मचाऱ्यांना संघर्ष करावा लागत आहे. आता तर नवा फतवा काढला आहे, की नवीन योजना तुम्हाला घ्यायची असेल तर २५ टक्के कर्मचारी कमी करण्याची तजवीज करून तुम्ही नवी योजना सादर करा. याचा अर्थ राज्यात ठेकेदारी पद्धत राबवून सरकारला कर्मचारी घ्यायचे आहेत. असं एक नवं धोरण म्हणजे स्वस्तातील कर्मचारी राबवून ठेकेदारी पद्धतीला प्रोत्साहन देण्याची योजना राज्य सरकारची आहे, असा थेट आरोप श्री. पाटील यांनी केला. दरम्यान, बुधवारी (ता.८) दुसऱ्या दिवशी संध्याकाळपर्यंत राज्य सरकारी कर्मचाऱ्यांचे आंदोलन सुरूच  होते.
 

इतर ताज्या घडामोडी
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
उन्हाळ कांद्याच्या सिंचनाबाबत अडचणी जळगाव  ः उन्हाळ कांदा लागवडीसंबंधी खानदेशात...
पाकमधून होणाऱ्या सर्व आयातीवर जबर शुल्कनवी दिल्लीः पुलवामा येथील हल्ल्याच्या...
हुतात्मा जवानांच्या कुटुंबीयांना ५० लाख...बुलडाणा ः तीन दिवसांपूर्वी काश्‍मीरमधील...
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...