नागपूर ः कळमणा बाजार समितीत तुरीची आवक वाढण्यासोबतच दरातही काही अंशी तेजीचा अनुभव शेतकऱ्यांनी घेतला. गेल्या आठवड्यात तुरीचे दर ४६०० ते ५२५० क्‍विंटल होते. या आठवड्यात ते ५३५२ रुपये क्‍विंटलवर पोचल्याची माहिती बाजार समिती सूत्रांनी दिली.
बाजार समितीत तुरीची आवक सरासरी १५०० क्‍विंटलची आहे. तुरीचे दर आता ४४०० ते ५३५२ रुपये क्‍विंटलवर स्थिरावले असले तरी त्यात चढउतार अपेक्षित असल्याचे व्यापाऱ्यांचे म्हणणे आहे. स्थानिक प्रक्रिया उद्योगांची मागणी दरावर परिणाम करणारी ठरते. त्यामुळे वाढलेले दर किती काळ राहतील हे तुर्तास सांगणे कठीण असल्याचे त्यांचे म्हणणे होते. हरभऱ्याची आवक गेल्या आठवड्यात सात हजार क्‍विंटल होती.
या आठवड्यात आवक २८०० क्‍विंटलपर्यंत खाली आली. आवक खाली येण्यासोबतच हरभऱ्याच्‍या दरातही घसरण झाली आहे. ३८५० ते ४३३० रुपये क्‍विंटल हरभऱ्याचे दर होते. या आठवड्यात हे दर ३७५० ते ४२७६ क्‍विंटलपर्यंत खाली आले. गव्हाची आवक सरासरी १००० क्‍विंटलची आहे. १७०० ते १८३४ रुपये क्‍विंटलने गव्हाचे व्यवहार झाले. सरासरी हेच दर आठवडाभरापासून स्थिर असल्याचे चित्र आहे. मुगाची ६७ क्‍विंटलची एकदाच आवक होत ४८०० ते ५००० रुपये क्‍विंटलने व्यवहार झाले.
बाजारात तांदूळ ४५०० ते ५००० रुपयांवर स्थिरावला. तांदळाची आवक अवघी ४० क्‍विंटलची होती. लुचई तांदूळ २२०० ते २४०० रुपयांवर महिनाभरपासून स्थिर आहे. या तांदूळाची आवक १०० क्‍विंटलची आहे. सोयाबीनची १२४ क्‍विंटलची आवक आणि दर गेल्या आठवड्यात ३४५० ते ३७६० रुपये क्‍विंटल होते. या आठवड्यात सोयाबीनचे दर ३४०० ते ३६८४ रुपये क्‍विंटलवर पोचले. बाजारात लाल कांद्याची ५००० क्‍विंटलची आवक तर दर ७०० ते ९०० रुपये क्‍विंटल होते. पांढऱ्या कांदयाचे दर ८०० ते १००० रुपये आणि आवक २००० क्‍विंटलची होती. १००० ते ४००० रुपये क्‍विंटल असा लसणाचा दर आणि आवक १४०० क्‍विंटल.
टोमॅटो १२०० ते १६०० रुपये क्‍विंटल आवक १२० क्‍विंटल. चवळी शेंगाची १८० क्‍विंटल आवक आणि दर १००० ते १२०० रुपये असा होता. कच्च्या पपईला ८०० ते १००० रुपये क्‍विंटलचा दर मिळाला. पपईची आवक ९० क्‍विंटल होती. हिरव्या मिरचीची आवक २१० क्‍विंटल आणि दर ३४०० ते ३८०० रुपये क्‍विंटल होता. बाजारात काकडीची १५० क्‍विंटलची सरासरी आवक होती. काकडीचे दर १२०० ते १५०० रुपये क्‍विंटल राहिले.
गाजराची २१० क्‍विंटलची आवक आणि दर ६०० ते १००० रुपये क्‍विंटल असे होते. फणस १५०० ते २००० रुपये क्‍विंटल आणि दर १००० ते १४०० रुपये क्‍विंटल. कच्चे आंबे १४० क्‍विंटलची आवक आणि दर २५०० ते ३००० रुपये. पालक १४५ क्‍विंटल आवक आणि दर ८०० ते १००० रुपये क्‍विंटल. ढेमूस १५३ क्‍विंटल आवक आणि दर २४०० ते २८०० रुपये याप्रमाणे होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.