agriculture news in marathi, In the Kalingaad producer crisis in Yavatmal district | Agrowon

यवतमाळ जिल्ह्यातील कलिंगड उत्पादक संकटात
टीम अॅग्रोवन
मंगळवार, 12 फेब्रुवारी 2019

मागील पाच वर्षांपासून कलिंगडाची लागवड करीत आहे. या माध्यमातून विक्रमी उत्पादनही घेतो. यंदा शास्त्रोक्त पद्धतीने सात एकरांवर कलिंगडाची लागवड केली. त्यासाठी पाच लाखांचा खर्च आला. परंतु, मोठ्या प्रमाणात फळगळ होत असल्यामुळे केवळ पन्नास हजारांचे उत्पादन होईल, अशी स्थिती आहे. या गंभीर संकटामुळे भविष्यात जिल्ह्यात कलिंगड उत्पादक शेतकऱ्यांवर आत्महत्या करण्याची वेळ येईल, अशी शक्यता आहे. 
- मिथुन लोंढे, प्रगतिशील शेतकरी, पिंपरी (जि. यवतमाळ)

यवतमाळ  : अलीकडच्या काळात जिल्ह्यातील प्रयोगशील शेतकऱ्यांनी आधुनिक तंत्रज्ञानाचा वापर करून शेतीचा तोट्यातील व्यवसाय नफ्यात आणला आहे. हजारो प्रयोगशील शेतकऱ्यांनी मल्चिंग तंत्रज्ञानाचा वापर करून शेतात कलिंगडासारखे पीक घेणे सुरू केले. मात्र, या वर्षी कलिंगडाची फळे गळून पडत असल्याने शेतकरी अडचणीत आहेत. याला केवळ निकृष्ट दर्जाचे बियाणेच जबाबदार असल्याचे या शेतकऱ्यांचे म्हणणे आहे.

मागील चार-पाच वर्षांपासून शेतकरी मोठ्या प्रमाणात कलिंगड व खरबुजाची शेती करीत आहेत. या पिकांमुळे त्यांना चांगल्याप्रकारे नफा मिळत आहे. त्यामुळे जिल्ह्यातील अनेक शेतकरी या पिकाकडे वळले. दरवर्षी लाखो रुपयांचे उत्पन्न या पिकाच्या माध्यमातून मिळते. त्यामुळे यंदा शेकडो शेतकऱ्यांनी कलिंगडाची लागवड केली. सर्वसाधारणपणे नोव्हेंबरमध्ये आपल्या भागात पिकाची लागवड केली जात असते. ९० दिवसांनी याला साधारणतः तीन ते पाच किलो वजनाचे फळ लागते. परंतु, यावर्षी ९० दिवसांचा कालखंड लोटूनसुद्धा वेलीला केवळ ५० ते १०० ग्रॅम वजनाचे कलिंगड लागली. त्यांचे वजन वाढत नसून, मोठ्या प्रमाणात फळगळ होत आहे.

दरवर्षीप्रमाणे शास्त्रोक्त पद्धतीने लागवड करूनही कलिंगड का गळत आहेत, या चिंतेत शेतकरी आहेत. ही फळगळ केवळ यवतमाळ जिल्ह्यातच होत असून, इतर जिल्ह्यात मात्र, कलिंगडाचे उत्पादन चांगले आहे. त्यामुळे जिल्ह्यातील फळगळ ही हवामानाच्या बदलामुळे होत नसून, सदोष बियाण्यांमुळे होत आहे, असा शेतकऱ्यांचा आरोप आहे.

सर्वसाधारणपणे आपल्या भागात ज्या कंपन्या बियाणे पुरवठा करतात, त्याच कंपन्या शेजारील जिल्ह्यातही पुरवठा करतात. शेतकऱ्यांनी लगतच्या जिल्ह्यात चौकशी केली. त्या वेळी या कंपनीचे बियाणे त्या ठिकाणी चांगले निघाले. परंतु, यवतमाळ जिल्ह्यात पुरविल्या गेलेला लॉट हा सदोष  असल्यामुळे फळगळ होत असल्याचा शेतकऱ्यांचा अंदाज आहे.

इतर बातम्या
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
नांदेड, परभणी, हिंगोली, लातूरमध्ये आज...नांदेड : लोकसभेच्या नांदेड, परभणी, हिंगोली...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
‘महाबीज’तर्फे बीजोत्पादनासाठी आगाऊ...जळगाव : आगामी खरिपासाठी सोयाबीन, उडीद, मूग, ताग,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
अवकाळी पावसाने नाशिक जिल्ह्यावर संकटनाशिक : जिल्ह्यात सलग तिसऱ्या दिवशी वादळी...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
पेमेंट न मिळाल्याने वसाकाच्या ऊस...नाशिक : देवळा तालुक्यातील वसंतदादा सहकारी साखर...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...