agriculture news in marathi, Kandy cold cuts banana in Jalgaon district | Agrowon

जळगाव जिल्ह्यात केळीला थंडीचा फटका
टीम अॅग्रोवन
रविवार, 13 जानेवारी 2019

जळगाव : डिसेंबरसह या महिन्यात केळीला प्रतिकूल ठरणारी थंडी राहील्याने सुमारे २५ हजार हेक्‍टरवरील पिकाला जबर फटका बसला आहे. केळीचे आगार असलेल्या रावेरात केळी संशोधन केंद्रातील तज्ज्ञांनी नुकतीच नुकसानीसंबंधी पाहणी केली. 

जळगाव : डिसेंबरसह या महिन्यात केळीला प्रतिकूल ठरणारी थंडी राहील्याने सुमारे २५ हजार हेक्‍टरवरील पिकाला जबर फटका बसला आहे. केळीचे आगार असलेल्या रावेरात केळी संशोधन केंद्रातील तज्ज्ञांनी नुकतीच नुकसानीसंबंधी पाहणी केली. 

एक ते तीन महिन्यांच्या केळी बागांमध्ये पाने काळी, पिवळी पडली असून, एक महिन्याची रोपे पुरती पिवळी पडून वाया गेली आहेत. अशा लहान केळी बागेत नांग्या भराव्या लागतील, अशी स्थिती आहे. चोपडा व शिरपूर (जि. धुळे) तालुक्‍यात ही समस्या तापी काठावरील गावांमध्ये अधिक आहे. रावेरात निसवणीवरील केळी बागांमध्ये घड अडकणे, आखूड केळीची समस्या दिसून आली आहे. रावेरातील चिनावल, वाघोदा, सावदा व परिसरात तज्ज्ञांनी नुकतीच पाहणी केली असून, करपा रोगामुळे मोठे नुकसान झाल्याचे म्हटले आहे.

तज्ज्ञांनी नुकसानीचे क्षेत्र किती असेल, असे स्पष्टपणे सांगितले नसले, तरी रावेरमधील केळीखालील कमाल क्षेत्राला थंडीचा फटका बसल्याची पुष्टी दिली. पाहणी करणाऱ्या तज्ज्ञांमध्ये केळी संशोधन केंद्रातील शास्त्रज्ञ के. बी. पवार यांचा समावेश होता. त्यांच्यासोबत कृषी विभागातील अधिकारी होते. तापमान नियंत्रणासाठी केळीला रात्री किंवा पहाटे सिंचन करा, केळीभोवती वारा अवरोधक असावेत, रात्री केळीभोवती शेकोट्या किंवा धूर करा, असे काही सोपे उपाय तज्ज्ञांनी सुचविले. ज्या बागांमध्ये आच्छादन आहे व करपा नियंत्रणासंबंधी खते व पाणी व्यवस्थापन केले, त्या बागांमध्ये करपा रोगाला अनेक शेतकऱ्यांनी थोपविल्याचेही तज्ज्ञांनी म्हटले आहे. 

रावेरात सुमारे १५ ते १७ हजार हेक्‍टर, मुक्ताईनगर व यावलमध्ये सहा हजार हेक्‍टर आणि चोपडा व शिरपूर आणि शहादा (जि. नंदुरबार) मधील सुमारे चार हजार हेक्‍टवरील केळीवर करपा रोगाचा मोठा प्रादुर्भाव झाल्याचे सांगितले जात आहे. 

करपा निर्मूलन कार्यक्रम राबवा
जळगाव जिल्ह्यात केळीवरील करपा नियंत्रणासाठी शासनाच्या कृषी विभागातर्फे २०१५ पर्यंत शेतकऱ्यांना निविष्ठांचे ९० टक्के अनुदानावर वितरण केले जात होते. २० ते २२ हजार हेक्‍टर क्षेत्रावर या संदर्भातील कार्यक्रम राबविणे शक्‍य व्हायचे. परंतु हा कार्यक्रम शासनाने बंद केला असून, यामुळे शेतकरी संयुक्तपणे करपा निर्मूलन मोहीम राबवित नसल्याचे समोर आल्याची माहिती मिळाली.

इतर ताज्या घडामोडी
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
कोवळ्या ज्वारीच्या विषबाधेपासून जनावरे...कोवळ्या ज्वारीची पाने अधिक प्रमाणात खाल्ल्याने...
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
अकोल्यात सोयाबीन सरासरी ३५९० रुपये...अकोला ः हंगामाच्या तोंडावर पैशांची तजवीज...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...
आकड्यांचा खेळ आणि पोकळ घोषणा : शेतकरी...पुणे ः राज्य अर्थसंकल्पात शेतकऱ्यांची निराशा झाली...
राज्यावर पावणेपाच लाख कोटींचे कर्जमुंबई  : मुख्यमंत्री देवेंद्र फडणवीस यांच्या...
अर्थसंकल्पावेळी विरोधकांचा सभात्यागमुंबई : अर्थसंकल्प विधिमंडळात सादर...
संत श्री निवृत्तिनाथ महाराज यांच्या...नाशिक  : आषाढी एकादशी वारीसाठी संत श्री...
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...