agriculture news in marathi, Karnartaka Ahead of Maharashtra in Tur procurement | Agrowon

तूर खरेदीत कर्नाटकची महाराष्ट्रावर आघाडी
टीम अॅग्रोवन
मंगळवार, 20 मार्च 2018

पुणे : तूर खरेदीच्या बाबतीत महाराष्ट्र कर्नाटकपेक्षा खूप पिछाडीवर पडला आहे. विशेष म्हणजे कर्नाटकात तूर लागवडीखालील क्षेत्र महाराष्ट्राच्या तुलनेत २८.५ टक्के कमी आहे. तरीही या राज्याने १६ मार्चपर्यंत महाराष्ट्रापेक्षा सुमारे ३८ टक्के अधिक तूर खरेदी केली आहे. तसेच कर्नाटक सरकारने गेल्या वर्षीप्रमाणे यंदाही तुरीच्या किमान आधारभूत किमतीवर आपल्या तिजोरीतून बोनस दिल्यामुळे महाराष्ट्रातील शेतकऱ्यांच्या तुलनेत तिथल्या शेतकऱ्यांना प्रतिक्विंटल ५५० रुपये अधिक दर मिळाला आहे. 

पुणे : तूर खरेदीच्या बाबतीत महाराष्ट्र कर्नाटकपेक्षा खूप पिछाडीवर पडला आहे. विशेष म्हणजे कर्नाटकात तूर लागवडीखालील क्षेत्र महाराष्ट्राच्या तुलनेत २८.५ टक्के कमी आहे. तरीही या राज्याने १६ मार्चपर्यंत महाराष्ट्रापेक्षा सुमारे ३८ टक्के अधिक तूर खरेदी केली आहे. तसेच कर्नाटक सरकारने गेल्या वर्षीप्रमाणे यंदाही तुरीच्या किमान आधारभूत किमतीवर आपल्या तिजोरीतून बोनस दिल्यामुळे महाराष्ट्रातील शेतकऱ्यांच्या तुलनेत तिथल्या शेतकऱ्यांना प्रतिक्विंटल ५५० रुपये अधिक दर मिळाला आहे. 

कर्नाटक सरकारने २. ६१ लाख शेतकऱ्यांकडून एकूण सुमारे १७.४ कोटी रुपयांची तूर खरेदी केली आहे. तर महाराष्ट्रात मात्र सुमारे एक लाख शेतकऱ्यांकडून सुमारे ६.६७ कोटी रुपयांची तूर खरेदी पूर्ण झाली आहे. महाराष्ट्रात सरासरी १० क्विंटल उत्पादकतेचा निकष लावल्यामुळे एका शेतकऱ्याकडील केवळ २५ टक्केच तूर सरकारी खरेदीच्या प्रक्रियेत जाण्याची शक्यता आहे. पंरतु कर्नाटकात मात्र २० क्विंटलचा निकष लावण्यात आल्यामुळे शेतकऱ्यांना जास्त फायदा होणार आहे. एकूणच तुरीचा दर, खरेदीचे प्रमाण आणि लाभार्थी शेतकऱ्यांची संख्या या तिन्ही निकषांवर कर्नाटकने महाराष्ट्रावर मोठी आघाडी घेतली आहे. कर्नाटकात विधानसभा निवडणुका तोंडावर आल्यामुळे तुरीला बोनस देण्याचा आणि खरेदी वेगात करण्याचा निर्णय घेतला असल्याची टीका केली जात आहे. परंतु गेल्या वर्षीही कर्नाटकची कामगिरी महाराष्ट्राच्या तुलनेत चागंली होती. महाराष्ट्रातही आगामी वर्षात विधानसभा निवडणुका आहेत. मग राजकीय हेतूने का होईना तूर खरेदीच्या बाबतीत कामगिरीत सुधारणा का दिसत नाही, असा प्रश्न उपस्थित केला जात आहे.  

तूर खरेदी प्रमाण

  • कर्नाटक - ३ लाख १९ हजार २१३ टन
  • महाराष्ट्र - १ लाख २२ हजार ४५३ टन
  • कर्नाटकची तूर खरेदी महाराष्ट्रापेक्षा १ लाख ९६ हजार ७६० टन अधिक.
  • महाराष्ट्राच्या तुलनेत ३८.२४ टक्के अधिक तूर खरेदी.

तूर आधारभूत किमतीवर बोनस

  • २०१७-१८ हंगाम. कर्नाटकचा बोनस ः ५५० रुपये
  • २०१७-१८ हंगाम. महाराष्ट्राचा बोनस ः शून्य रुपये
  • २०१६-१७ हंगाम. कर्नाटकचा बोनस ः ४५० रुपये
  • २०१६-१७ हंगाम. महाराष्ट्राचा बोनसल ः शून्य रुपये

तूर आधारभूत किंमत (प्रतिक्विंटल)

  • २०१७-१८ हंगाम. कर्नाटक ः ६००० रुपये
  • २०१७-१८ हंगाम. महाराष्ट्र ः ५४५० रुपये
  • २०१६-१७ हंगाम. कर्नाटक ः ५५०० रुपये
  • २०१६-१७ हंगाम. महाराष्ट्र ः ५०५० रुपये

तूर खरेदी लाभार्थी शेतकरी (२०१७-१८ हंगाम)

  • कर्नाटक - २ लाख ६१ हजार ५०७
  • महाराष्ट्र - १ लाख १ हजार ८७६

शेतकऱ्यांकडून एकूण किती किमतीची तूर खरेदी केली?

  • कर्नाटक - १७ कोटी ३९ लाख ७१ हजार ५५१ रुपये
  • महाराष्ट्र - ६ कोटी ६७ लाख ३७ हजार १०० रुपये

लागवड (२०१७-१८ हंगाम)

  • कर्नाटक - ८.८३ लाख हेक्टर
  • महाराष्ट्र - १२.३० लाख हेक्टर
  • कर्नाटकात महाराष्ट्राच्या तुलनेत २८.५ टक्के कमी लागवड क्षेत्र.

-------
तूर खरेदी उत्पादकता निकष

  • कर्नाटक - २० क्विंटल
  • महाराष्ट्र - १० क्विंटल 

इतर अॅग्रो विशेष
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...
सहकार विभाग आयुक्तांविना पोरकापुणे : गेल्या आठ महिन्यांपासून राज्याच्या सहकार...
आत्मा प्रकल्प संचालक चौकशीत दोषीपुणे: कृषी खात्यातील वादग्रस्त अधिकारी बी. एन....
लोकसभा निवडणुकीत भाजपच्या ‘व्होट शेअर’...पुणे : यंदाच्या लोकसभा निवडणुकीत भारतीय जनता...
खानदेशात पूर्वहंगामी कापूस लागवड सुरू जळगाव ः खानदेशात मुबलक जलसाठे किंवा कृत्रिम...
कोकण वगळता उष्ण लाटेचा इशारापुणे : विदर्भ, मराठवाडा, मध्य महाराष्ट्राच्या...
शेतकऱ्यांनो विकते ते पिकवाः डॉ. भालेअकोला ः येत्या हंगामात पीक लागवड करताना...
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
हरवले जलभान कोनाड्यात‘नॅशनल एरोनॉटिक्स अँड स्पेस ॲडमिनिस्ट्रेशन’...
मोदी लाटेचे गारुडसतराव्या लोकसभेचे भवितव्य स्पष्ट झालेले आहे. खरे...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
चंदन लागवडचंदन मध्यम उंच आणि परोपजीवी प्रजाती आहे....
हुमणीच्या प्रौढ भुंगे­ऱ्यांचा सामुदायिक...गेल्या काही वर्षांत राज्यामध्ये हुमणी अळीचा...
संरक्षित शेतीतून आर्वीतील शेतकऱ्यांची...वाढती पाणीटंचाई आणि  बदलत्या हवामानामुळे...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...