agriculture news in marathi, Karnataka Milk blocked | Agrowon

कर्नाटकातून येणारे दूध आंदोलकांनी अडवले
टीम अॅग्रोवन
गुरुवार, 19 जुलै 2018

सोलापूर :  दुधाच्या वाढीव दरासाठी स्वाभिमानी शेतकरी संघटनेने पुकारलेल्या राज्यव्यापी दूध बंद आंदोलनाला सोलापूर जिल्ह्यात सगळीकडेच शेतकऱ्यांकडून उत्स्फूर्त प्रतिसाद मिळत आहे. आंदोलनाच्या सलग तिसऱ्या दिवशीही बुधवारी (ता. १८) जिल्ह्यातील सुमारे दोन ते अडीच लाख लिटर संकलन बंदच होते. अनेक ठिकाणी दूध ओतणे, टॅंकर फोडणे, अडवणे अशा पद्धतीची आंदोलने सुरूच राहिली. दरम्यान, शेतकरी संघटनेच्या काही कार्यकर्त्यांची पोलिसांनी धरपकड केली; पण नंतर समज देऊन सोडून देण्यात आले. पण संघटनांनी हे आंदोलन आणखीनच तीव्र करण्याचे जाहीर करत गुरुवारी (ता.

सोलापूर :  दुधाच्या वाढीव दरासाठी स्वाभिमानी शेतकरी संघटनेने पुकारलेल्या राज्यव्यापी दूध बंद आंदोलनाला सोलापूर जिल्ह्यात सगळीकडेच शेतकऱ्यांकडून उत्स्फूर्त प्रतिसाद मिळत आहे. आंदोलनाच्या सलग तिसऱ्या दिवशीही बुधवारी (ता. १८) जिल्ह्यातील सुमारे दोन ते अडीच लाख लिटर संकलन बंदच होते. अनेक ठिकाणी दूध ओतणे, टॅंकर फोडणे, अडवणे अशा पद्धतीची आंदोलने सुरूच राहिली. दरम्यान, शेतकरी संघटनेच्या काही कार्यकर्त्यांची पोलिसांनी धरपकड केली; पण नंतर समज देऊन सोडून देण्यात आले. पण संघटनांनी हे आंदोलन आणखीनच तीव्र करण्याचे जाहीर करत गुरुवारी (ता. १९) जिल्ह्यात ठिकठिकाणी जनावरांसह रास्ता रोको करण्याचा इशारा दिला आहे.

गेल्या दोन दिवसांपासून जिल्ह्यातील विविध भागांत स्वाभिमानी शेतकरी संघटनेचे कार्यकर्ते चांगलेच आक्रमक झाले आहेत. सोलापूर जिल्ह्यात कर्नाटकच्या सीमा भागातून येणारे दूध मंगळवारी सायंकाळी वडकबाळ गावानजीक कार्यकर्त्यांनी अडवले. त्यानंतर हे दूध गावातील गरीब लोकांना वाटण्यात आले. त्याशिवाय बेगमपूर (ता. मोहोळ) येथे नेचर दूध डेअरीच्या प्लान्टमध्ये शेतकऱ्यांनी थेट घुसून डेअरीमधील टाक्‍यांमध्ये असलेले जवळपास २० हजार लिटर दूध सांडून टाकले.

पंढरपुरातही दूधपुरवठा करण्यासाठी आणण्यात येत असलेला एक टॅंकर कार्यकर्त्यांनी शहरात पकडून फोडला. त्यातील दूध पंढरपुरातील वारकऱ्यांना वाटण्यात आले. त्याशिवाय तालुक्‍यातील तुंगत येथे मध्यरात्री शिवामृत दूध संघाचे सोलापूरकडे निघालेले पाच टॅंकर अडवले. यामध्ये तीन टॅंकरमध्ये दूध आणि दोन गाड्यांमध्ये दूध पिशव्या आंदोलकांनी माघारी पाठविले. जिल्हाध्यक्ष समाधान फाटे, जिल्हा संघटक विजय रणदिवे, तालुकाध्यक्ष तानाजी बागल, आदींनी आंदोलनात भाग घेतला.

माळशिरस आणि माढा तालुक्‍यातही काही भागांत कार्यकर्त्यांनी दूध टॅंकर फोडले. दरम्यान, आंदोलनाची ही धार वाढतच असल्याने सोलापूर जिल्हा दूध संघासह खासगी दूध व्यवसायिकांनी तिसऱ्या दिवशीही संकलन बंद ठेवले.

 

इतर ताज्या घडामोडी
पूर्णा, पालम, गंगाखेड येथे दूध संकलन...पूर्णा, जि. परभणी ः परभणी जिल्ह्यातील पूर्णा,...
धुळे जिल्ह्यात भरड धान्याची २६४९...धुळे ः जिल्ह्यात २०१८-१९ च्या खरीप पणन हंगामात...
परभणीत खरीप पीक विमा परताव्याचा घोळ...परभणी  : पंतप्रधान पीकविमा योजनेअंतर्गत...
कोल्हापूर जिल्ह्यात २० टक्के ऊस तोडणी...कोल्हापूर  : जिल्ह्यात साखर कारखान्यांचा...
मराठवाड्यातील प्रकल्पांत २० टक्‍के...औरंगाबाद  : मराठवाड्यातील सर्वच...
कमी पाऊस : ‘जलयुक्त’ची कामे झालेल्या...नगर  ः जलयुक्त शिवार अभियानातून कामे करून...
हमीभाव, कर्जमुक्ती असेल तरच महाआघाडीत...बुलडाणा  : दीडपट हमीभाव आणि शेतकऱ्यांची...
पुणे विभागात ९२ टॅंकरव्दारे पाणीपुरवठापुणे   : विभागातील पाणीटंचाईची तीव्रता...
हजारो केळी रोपांचे रानडुकरांकडून नुकसानअकोला   ः सातपुड्यालगत असलेल्या अकोट...
पाण्याअभावी संत्रा तोडून फेकण्याची वेळअमरावती  ः पाण्याअभावी संत्र्याचा अपेक्षित...
बोदवडला मका खरेदीसाठी मुहूर्त मिळेनाबोदवड, जि. जळगाव : येथील कृषी उत्पन्न बाजार...
सिल्लोड तालुक्यात विहिरींसाठी दोन...सिल्लोड, जि. औरंगाबाद : वैयक्तिक लाभाच्या...
नांदेड, परभणी, हिंगोलीत सव्वा लाख...नांदेड ः नांदेड, परभणी, हिंगोली जिल्ह्यांत...
पुणे बाजारात भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
कांदा पिकावरील फुलकिडीचे नियंत्रणकांदा पीक हे प्रामुख्याने खरीप, रब्बी हंगामात...
पशुसल्लासध्या महाराष्ट्रात सर्वच ठिकाणी कमी-जास्त...
नांदेड जिल्हा कर्जवाटपात मराठवाड्यात...नांदेड : जिल्ह्यात मुद्रा योजनेअंतर्गत १ लाख ५५...
कृषिपंप वीजजोडणीच्या प्रतीक्षेत पाचशेवर...देऊर, जि. धुळे : धुळे ग्रामीण उपविभागांतर्गत...
खानदेशातील ऊस गाळपात आर्यन शुगरने घेतली...जळगाव : खानदेशात सर्वाधिक तीन साखर कारखाने...
काजू बोंडापासून इथेनॉल, सीएनजी...पुणे  ः भविष्यातील इंधनाची टंचाई आणि आयात...