agriculture news in Marathi, Keeping wheat inlaid in Jalgaon; Rate stable | Agrowon

जळगावात गव्हाची आवक रखडत; दर स्थिर
टीम अॅग्रोवन
मंगळवार, 19 मार्च 2019

जळगाव ः जिल्ह्यात गव्हासाठी प्रसिद्ध असलेल्या चोपडा, जळगाव व अमळनेर येथील बाजार समित्यांमध्ये गव्हाची आवक रखडत सुरू आहे. सध्या मळणीचा हंगाम सुरू आहे. आगाप पेरणीच्या क्षेत्रात मळणी आटोपली असून, काही शेतकऱ्यांनी सुरवातीच्या दरांचा लाभ घेण्यासाठी बाजारात गव्हाची पाठवणूक केली आहे. चोपडासह जळगावच्या बाजारात लोकवन गव्हाला प्रतिक्विंटल १७०० व कमाल २२०० रुपये प्रतिक्विंटलचा दर आहे. 

जळगाव ः जिल्ह्यात गव्हासाठी प्रसिद्ध असलेल्या चोपडा, जळगाव व अमळनेर येथील बाजार समित्यांमध्ये गव्हाची आवक रखडत सुरू आहे. सध्या मळणीचा हंगाम सुरू आहे. आगाप पेरणीच्या क्षेत्रात मळणी आटोपली असून, काही शेतकऱ्यांनी सुरवातीच्या दरांचा लाभ घेण्यासाठी बाजारात गव्हाची पाठवणूक केली आहे. चोपडासह जळगावच्या बाजारात लोकवन गव्हाला प्रतिक्विंटल १७०० व कमाल २२०० रुपये प्रतिक्विंटलचा दर आहे. 

पाण्याच्या समस्येमुळे फक्त तापी, गिरणा नदीकाठी पेरणी झाली होती. पेरणी सर्वसाधारण क्षेत्राच्या तुलनेत कमीच झाली. परिणामी उत्पादन कमी असणार आहे. गव्हाच्या हंगामात गारपीट किंवा कुठलीही नैसर्गिक आपत्ती न आल्याने पीक व्यवस्थित हाती आले आहे. दर्जाही चांगला आहे. सध्या दर स्थिर आहेत. परंतु जळगाव येथील बाजारात पुढील १०-१२ दिवसानंतर मध्य प्रदेशातून गव्हाची आवक सुरू होईल. 

स्थानिक क्षेत्रातील आवक रखडत असली तरी बाहेरून आवक वाढणार असल्याने दरात अधिक सुधारणा अपेक्षित नसल्याचे सांगितले जात आहे. जळगाव बाजार समितीत प्रतिदिन १५० क्विंटल आवक मागील दोन-तीन दिवसांत झाली. चोपडा येथेदेखील प्रतिदिन २०० क्विंटलपर्यंत आवक झाली. पुढे आवक वाढू शकते. कारण, येत्या सात-आठ दिवसांत कमाल क्षेत्रावरील गव्हाची मळणी पूर्ण होईल. 

लोकवन प्रकारच्या गव्हाची पेरणी जिल्ह्यात अधिक झाली आहे. तर काही शेतकऱ्यांनी आपल्या कुटुंबासाठी चंदोसी, वनफोरसेवन प्रकारच्या गव्हाची पेरणीदेखील केली आहे. चंदोसी गव्हास तीन हजार रुपये प्रतिक्विंटलपेक्षा अधिक दर आहेत. त्याची कुठलीही आवक सध्या बाजारात सुरू नाही. स्थानिक व्यापारी, किरकोळ विक्रेते पंजाब व उत्तर प्रदेशातून या गव्हाचा पुरवठा करून घेतात.

केळी दर पुन्हा दबावात
उष्णता वाढत असतानाच नवती केळीचे दर मागील आठवड्याच्या अखेरीस दबावात आले. दरात क्विंटलमागे ४० रुपयांनी घसरण होऊन ते ९५० रुपये प्रतिक्विंटलपर्यंत पोचले. पिलबाग केळीचे दर ९०० रुपये प्रतिक्विंटलपर्यंत आहेत. बऱ्हाणपूर (मध्य प्रदेश) येथील बाजारात नवती केळीला प्रतिक्विंटल कमाल १२०० रुपयांपर्यंतचे दर मिळाले. तेथे आवकेत वाढ झाली असून, मागील तीन-चार दिवस प्रतिदिन २२० ट्रक (एक ट्रक १५ मेट्रिक टन क्षमता) केळीची आवक झाली आहे. जिल्ह्यात रावेर, यावल, मुक्ताईनगर व भडगाव-पाचोरा भागांत केळीची काढणी सुरू आहे. आवक स्थिर असल्याची माहिती मिळाली.

इतर ताज्या घडामोडी
औरंगाबादेत हिरवी मिरची ४००० ते ४५००...औरंगाबाद : येथील कृषी उत्पन्न बाजार समितीमध्ये...
पाणीटंचाईमुळे पुणे जिल्ह्यातील ३६...पुणे   : उन्हाच्या झळा वाढत असल्याने...
जनावरांच्या छावणीत बांधली गेली ‘...नगर : दुष्काळ पाचवीलाच पूजलेला, पिण्याचे पाणी...
शिरुर तालुक्यात रानडुकरांकडून उभ्या...रांजणगाव सांडस, जि. पुणे : शिरूर तालुक्‍...
पाथर्डी, पारनेरमध्ये सर्वाधिक टॅंकरने...नगर : जिल्ह्यात पाणीटंचाईचे गंभीर परिणाम...
राजकारणातील प्रस्थापितांची घराणेशाही...नगर  : मुस्लिम समाजाला भीती दाखविण्यासाठी...
सातारा जिल्ह्यात ३३६५ हेक्टरवर उन्हाळी...सातारा  ः जिल्ह्यातील पूर्व भागात तीव्र...
पाणीपुरवठ्यासाठी खानदेशात ५०७ विहिरी...जळगाव : पाणीटंचाई दूर करण्यासाठी खानदेशात सुमारे...
स्ट्रॉबेरी उत्पादनवाढीवर शेतकऱ्यांनी भर...भिलार, जि. सातारा  : स्ट्रॉबेरी महोत्सव हा...
लोकसभा निवडणुकीच्या दुसऱ्या टप्प्यात...मुंबई   ः राज्यात लोकसभा निवडणुकीच्या...
अब्दुल सत्तार यांची हकालपट्टी; तर...जालना ः  पक्षाविरोधात काम केल्यामुळे अब्दुल...
मराठवाड्याचा पाणी प्रश्‍न सोडविणार :...पैठण, जि. औरंगाबाद   : पश्चिम घाटातून...
मोदीजी, महाराष्ट्र तुम्हाला धडा...मुंबई : आमच्या महाराष्ट्राच्या मातीतील...
दुष्काळाच्या हद्दपारीसाठी परदेशातूनही...गोंदवले, जि. सातारा : दुष्काळ हद्दपार करण्यासाठी...
अकोला, वाशीम जिल्ह्यांत तूर, हरभरा...अकोला  : जिल्हा मार्केटिंग फेडरेशनच्या वतीने...
बांबू पिकाला आहे व्यावसायिक मूल्य...बांबू हा पर्यावरणरक्षक आहे. याचबरोबरीने बांबू...
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...