agriculture news in marathi, khandesh faces fodder crises for animals | Agrowon

खानदेशात चाराटंचाईने जनावरांची होरपळ सुरू
टीम अॅग्रोवन
रविवार, 16 डिसेंबर 2018

जळगाव : जिल्ह्यात रोज लागणाऱ्या चाऱ्यासंबंधी आतापासूनच टंचाई निर्माण होत आहे. रोज चार हजार ४०० मेट्रिक टनांपर्यंतचा चारा आवश्‍यक असून, टंचाई आहे. महागडा चारा विकत घेणे लहान पशुधनपालक, दुग्ध उत्पादकांना शक्‍य नाही. चारानिर्मितीसाठी मोफत बियाणे, खतेवाटप करण्यात येत आहे, पण दुष्काळी भागात पाणीच नाही तर चारा उगवायचा कुठे, हा प्रश्‍न शेतकऱ्यांसमोर आहे. 

जळगाव : जिल्ह्यात रोज लागणाऱ्या चाऱ्यासंबंधी आतापासूनच टंचाई निर्माण होत आहे. रोज चार हजार ४०० मेट्रिक टनांपर्यंतचा चारा आवश्‍यक असून, टंचाई आहे. महागडा चारा विकत घेणे लहान पशुधनपालक, दुग्ध उत्पादकांना शक्‍य नाही. चारानिर्मितीसाठी मोफत बियाणे, खतेवाटप करण्यात येत आहे, पण दुष्काळी भागात पाणीच नाही तर चारा उगवायचा कुठे, हा प्रश्‍न शेतकऱ्यांसमोर आहे. 

जिल्ह्यात लहान पशुधन १ लाख ३२ हजार ४९० आहे. त्यांना प्रतिदिन ३९७ मेट्रिक टन चारा लागणार आहे. मोठे पशुधन ६ लाख ६५ हजार ६०४ आहे. त्यांना ३ हजार ९९३ मेट्रिक टन चारा लागेल. असा एकूण ४ हजार ३९१ मेट्रिक टन चारा शेतकरी, पशुपालकांना दर दिवशी लागेल. एवढा चारा उपलब्ध करण्यासाठी प्रशासनाला दमछाक करावी लागत आहे. 

राष्ट्रीय कृषी विकास योजनेंतर्गत ४ हजार ५५६.३ हेक्‍टर क्षेत्रावर चारानिर्मिती करण्याचे नियोजन आहे. तर ८५७.१२ हेक्‍टरवर गाळपेर क्षेत्रात चारा निर्मिती होणार आहे. पशुधन पालक, शेतकऱ्यांना चारा उपलब्ध व्हावा. गावोगावी चाराटंचाईवर उपाय योजले जावेत यासाठी चारा उत्पादनाची कार्यवाही प्रशासन करीत आहे. त्यासाठी शेतकऱ्यांकडून शासनाच्या आदेशान्वये अर्ज मागविण्यात आले होते. परंतु या योजनेसंबंधी आतापर्यंत केवळ १४० शेतकऱ्यांनी अर्ज पशुसंवर्धन विभागाकडे सादर केले आहेत. परंतु चाळीसगाव, अमळनेर, पारोळा, पाचोरा व भडगावचा पश्‍चिम भाग, बोदवड, जामनेरात पाणीटंचाई वाढली आहे. शेतकऱ्यांकडे पाणीच नाही. मग या योजनेत सहभाग घेऊन काय फायदा, चारा उगविणार कसा, असा मुद्दा शेतकरी उपस्थित करीत आहेत. चारा दावणीला उपलब्ध करा. जेथे बागायती आहे, त्या भागात ही योजना सक्तीने राबवून चारा दुष्काळी तालुक्‍यांमध्ये आणा, अशी अपेक्षा शेतकरी व्यक्त करीत आहेत. 

कृषी विभागालाही शासनाकडून आलेले मोफत बियाणे शेतकऱ्यांना बियाणे वाटण्यास सांगण्यात आले आहे. शेतकऱ्यांना चारा लावण्यासाठी प्रोत्साहन देण्याचा निर्णय झालेला होता. मात्र अद्यापही अशा जागांचा शोध घेण्यात आला नाही. योजनेंतर्गत वैरण पीक घेण्यासाठी अर्ज मागविण्यात आले होते. जिल्ह्यासाठी यासाठी ५५ लाखांची खर्चाची तरतूद आहे. ज्या शेतकरी, पशुपालकांची १० गुंठे जमीन आहे, सिंचनाची सुविधा आहे, अशांना चारा पिके घेण्यासाठी शासनातर्फे मोफत बियाणे, खतांचा पुरवठा केला जाणार आहे. कृषी विभागामार्फत जिल्ह्यातील १२ हजार ४१३ शेतकऱ्यांना २५ हजार ८०० किलो चारा बियाणांचे वाटप करण्यात आले आहे.

इतर अॅग्रो विशेष
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...
जांभरुण परांडे गावात जन्माला आली...अमरावती : जांभरुण परांडे (जि. वाशीम) येथे...
शेतकऱ्यांना व्यापार संधी उपलब्ध होणारपुणे : राज्यात फळे भाजीपाल्याचे वाढते...
राज्यात आजपासून हरभरा खरेदी परभणी : नाफेड आणि विदर्भ सहकारी विपणन महासंघाच्या...
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....