agriculture news in marathi, Khandesh is ready for the rabbi season | Agrowon

रब्बी हंगामासाठी खानदेश सज्ज; जोरदार पावसाची प्रतीक्षा
टीम अॅग्रोवन
बुधवार, 26 सप्टेंबर 2018

आमच्या भागात यंदा पाऊस कमी आहे. त्यामुळे गव्हाची पेरणी अधिक होणार नाही. परंतु चारा व धान्याचे चांगले उत्पादन देणाऱ्या मका पिकाची पेरणी वाढू शकते. हरभऱ्याची देखील सर्वाधिक पेरणी होईल.
- छगन पाटील, शेतकरी, निमझरी (जि. धुळे)

जळगाव : खानदेशात खरिपातील मूग, उडीद, सोयाबीन ही पिके घेण्याच्या अंतिम तयारीत शेतकरी आहेत. त्यानंतरच्या रब्बी हंगामातील पीक पेरणीसाठी शेतकऱ्यांकडून तयारी सुरू आहे. सोयाबीनची मळणी पुढील १० दिवसांत पूर्ण होईल. दसरा सणापूर्वी पेरणीला वेगात सुरवात होईल, असे चित्र आहे. मात्र, कोरडवाहू पेरणीसाठी जोरदार पावसाची प्रतीक्षा आहे.

खानदेशात जवळपास अडीच लाख हेक्‍टरवर रब्बी पिके असतील. हरभरा सुमारे सव्वा ते दीड लाख हेक्‍टवर असेल. सोबतच कोरडवाहू ज्वारी (दादर) मका, गहू, बाजरी आदींची पेरणी होईल. दादरची पेरणी चोपडा, अमळनेर, जळगाव, शिंदखेडा, शिरपूर, धुळे, यावल या भागात अधिक केली जाते. कमी वाफसा असला तरी दादरचे पीक जोमात येते. पेरणीनंतर दाणे व्यवस्थित अंकुरतात. हरभऱ्याचीही कोरडवाहू पीक म्हणून शेतकरी पेरणी करतात. देशी वाणांची निवड त्यासाठी केली जाते. तापी, गिरणा काठ व पांझरानजीकच्या भागात कोरडवाहू पिके अधिक असतील.

जळगाव जिल्ह्यात सुमारे ४० ते ५० हजार हेक्‍टर मक्‍याची पेरणी होईल. उडीद, मुगाखाली रिकाम्या झालेल्या क्षेत्रात मक्‍याची लागवड सुरू झाली आहे. पाणी कमी असल्याने अनेक शेतकरी ठिबकवर मका पेरणी करीत आहेत. गव्हाची पेरणी खानदेशात ३० ते ३५ हजार हेक्‍टर, तर जळगाव जिल्ह्यात सुमारे १९ ते २१ हजार हेक्‍टरवर होणे अपेक्षित आहे. कृत्रिम जलसाठे मुबलक असल्याने रावेर, शहादा, यावल, चोपडा व पाचोरा तालुक्‍यांतील काही भागात त्याची पेरणी अधिक होईल. बागायती व कोरडवाहू हरभरा पेरण्यावरही शेतकऱ्यांंचा भर राहील. संकरित, काबुली प्रकारच्या हरभऱ्याची पेरणी शहादा, चोपडा, शिरपूर, रावेर, यावल भागात होईल.

खतांची तरतूद

खानदेशात रब्बी हंगामासाठी सुमारे पावणेदोन लाख मेट्रिक टन खतांची आवश्‍यकता असेल. १ लाख २० हजार मेट्रिक टन खते जळगाव जिल्ह्यात लागतील. युरियाची सुमारे ६० ते ७० हजार मेट्रिक टन गरज भासेल. यासंदर्भात तीन्ही जिल्ह्यांमधील जिल्हा परिषदेच्या कृषी विभागांनी खते मागणी प्रस्ताव तयार केले आहेत. जळगाव जिल्हा परिषदेचा प्रस्ताव अंतिम टप्प्यात असल्याची माहिती मिळाली.

 

इतर बातम्या
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
परभणीत पाणीपुरवठ्याच्या टॅंकरचे शतकपरभणी : मोसमी पावसाचे आगमन लांबल्याने जिल्ह्यातील...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
पेरणीच्या अनुदानासाठी संभाजी ब्रिगेडचा...हिंगोली :  दुष्काळग्रस्त शेतकऱ्यांना...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...
विदर्भात भुईमूग शेंगाचे दर पोचले ५७००...नागपूर ः उन्हाळी भुईमुगाची आवक विदर्भातील अनेक...
सहलींच्या बचत निधीतून होणार आंबा फवारणी...रत्नागिरी : ग्रास कटर, आंबा फवारणी मशिनला...
मराठवाड्यात चार दिवसांत लाखभर लोक...औरंगाबाद : लांबलेला पाऊस, भूपृष्ठावरील जलसाठ्यांत...
पणन सुधारणा विधेयक पावसाळी अधिवेशनात...पुणे  ः शेतीमाल पणन सुधारणांमधील...
करंजवण ते मनमाड थेट जलवाहिनी योजनेला...नाशिक : मनमाड शहरासाठी बहुचर्चित व बहुप्रतिक्षित...
पुणे बाजार समिती पुनर्विकासाला गतीपुणे : पुणे कृषी उत्पन्न बाजार समितीच्या...
कारखान्यांना ‘सहवीज’मधून १०४१ कोटींचे...पुणे  : राज्यातील साखर कारखान्यांनी सहवीज...
पुणे : कृषी अवजारे, साहित्य खरेदीसाठी...पुणे  : जिल्हा परिषदेच्या कृषी विभागाकडून...
खानदेशात उष्णतेचा कहर; पावसाची...जळगाव  ः खानदेशात वादळी पाऊस वगळता कुठेही...
शकूबाईंच्या लढ्याला आले यश;  वनजमीन...वणी, जि. नाशिक  : शेतकरी व आदिवासींच्या...
खास पोह्यासाठी भाताची ‘कर्जत शताब्दी’...रत्नागिरी ः दापोली येथील डॉ. बाळासाहेब सावंत कोकण...
मराठवाड्यातील चार जिल्ह्यांत चारा...औरंगाबाद  ः दुष्काळाच्या पार्श्वभूमीवर...