agriculture news in marathi, In the Khandesh region of Kharif, the arrival of jowar | Agrowon

खानदेशात खरिपातील ज्वारीची आवक सुरु
टीम अॅग्रोवन
बुधवार, 17 ऑक्टोबर 2018

जळगाव : खानदेशात अनेक भागांत ज्वारीची मळणी जवळपास आटोपली आहे. यंदा अधिक पावसामुळे ज्वारीला फटका बसलेला नसल्याने दाणे दर्जेदार येत आहेत. त्यास बाजारात १५०० रुपये प्रतिक्विंटलपर्यंतचे दर मिळत आहेत.

जळगाव : खानदेशात अनेक भागांत ज्वारीची मळणी जवळपास आटोपली आहे. यंदा अधिक पावसामुळे ज्वारीला फटका बसलेला नसल्याने दाणे दर्जेदार येत आहेत. त्यास बाजारात १५०० रुपये प्रतिक्विंटलपर्यंतचे दर मिळत आहेत.

काळ्या कसदार जमिनीत ज्वारीचे चांगले उत्पादन आले आहे. मुरमाड, हलक्‍या जमिनीत मात्र अपेक्षित उत्पादन आलेले नाही. कसदार चाराही उपलब्ध झाला आहे. शेतकऱ्यांना जादा दराची अपेक्षा असल्याने  सध्या बाजारात अपेक्षित आवक नाही. ज्वारीची पेरणी खानदेशात केळी पट्ट्यात बेवड म्हणून केली जाते. रावेर, यावल, चोपडा, शहादा भागात केळी उत्पादक पशुधनाला सकस चारा व बेवड यासाठी ज्वारीची पेरणी करतात. चाळीसगाव, पाचोरा, भडगाव, अमळनेर, धुळे भागातही कमी अधिक क्षेत्रावर पेरणी केली जाते.

नंदुरबारमध्ये नंदुरबार, शहादा तालुक्‍यांत ८० टक्के ज्वारीची मळणी आटोपली आहे. कोळदे, लहान शहादे भागात काही शेतकऱ्यांना एकरी १० क्विंटलपर्यंत उत्पादन व चांगला चारा मिळाला आहे. टपोरे, शुभ्र दाणे असल्याने दरही बऱ्यापैकी आहेत. नंदुरबार, दोंडाईचा (जि. धुळे) बाजार समितीत ज्वारीची आवक वाढत आहे. जळगाव भागात फारशी आवक नाही. जळगाव जिल्ह्यात रावेर, मुक्ताईनगर व चोपडा बाजार समितीत बऱ्यापैकी आवक होत असते. सध्या या चार पाच बाजार समित्यांमध्ये प्रतिदिन ४०० क्विंटलपर्यंतची आवक होत आहे.

जळगाव जिल्ह्यात जळगाव, पाचोरा भागात मजूरटंचाईमुळे काही शेतकऱ्यांची ज्वारीची कापणी रखडली आहे. ज्वारीला मागील वर्षी १४०० रुपये कमाल, तर किमान दर १००० रुपये दरही मिळाले. यंदा दर बऱ्यापैकी असल्याने ज्वारी मूग, सोयाबीनच्या तुलनेत ज्वारी परवडल्याच्या प्रतिक्रिया ग्रामीण भागातून येत आहेत.

काही शेतकऱ्यांच्या ज्वारीची गावातच विक्री होत आहे. कारण शेतमालक आपले सालगडी, मजूर यांना दरवर्षी एक ते दोन क्विंटल ज्वारी देतात. ही ज्वारी गावातच खरेदी करून आपल्या सालगडी मंडळीला देण्याचे नियोजन मोठ्या शेतकऱ्यांनी केल्याने त्याचा काहीसा लाभ ज्वारी उत्पादकांना होत आहे.

इतर ताज्या घडामोडी
सातारा जिल्हा बॅंक देणार मध्यम मुदत...सातारा :  स्थापनेपासून गेल्या ६८ वर्षांत...
औरंगाबादेत हिरवी मिरची ४००० ते ५०००...औरंगाबाद : येथील कृषी उत्पन्न बाजार...
जळगाव : खरिपाचा रासायनिक खतपुरवठा रखडलाजळगाव : रासायनिक खतांचा खरिपासंबंधीचा पुरवठा...
दुष्काळी मदतीची गावनिहाय माहिती जाहीर...मुंबई  : राज्यातील बहुतांश...
पाण्यासाठी भीमा नदीपात्रात ठिय्या आंदोलन मांडवगण फराटा, जि. पुणे  : घोड आणि...
निम्‍न दुधना धरणाच्या पाण्यासाठी...परभणी : दुष्काळामुळे मानवत तालुक्यातील दुधना...
‘उजनी’काठच्या शेतकऱ्यांची पिके...भिगवण, जि. पुणे   ः प्रशासनाच्या...
पुणे जिल्ह्यातील धरणे तळाशीपुणे  : जिल्ह्यातील धरणांमधील पाणीसाठा...
अकोल्यातील खरीप आढावा बैठक...अकोला  ः शेतकऱ्यांच्या दृष्टीने महत्त्वाच्या...
दुष्काळ निवारणासाठी सातारा जिल्हा...सातारा : जिल्ह्यातील दुष्काळी तालुक्‍...
फळबागेत पाणी साठवण कुंड कोकणातील जांभ्या जमिनीमध्ये पाण्याच्या निचऱ्याचे...
फणस लागवड  उष्ण व दमट हवामान फणस पिकाला मानवते....
ऊसवाढीच्या टप्‍प्यानुसार द्या पुरेसे...जमिनीच्या प्रकारानुसार योग्य ठिबक सिंचन पद्धतीची...
पोटदुखीवर पेटाराच्या सालीचा काढा उपयुक्तस्थानिक नाव    : पेटार, पेटारी,...
उष्ण, कोरडे हवामान मॉन्सून वाटचालीस...महाराष्ट्राच्या पश्‍चिम भागावर १००८ हेप्टापास्कल...
भंगाराम तळोधी येथे राइसमिलवर कारवाईचंद्रपूर ः कृषी विभागाला मिळालेल्या गोपनीय...
परभणीत कोबीला प्रतिक्विंटल १२०० ते २०००...परभणी : पाथरी रस्त्यावरील फळे भाजीपाला...
नाशिक जिल्ह्यातील ५४३ गावांची...नाशिक ः गावठाण निश्‍चितीसाठी गावांमध्ये ग्रामसभा...
नाशिक : टँकरने पाणीपुरवठ्यासाठी जीपीएस...नाशिक : जिल्ह्यातील दुष्काळी परिस्थिती अधिक जाणवू...
अनुदानाअभावी चारा छावण्या संकटातबिजवडी, जि. सातारा : माण तालुक्‍यामध्ये १९७२...