agriculture news in marathi, In Kharif crisis in Aurangabad district | Agrowon

औरंगाबाद जिल्ह्यातील खरीप संकटात
टीम अॅग्रोवन
मंगळवार, 28 ऑगस्ट 2018

औरंगाबाद : पावसाच्या प्रदीर्घ खंडासोबतच किडी रोगांसाठी पोषक वातावरणामुळे औरंगाबाद जिल्ह्यातील यंदाच्या खरिपावर संकटाचा डोंगर उभा आहे. उपाय योजतांना शेतकऱ्यांची दमछाक होत आहे. गत काही दिवसांत पाऊस पडला असला तरी निसर्गाची अपेक्षित साथ मिळत नसल्याने शेतकऱ्यांवरील संकटाचे ढग कायमच असल्याची स्थिती आहे.

औरंगाबाद : पावसाच्या प्रदीर्घ खंडासोबतच किडी रोगांसाठी पोषक वातावरणामुळे औरंगाबाद जिल्ह्यातील यंदाच्या खरिपावर संकटाचा डोंगर उभा आहे. उपाय योजतांना शेतकऱ्यांची दमछाक होत आहे. गत काही दिवसांत पाऊस पडला असला तरी निसर्गाची अपेक्षित साथ मिळत नसल्याने शेतकऱ्यांवरील संकटाचे ढग कायमच असल्याची स्थिती आहे.

औरंगाबाद जिल्ह्यातील वैजापूर तालुक्‍यात स्थिती विदारक आहे. प्रदीर्घ खंडानंतर १५ ऑगस्टनंतर तालुक्‍यात पावसाचे आगमन झाले असले तरी तालुक्‍यातील १३७ गावातील खरिपाच्या पिकांना या पावसाचा फायदा होण्याची शक्‍यता नसल्याचे प्रशासनाच्या निदर्शनास आले आहे. प्रदीर्घ खंडामुळे तालुक्‍यातील ४० हजार ५०५ हेक्‍टर खरिपाचे क्षेत्र बाधित झाले आहे.

वैजापूर तालुक्‍यातील कपाशी व मकाच्या उत्पादनात ५० टक्‍क्‍यांपर्यंत तर औरंगाबाद तालुक्‍यात २० ते ३० टक्‍के घट होण्याचा अंदाज आहे. फुलंब्री तालुक्‍यातील पीरबावडा मंडळातील सहा गावांत ५०० हेक्‍टरपेक्षा जास्त क्षेत्रावरील मकाचे पीक बाधित झाले असून कपाशी व मका पीक २० ते २५ टक्‍के घट होण्याचा अंदाज आहे. पैठण तालुक्‍यातील लोहगाव, बालानगर, बीडकीन व ढोरकीन मंडळातील काही गावात खरिपाच्या सर्वसाधारण क्षेत्रावर पेरणी होऊच शकली नाही. या मंडळांमधील ११ गावांमधील विविध पिकांचे ६८६ हेक्‍टर क्षेत्र बाधित झाल्याचे पुढे आले आले आहे.

बोंड अळीची नुकसानीत भर
खुलताबाद तालुक्‍यातील सुलतानपूर व वेरूळ मंडळातील २२ गावांतील मका पिकाला पावसाच्या खंडाचा मोठा फटका बसला आहे. या पिकाच्या उत्पादनात ३० ते ४० टक्‍क्‍यांपर्यंत घट होण्याचा अंदाज व्यक्‍त केला जात आहे. कन्नड व सोयगाव तालुक्‍यांतील १४ गावांतील कपाशीवरील गुलाबी बोंड अळीच्या प्रमाणाने नुकसानीची पातळी ओलांडली आहे.

 औरंगाबाद जिल्ह्यातील सर्वसाधारण क्षेत्र ः ६ लाख ८३ हजार ३७५ हेक्‍टर
 प्रत्यक्ष पेरणी झालेले क्षेत्र ः ६ लाख ५८ हजार ६०७ हेक्‍टर

पिकाचे नाव अाणि अंदाजे नुकसान हेक्टरमध्ये
कपाशी ३८८८८४
सोयाबीन  १५१८०
बाजरी २४९३०
मका १७३१६२
तूर ३०३९२

 

इतर अॅग्रो विशेष
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...