Agriculture News in Marathi, Kharif crop harvest, Kolhapur district | Agrowon

खरीप पीककाढणीसह रब्बीची तयारी वेगात
टीम अॅग्रोवन
गुरुवार, 26 ऑक्टोबर 2017
कोल्हापूर : गेल्या आठ दिवसांपासून जिल्ह्यात पावसाने पूर्णपणे उघडीप दिल्याने शेतकऱ्यानी नि:श्‍वास टाकला अाहे. आता खरीप काढणीची कामे वेगाने सुरू आहेत.
 
ज्या शेतात वाफसा येईल त्या शेतात तातडीने कापणी व मळणी करून पीक सुरक्षित ठेवण्यासाठी धडपड सुुरू आहे. यामुळे येत्या आठ ते दहा दिवसांत खरीप कापणीला पुन्हा वेग येईल अशी शक्‍यता आहे. 
 
कोल्हापूर : गेल्या आठ दिवसांपासून जिल्ह्यात पावसाने पूर्णपणे उघडीप दिल्याने शेतकऱ्यानी नि:श्‍वास टाकला अाहे. आता खरीप काढणीची कामे वेगाने सुरू आहेत.
 
ज्या शेतात वाफसा येईल त्या शेतात तातडीने कापणी व मळणी करून पीक सुरक्षित ठेवण्यासाठी धडपड सुुरू आहे. यामुळे येत्या आठ ते दहा दिवसांत खरीप कापणीला पुन्हा वेग येईल अशी शक्‍यता आहे. 
 
जिल्ह्यात आक्‍टोबरचा पहिला पंधरवडा पूर्णपणे पावसाळी गेला आहे. दररोज एक ते दोन तास पडणाऱ्या पावसाने अनेक शिवारांत पाणी साचून राहिले. माळरानेही पाझरत असल्याने माळरानातील खरीप काढणीही खोळंबली. मध्यम व काळ्या प्रतीच्या जमिनी असणाऱ्या शेतकऱ्यांची तर खूपच बिकट अवस्था झाली.
 
अगोदरच वेळाने होणारा निचरा व त्यात दररोज जोरदार पडणारा पाऊस यामुळे खरिपाची काढणी पूर्णपणे ठप्प झाली. सोयाबीन, भुईमूग पीक कुजण्याचा धोका निर्माण झाला. अनेक ठिकाणी शेतात सोयाबीन खराब झाल्याने अनेक शेतकऱ्यांना एक रुपयाही उत्पादन मिळाले नसल्याची स्थिती आहे.
 
कापणीच्या अवस्थेतील पिकात आठ ते दहा दिवस पाणी साचून राहिल्याने पूर्ण पीकच नष्ट झाल्याची स्थिती जिल्ह्यातील सोयाबीन उत्पादक भागात आहे. नफा तर सोडाच; पण बऱ्याच शेतकऱ्यांना पदरमोड करून खरीप पिकांची मळणी करावी लागत आहे. 
 
अाता रब्बीच्या पेरण्या सुरू
सध्या वाफसा येत असल्याने खरिपाची आशा सोडून रब्बीच्या दृष्टीने तयारी करणे, अथवा नवीन ऊस लावणीसाठी शेत तयार करणे, या उद्देशाने शेतकरी खरिपाचे पीक काढून शेताची मशागत करण्याचा प्रयत्न करीत असल्याचे दृश्य जिल्ह्यातील शिवारात आहे.
 
गेल्या चार दिवसांपासून स्वच्छ सूर्यप्रकाश असल्याने याचा फायदा वाफशासाठी होत आहे. यामुळे येत्या आठ दिवसांत खरिपाच्या काढणीला वेग येऊन रब्बीच्या पेरण्याही सुरू होतील, अशी शक्‍यता कृषी विभाग व शेतकऱ्यांतून व्यक्त करण्यात आली.
टॅग्स

इतर ताज्या घडामोडी
प्रकल्पग्रस्त वयोवृद्ध शेतकऱ्याचा...मुंबई : धुळे जिल्ह्यातील धर्मा पाटील या...
हिरव्या मिरचीच्या दरात जळगावात सुधारणाजळगाव ः येथील कृषी उत्पन्न बाजार समितीमध्ये...
शेतकरी कन्या झाली उत्पादन शुल्क निरीक्षकयवतमाळ : इंजिनिअर होऊन प्रशासकीय सेवेत आपले...
चिकू बागेत आच्छादन, पाणी व्यवस्थापन...चिकूचे झाड जस जसे जुने होते त्याप्रमाणे त्याचा...
‘गिरणा’तून दुसरे आवर्तन सुरू पण... जळगाव  ः जिल्ह्यातील शेतीसाठी महत्त्वपूर्ण...
मातीच्या ऱ्हासासोबत घडले प्राचीन...महान मानल्या जाणाऱ्या अनेक प्राचीन संस्कृतींचा...
अर्थसंकल्पासाठी नागरिकांनी सूचना...मुंबई : शासनाच्या ध्येय-धोरणांचे प्रतिनिधीत्व...
माफसूला जागतिक स्तरावर लौकिक मिळवून...नागपूर : पदभरती, ॲक्रीडेशन यासारखी आव्हाने...
कर्जमाफीची रक्कम द्या; अन्याथ लेखी द्यापुणे : २००८ मधील कर्जमाफीची रक्कम नाबार्डने...
नुकसानभरपाईची मागणी तथ्यांवर आधारित...नागपूर : नॅशनल सीड असोसिएशनने बोंड अळीला...
बदल्यांअभावी राज्यात कृषी... नागपूर : राज्यात गेल्या दोन वर्षांपासून कृषी...
हवामान बदलाचा सांगलीतील द्राक्ष बागांना... सांगली  ः गेल्या दोन दिवसांपासून हवामानात...
साताऱ्यातील चौदाशेवर शेतकरी ठिबक...सातारा : जिल्ह्यातील २०१६-१७ मध्ये चौदाशेवर...
सोलापूर बाजारात कांद्याच्या दरात पुन्हा...सोलापूर : सोलापूर कृषी उत्पन्न बाजार समितीच्या...
रब्बी पेरणीत बुलडाण्याची आघाडी अकोला  ः अमरावती विभागात यंदाच्या रब्बी...
कोल्हापुरात हिरवी मिरची तेजीतकोल्हापूर : येथील बाजारसमितीत या सप्ताहात हिरवी...
सरकार कीटकनाशक कंपन्यांच्या दबावात यवतमाळ (प्रतिनिधी) : जिल्ह्यात कीटकनाशक फवारणीतून...
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
मृदा आरोग्य पत्रिकावाटपात पुणे आघाडीवरपुणे : शेतकऱ्यांना जमिनीत असलेल्या अन्नद्रव्याचे...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...