देशातील खरीप पीक १०४९ लाख हेक्टरवर

भात पीक (संग्रहित छायाचित्र)
भात पीक (संग्रहित छायाचित्र)
नवी दिल्ली ः देशातील खरीप पीक क्षेत्र गेल्या वर्षीच्या तुलनेत ७.७३ लाख हेक्टरने कमी अाहे. यंदा गेल्या शुक्रवार(ता. १५)पर्यंत १०४९.४२ लाख हेक्टरवर खरीप पेरणी झाली अाहे. गेल्या वर्षी याच कालावधीत १०५७.१५ लाख हेक्टर क्षेत्र खरीप पिकांनी व्यापले होते, असे कृषी मंत्रालयाने जाहीर केलेल्या अाकडेवारीनुसार दिसून अाले अाहे.
 
कृषी मंत्रालयाकडील अाकडेवारीनुसार, मुख्यतः भात, कडधान्ये, तेलबिया क्षेत्रात घट झाली अाहे. तर ऊस अाणि कापूस पीक क्षेत्रात वाढ झाली अाहे. भात पिकाने ३७४ लाख हेक्टर क्षेत्र व्यापले अाहे.
 
गेल्या वर्षी याच कालावधीत ३७९.१२ लाख हेक्टरवर भात पीक होते. कडधान्ये पीक क्षेत्र १४०.३८ लाख हेक्टरवर पोचले अाहे. गेल्या वर्षी १४५.५५ लाख हेक्टर क्षेत्र पिकाखाली होते. देशात अातापर्यंत पावसाचे सरासरी प्रमाण ६ टक्क्यांनी कमी अाहे. त्यात देशातील १७ राज्यांतील २२५ जिल्ह्यांत दुष्काळ स्थिती असल्याचे वृत्त पसरले होते. या पार्श्वभूमीवर केंद्रीय पर्यावरण मंत्रालयाने देशातील खरीप पिकाची स्थिती समाधानकारक असून देशात दुष्काळ स्थिती नसल्याचा दावा केला अाहे.

केरळ, कर्नाटक, महाराष्ट्र, तेलंगणा अाणि ओडिशा अाणि झारखंड अादी राज्यांत १ ते १० सप्टेंबरदरम्यान समाधानकारक पाऊस झाल्याने जमिनीतील ओलावा वाढला अाहे. देशातील ९५ जिल्ह्यांत पावसाचे प्रमाण कमी राहिले असले तरी त्याचा खरीप पीक क्षेत्रावर परिणाम झालेला नाही. सप्टेंबरच्या सुरवातीला पडलेल्या पावसामुळे खरीप पिकांमध्ये सुधारणा झाली अाहे, असे कृषी मंत्रालयाने स्पष्ट केले अाहे.  

खरीप पीक क्षेत्र ( लाख हेक्टरमध्ये )
पीक २०१७-१८ २०१६-१७
भात ३७४ ३७९.१२
कडधान्ये १४०.३८ १४५.५५
भरडधान्ये १८४.५० १८८.४०
तेलबिया १७२.०२ १८८.६३
ऊस ४९.९५ ४५.६४
ताग ७.०८ ७.५८
कापूस १२१.५१ १०२.२३
एकूण १०४९.४२ १०५७.१५
स्राेत ः कृषी मंत्रालय

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com