agriculture news in marathi, Kharif loan account of 28% in the district | Agrowon

नाशिक जिल्ह्यात २८ टक्केच खरीप कर्जवाटप
टीम अॅग्रोवन
शनिवार, 7 जुलै 2018

नाशिक : खरीप हंगाम सुरू होऊन एक महिना उलटला, तरी जिल्ह्यात आतापर्यंत केवळ ३० हजार ६८४ शेतकऱ्यांना ७३२ कोटी ७३ लाखांचे कर्जवाटप झाले आहे. त्याची टक्केवारी फक्त २७.९१ टक्के आहे. पीककर्जासाठी बँकांनी २६२५ कोटी ७० लाखांचे लक्ष्य ठेवले असताना प्रत्यक्षात वाटप कमी आहे. बँकांनी विविध कारणांनी शेतकऱ्यांना कर्ज न दिल्यामुळे शेतकऱ्यांनी खासगी सावकारांचे मोठ्या प्रमाणात कर्ज घेतल्याचे बोलले जात आहे.

नाशिक : खरीप हंगाम सुरू होऊन एक महिना उलटला, तरी जिल्ह्यात आतापर्यंत केवळ ३० हजार ६८४ शेतकऱ्यांना ७३२ कोटी ७३ लाखांचे कर्जवाटप झाले आहे. त्याची टक्केवारी फक्त २७.९१ टक्के आहे. पीककर्जासाठी बँकांनी २६२५ कोटी ७० लाखांचे लक्ष्य ठेवले असताना प्रत्यक्षात वाटप कमी आहे. बँकांनी विविध कारणांनी शेतकऱ्यांना कर्ज न दिल्यामुळे शेतकऱ्यांनी खासगी सावकारांचे मोठ्या प्रमाणात कर्ज घेतल्याचे बोलले जात आहे.

जिल्हाधिकारी राधाकृष्णन बी. यांनी सर्व बँकांची बैठक घेऊन जास्तीत जास्त कर्जवाटप करण्याच्या सूचना केल्या होत्या. ४  जुलैपर्यंत जिल्ह्यातील राष्ट्रीयीकृत बँकेने १६ हजार १३० शेतकऱ्यांना ४६१ कोटी ३२ लाख कर्जवाटप केले असून त्याची टक्केवारी २४. ८० आहे. त्यांना १८५९ कोटी ८२ लाखांचे लक्ष्यांक देण्यात आला होता.
ग्रामीण बँकांनी १ कोटी ५ लाख कर्ज ६८ शेतकऱ्यांना, खासगी बँकांनी ५१ कोटी ३१ लाख कर्ज २ हजार ५० शेतकऱ्यांना आणि जिल्हा मध्यवर्ती बँकेने २१९ कोटी ५ लाखांचे कर्ज १२ हजार ४३६ शेतकऱ्यांना वाटप केले आहे. त्यांनी अनुक्रमे ३४७ कोटी ८० लाख, ४०४ कोटी ६५ लाख, १३ कोटी ४३ लाख रुपयांचे कर्जवाटप लक्ष्यांक ठरवले होते.

जिल्हा बँकेची अडचण
गेल्या वर्षी ४ हजार ११ कोटींचे लक्ष्यांक बँकेने ठेवले होते. त्यात जिल्हा बँकेचा आकडा मोठा होता. या वेळेस ती अडचणीत असल्यामुळे हात आखडते घेतले. त्यामुळे यंदा कर्जवाटपावर   परिणाम झाला. कर्जवसुलीचे प्रमाणही कमी असल्यामुळे बँकेची अडचण झाली आहे.

बँकांचे नियम अवघड
राष्ट्रीयीकृत व खासगी बँकांचे नियम व अटी किचकट असल्यामुळे त्यातून कर्जवाटप कमी होते. त्याचप्रमाणे पीककर्ज देण्यासाठी या बँकाही फारशा उत्सुक नसल्याने कर्जवाटपाची टक्केवारी कमी आहे.

पेरण्या २७.११ टक्के
पावसाने ओढ दिल्यामुळे जिल्ह्यात ६ लाख ५२ हजार ५५७ हेक्टर क्षेत्रापैकी १ लाख ७६ हजार ९२८ हेक्टरवर पेरणी  झाली असून, त्याची टक्केवारी २७.११ टक्के आहे. जिल्ह्यात दुबार पेरणीचे संकटही पावसामुळे निर्माण झाले आहे.

इतर ताज्या घडामोडी
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...
प्रतिष्ठेच्या माढ्यात मतदानासाठी चुरस सोलापूर : संपूर्ण राज्याचे लक्ष वेधलेल्या व...
सांगली काही ठिकणी ‘ईव्हीएम’च्या...सांगली ः जिल्ह्यात लोकसभेसाठी झालेल्या मतदानावेळी...
कोल्हापूर, हातकणंगले मतदारसंघात चुरशीने...कोल्हापूर : लोकसभेच्या कोल्हापूर आणि हातकणंगले...
मोदी यांच्या सभेसाठी कांदा लिलाव बंदनाशिक : नाशिक व दिंडोरी लोकसभा मतदारसंघातील...
परभणी ः दूध संकलनात सात लाख ८९ हजार...परभणी ः शासकीय दूध योजनेअंतर्गंत परभणी दुग्धशाळेत...
राज्यात तिसऱ्या टप्प्यात शांततेत मतदानमुंबई :  लोकसभा निवडणुकीच्या तिसऱ्या...
लोकांचा कौल आघाडीलाच; पण ईव्हीएम...मुंबई : मी अनेक मतदारसंघांमध्ये फिरलो....
शिर्डी लोकसभा निवडणुकीसाठी वीस उमेदवार...नगर   : नगर लोकसभा मतदारसंघात मंगळवारी...
सोलापूर जिल्ह्यातील ६६२...सोलापूर  : लोकसभा निवडणुकीची धामधूम सुरू...
पुण्यात पाच वाजेपर्यंत ५३ टक्के मतदानपुणे  ः पुणे लोकसभा मतदारसंघात मंगळवारी (ता....
बारामतीत शांततेत मतदानपुणे  : बारामती लोकसभा मतदारसंघासाठी...
पुणे जिल्ह्यातील १४ कारखान्यांचा गाळप...पुणे  ः जिल्ह्यातील १४ साखर कारखान्यांचा...
बुलडाण्यात खरिपात सात लाख ३८ हजार...बुलडाणा  ः येत्या खरीप हंगामात जिल्हयात...
तुरीचे चुकारे रखडल्याने शेतकरी अडचणीत   संग्रामपूर, जि. बुलडाणा  : शासनाच्या हमीभाव...
नगर लोकसभा मतदारसंघात उत्साहात मतदाननगर ः नगर लोकसभा मतदारसंघात मंगळवारी (ता. २३)...
उपयोगानुसार वनशेतीसाठी वृक्षांची निवडवनशेतीसाठी मुख्यतः कोरडवाहू अथवा पडीक जमिनीची...
आंतरमशागतीसाठी अवजारेमकृवि चाकाचे हात कोळपे ः या अवजाराने आपण खुरपणी,...
एकलहरे वीज केंद्रात उभारली रोपवाटिकानाशिक : पर्यावरणाचा समतोल राखण्यासाठी...
जळगाव : निवडणुकीमुळे टॅँकरचे प्रस्ताव...जळगाव : खानदेशात दिवसागणिक पिण्याच्या...