नवी दिल्ली ः देशात यंदा समाधानकारक पावसाच्या पार्श्‍वभूमीवर गेल्या वर्षातील खरिपाच्या तुलनेत उत्पादन वाढेल, असे प्रतिपादन केंद्रीय कृषिमंत्री राधामोहन सिंह यांनी गुरुवारी (ता. 21) केले.
2016-17 तील अंदाज जाहीर करताना कृषिमंत्री सिंह म्हणाले, की 2016-17 मध्ये चांगला पाऊस झाला. यामुळे खरीप हंगामात शेतकऱ्यांना भरघोस उत्पादन काढणे शक्‍य झाले. त्यापूर्वीच्या दोन वर्षांत सलग दुष्काळाने धान्योत्पादनावर परिणाम झाला होता.
यंदाही चांगला पाऊस झाल्याने खरीप हंगामात 135 दशलक्ष टन धान्योत्पादन होण्याची अपेक्षा आहे. कडधान्यांचेही उत्पादन वाढणार असून, डाळींच्या स्वयंपूर्णतेचे आम्ही उद्दिष्ट ठेवले आहे. येत्या दोन ते तीन वर्षांत हे उद्दिष्ट गाठण्याचा प्रयत्न सुरू आहेत.
पीक उत्पादन स्थिती (उत्पादन ः दशलक्ष टनांत)
| पीक | 2015-16 | 2016-17 |
| भरडधान्य | 27.17 | 32.45 |
| तृणधान्य | 118.48 | 126.33 |
| कडधान्य | 5.54 | 8.70 |
| तेलबिया | 16.59 | 16.59 |
| कापूस | 30.15 | 32.12 |
| ऊस | 352.16 | 352.16 |
| उत्पादन | 124.01 | 135.03 |
| वर्ष | 2015-16 | 2016-17 |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.