agriculture news in marathi, Kharif Sowing starts in Satara district | Agrowon

सातारा जिल्ह्यात पेरणीस प्रारंभ
टीम अॅग्रोवन
बुधवार, 13 जून 2018

सातारा : जिल्ह्यात माॅन्सूनचे आगमन झाल्यानंतर शेतकऱ्यांनी पेरणीस प्रारंभ केला आहे. विशेष करून जिल्ह्याच्या पश्‍चिमेकडील तालुक्‍यांत शेतकऱ्यांकडून पेरणीची कामे सुरू केली आहेत. या खरिपात सोयाबीनच्या पिकांस प्राधान्य देण्याची शक्‍यता व्यक्त केली जात आहे.

सातारा : जिल्ह्यात माॅन्सूनचे आगमन झाल्यानंतर शेतकऱ्यांनी पेरणीस प्रारंभ केला आहे. विशेष करून जिल्ह्याच्या पश्‍चिमेकडील तालुक्‍यांत शेतकऱ्यांकडून पेरणीची कामे सुरू केली आहेत. या खरिपात सोयाबीनच्या पिकांस प्राधान्य देण्याची शक्‍यता व्यक्त केली जात आहे.

जिल्ह्यात बहुतांशी भागात माॅन्सूनपूर्व, तसेच माॅन्सून पावसाने हजेरी वेळेत लावल्याने मशागतीची कामे वेळेत सुरू झाली आहेत. जिल्ह्याच्या काही भागात वादळी पाऊस झाल्याने या ठिकाणची मशागतीची कामे लवकर उरकली आहेत. यामुळे या शेतात पेरणीची कामे सुरू झाली आहेत. चिपड्याच्या शेतात जास्त पाऊस झाला की पेरण्या करता येत नसल्यामुळे या शेतात पेरणी लवकर केली जात आहे. रविवारपासून महाबळेश्‍वर वगळता सर्व तालुक्‍यांत पावसाने उघडीप दिली आहे. यामुळे शेतजमीन वाफसा मिळल्याने पेरणीस प्रारंभ केला आहे. पहिल्या टप्प्यात सोयाबीनला चांगला दर मिळेल, या आशेवर सोयाबीन पेरण्याच्या कामांना प्राधान्य दिले जात आहे. 

कृषी विभागाकडून अनुदान दिले जाणारे सोयाबीन अजून दाखल झालेले नाही. शेतकऱ्यांना कृषिसेवा केंद्रावरून बी-बियाणे, खते खरेदी सुरू केली जात असल्याने सेवा केंद्रे गजबजू लागली आहेत. सातारा, जावली, कऱ्हाड, वाई, पाटण या तालुक्‍यांत पेरणीस प्रारंभ झाला आहे. तसेच लागणीच्या भातासाठी पाटण, जावली, सातारा, महाबळेश्वर या तालुक्‍यात रोपवाटिका तयार करण्याच्याही कामांनी गती आली आहे. माण, खटाव, कोरेगाव, फलटण, खंडाळा या दुष्काळी तालुक्‍यांत पश्‍चिमेकडील तालुक्‍याच्या तुलनेत उशिरा पेरणी केली जात असल्याने या तालुक्‍यांत पेरणी कामे अल्प प्रमाणात सुरू झाली आहेत. या तालुक्‍यांत सोयाबीनसह चारा व ज्वारीसाठी खरिप ज्वारीची लागवड मोठ्या प्रमाणात होणार आहे.

आडसाली ऊस लागवड सुरू
सातारा, कराड, वाई, पाटण, कोरेगाव, खंडाळा आदी तालुक्‍यांत आडसाली ऊस लागवड सुरू झाली आहे. पहिल्या टप्प्यात ऊस जावा तसेच उत्पादन चांगले मिळत असल्याने मागील पाच ते सहा वर्षांपासून आडसाली क्षेत्रात मोठ्या प्रमाणात वाढ झाली आहे. सध्या आडसाली ऊस लागवड सूरू असून को-८६०३२ व एमएस १०००१ या ऊस वाणांना शेतकऱ्यांकडून सर्वाधिक पसंती दिली जात आहे.

इतर ताज्या घडामोडी
गाजराच्या शिल्प दुनियेत...उत्तर चीन येथील हेबेई प्रांतातील हॅन्डन येथील...
जळगावातील १२० कोटींच्या कामांना...जळगाव : जिल्हा परिषदेत मागील महिन्यात १२० कोटी...
सूक्ष्म सिंचनाचे अनेक प्रकल्प राबविणार...परभणी : नानाजी देशमुख कृषी संजीवनी...
परभणीत रब्बीची ६२.२४ टक्के क्षेत्रावर...परभणी : जिल्ह्यात यंदा कमी पावसामुळे उद्भवलेल्या...
'निर्यातदार व्यापाऱ्यांनी साखळी करुन दर...आटपाडी, जि. सांगली : आटपाडी तालुक्‍यात...
शेततळ्याचे मुख्यमंत्र्यांनी केले ‘...सोलापूर ः बोरामणी (ता. दक्षिण सोलापूर) येथील...
अकोल्यात सोयाबीन प्रतिक्विंटल ३२०० ते...अकोला ः अकोला कृषी उत्पन्न बाजार समितीत...
सूक्ष्म सिंचनाचा परिणामकारक वापर शक्‍य...औरंगाबाद : सूक्ष्म सिंचनाची समज व गरज, त्यामधील...
भावांनो घाबरू नका, आम्ही वाऱ्यावर...खोजेवाडी जि. नगर ः ‘‘दुष्काळ जाहीर होऊन अडीच...
साताऱ्यात एकरकमी एफआरपीसाठी...सातारा : एकरकमी एफआरपीसाठी स्वाभिमानी शेतकरी...
जुन्नर तालुक्यातील द्राक्षे चीन आणि...नारायणगाव, जि. पुणे : जुन्नर तालुक्‍यात जंबो, शरद...
हिवाळ्यात करा फळबागांतील तापमान नियोजनहिवाळ्यामध्ये कमी होणारे तापमान ही विविध...
गादीवाफ्यावर करा भुईमूग लागवडभुईमुगाची गादीवाफ्यावर पेरणी एक मीटर रुंदीचे...
बायोलेजिक्स औषधांची परिणामकारकता वाढणारयेल विद्यापीठातील संशोधकांनी शोधलेल्या...
हवामान बदलाचा युरोपियन देशांना फटकायुरोपमध्ये पाण्याच्या पूर्ततेसाठी अन्य सीमावर्ती...
बार्शीटाकळीत कांदा बियाणे उगवेना अकोला : पेरणी केल्यानंतर महिना उलटूनही ‘महाबीज’चे...
मुख्यमंत्र्यांच्या ‘लोकसंवाद’...अकोला : शासनाच्या योजना गरजूंपर्यंत पोचल्यानंतर...
उन्हाळ कांदा लागवडीसाठी शेतकरी उदासीनजळगाव : खानदेशात उन्हाळ, रांगडा कांदा...
वर्धा जिल्ह्यातील शेतकऱ्यांच्या नजरा...वर्धा : या हंगामातील नवीन तूर मळणीला सुरवात...
कृषी विद्यापीठाच्या तंत्रज्ञानाचा अवलंब...परभणी ः दुष्काळी स्थितीत फळबागा वाचविण्यासाठी...