agriculture news in marathi, Kharip Facing problem in Sinnar taluka, | Agrowon

सिन्नर तालुक्यातील खरीप पावसाअभावी संकटात
टीम अॅग्रोवन
शनिवार, 22 सप्टेंबर 2018

सिन्नर, जि. नाशिक : पावसाळा सपंत आला तरी समाधानकारक पाऊस न झाल्याने खरिपाचे पीक वाया गेले आहे. पाण्याअभावी करपून चालेल्या पिकात जनावरांना चरण्यासाठी सोडले जात असल्याचे चित्र आहे. बळिराजाला पावसाळ्यात दुष्काळाच्या झळा बसू लागल्या आहेत.

सिन्नर, जि. नाशिक : पावसाळा सपंत आला तरी समाधानकारक पाऊस न झाल्याने खरिपाचे पीक वाया गेले आहे. पाण्याअभावी करपून चालेल्या पिकात जनावरांना चरण्यासाठी सोडले जात असल्याचे चित्र आहे. बळिराजाला पावसाळ्यात दुष्काळाच्या झळा बसू लागल्या आहेत.

सिन्नर तालुका अवर्षणग्रस्त. त्यात पूर्व भाग दुष्काळी म्हणूनच ओळखला जातो. नदी व पाण्याचा स्रोत नसल्याने येथील शेतकरी पावसाच्या पाण्यावर कोरडवाहू शेती करतो. पावसाळ्यात बाजरी व कडधान्ये अशी पिके घेतली जातात. गेल्या चार वर्षांपासून पाऊस कमी झाल्याने खरिपाच्या उत्पादनात मोठी घट आली आहे. खरिपावर शेतकऱ्यांचे वर्षभराचे आर्थिक गणित अवलंबून असते. यावर्षी पावसाच्या ओलीवर शेतकऱ्यांनी खरिपाच्या पेरण्या केल्या; मात्र पावसाअभावी पीक करपून चालले आहे.
बाजरी, मका, सोयाबीन व कडधान्याची पिके कोमेजून गेली आहेत. महागडी बियाणे पेरण्यासाठी शेतकऱ्यांनी कर्ज काढले किंवा नातेवाइकांकडून हातउसने पैसे घेतले. शिवाय त्यांचे कष्टही वाया गेले. तालुक्यात पिण्याच्या पाण्याची व जनावरांच्या चाऱ्याची स्थिती बिकट आहे. आगामी महिनाभराच्या काळात पाऊस झाला तरी खरिपाच्या पिकांना जीवदान मिळणे शक्य नाही.

सिन्नर तालुक्यातील शेतकऱ्यांना अन्य तालुक्यांतून चारा विकत आणावा लागत आहे. खरिपाचे पीक गेले तरी जनावरांना वाचविणे महत्त्वाचे असल्याने शेतकरी मिळेल ते पर्याय निवडताना दिसत आहे. पावसाळ्यात ही परिस्थिती आहे, उर्वरित काळ कसा जाईल, या चिंतेत शेतकरी आहे.

टॅँकरद्वारे पाणीपुरवठा
तालुक्यात टॅँकरची मागणी वाढतच आहे. सध्या तालुक्यातील ११ गावे, ५७  वाड्या-वस्त्यांवर १३ टॅँकरद्वारे पाणी पुरविले जात आहे. निऱ्हाळे-फत्तेपूर, खापराळे, फुलेनगर, पाटपिंपरी, सोनारी, बारागावपिंप्री, आडवाडी, पांगरी खुर्द, घोटेवाडी, पिंपळे, सायाळे, गुळवंच, फर्दापूर, जयप्रकाशनगर या ठिकाणी दहा खासगी व तीन शासकीय टॅँकरद्वारे पाणीपुरवठा केला जात आहे.

रब्बीच्या हंगामाची चिंता
तालुक्याच्या पूर्व भागातच नव्हे, तर तालुक्यात सर्वत्र खरिपाचे पीक वाया गेल्याचे चित्र आहे. शेतकऱ्यांनी मोठ्या प्रमाणात सोयाबीनची लागवड केली होती. ते करपून चालले आहे. आर्थिकदृष्ट्या अडचणीत असलेल्या शेतकऱ्यांपुढे खरीप हंगामानंतर रब्बी हंगाम कसा घ्यावा, असा प्रश्न आहे.

इतर बातम्या
महारेशीम नोंदणीला अकोला, वाशीममध्ये...अकोला :  रेशीम शेती आणि उद्योगास प्रोत्साहन...
मुख्यमंत्री फडणवीस साधणार ‘लोक संवाद’ पुणे ः शासनाच्या विविध योजना गरजूंपर्यंत...
मराठवाड्यात महारेशीम अभियानाला सुरवात औरंगाबाद ः रेशीम उद्योगातून शेतकऱ्यांचे जीवनमान...
जळगावमधील सर्वच तालुके दुष्काळीजळगाव : जिल्ह्यातील सर्व गावांची अंतिम पैसेवारी...
‘पिंपळगाव खांड’तून पिण्यासाठी आवर्तनलिंगदेव, जि. नगर : मुळा नदीवरील पिंपळगाव खांड (ता...
पुणे विभागात रब्बीची अवघी ३४ टक्के पेरणीपुणे ः पावसाळ्यात कमी झालेल्या पावसामुळे गेल्या...
परभणीची खरिपाची अंतिम पैसेवारी ४४.६९...परभणी ः परभणी जिल्ह्याची खरीप हंगामाची अंतिम...
धुळे, नंदुरबार जिल्ह्यांत ९० विहिरींचे...धुळे : पाणीटंचाईची तीव्रता धुळे, नंदुरबार...
कोल्हापूर जिल्ह्यात वाढती थंडी रब्बी...कोल्हापूर : जिल्ह्यात गेल्या दोन दिवसांपासून...
कॅनॉल दुरुस्तीची कामे आता जलयुक्‍त...वर्धा : जलसंधारण आणि जलसंपदा विभागाच्या...
सोलापूर कृषी समितीच्या बैठकीत...सोलापूर : गुजरातमध्ये राबविण्यात येणाऱ्या कृषी...
कांदा, भाजीपाला वाटला मोफतचांदवड, जि. नाशिक : कांद्यासह भाजीपाला व इतर...
पालखेडच्या आवर्तनास जिल्हाधिकाऱ्यांचा...येवला, जि. नाशिक : पालखेड डाव्या कालव्यावरील...
एफआरपी थकविणाऱ्या कारखान्यांचे होणार...सोलापूर : यंदाच्या गाळप हंगामात संबंधित...
औरंगाबादमध्ये २७ डिसेंबरपासून ‘ॲग्रोवन’...पुणे  : राज्यातील शेतकऱ्यांना तंत्रज्ञान व...
पावसातही शेतकऱ्यांचा आम नदीपात्रात...वेलतूर, नागपूर : टेकेपार येथील शेतकऱ्यांनी...
स्वाभिमानीचे डफडे बजाओ आंदोलनबुलडाणा ः दुष्काळग्रस्त शेतकऱ्यांना मदत, सोयाबीन...
विदर्भातील तीन जिल्हा बँकांचे विलीनीकरण...मुंबई: राज्यातल्या सामान्य शेतकऱ्यांच्या...
किमान तापमानात वाढ पुणे  : ‘पेथाई’ चक्रीवादळाच्या प्रभावामुळे...
मराठवाड्यातील दुष्काळाची पैसेवारीने...औरंगाबाद : मराठवाड्यातील आठही जिल्ह्यांतील ८५३३...