agriculture news in marathi, kharip planning, nashik, maharashtra | Agrowon

नाशिक जिल्ह्यात मका, सोयाबीनचे क्षेत्र वाढण्याचा अंदाज
टीम अॅग्रोवन
शुक्रवार, 11 मे 2018
नाशिक : नाशिक जिल्ह्यात मागील काही वर्षांपासून खरीप हंगामात मक्‍याचे क्षेत्र वाढत आहे. चांगले पाऊसमान, तुलनेने स्थिर बाजारभाव यामुळे या पिकाकडे कल वाढला असल्याचे चित्र आहे. यंदाच्या हंगामातही या पिकाखालील क्षेत्र वाढेल, असा अंदाज वर्तवला जात आहे. बोंड अळीच्या प्रादुर्भावामुळे कापूस उत्पादकांना मोठा फटका बसला आहे. या स्थितीत जिल्ह्यातील कापसाचे क्षेत्र १० टक्के तरी कमी होईल. हे क्षेत्र मका, सोयाबीन या सारख्या पिकांकडे वळेल, असा अंदाज कृषी विभागाला वाटत आहे. 
 
नाशिक : नाशिक जिल्ह्यात मागील काही वर्षांपासून खरीप हंगामात मक्‍याचे क्षेत्र वाढत आहे. चांगले पाऊसमान, तुलनेने स्थिर बाजारभाव यामुळे या पिकाकडे कल वाढला असल्याचे चित्र आहे. यंदाच्या हंगामातही या पिकाखालील क्षेत्र वाढेल, असा अंदाज वर्तवला जात आहे. बोंड अळीच्या प्रादुर्भावामुळे कापूस उत्पादकांना मोठा फटका बसला आहे. या स्थितीत जिल्ह्यातील कापसाचे क्षेत्र १० टक्के तरी कमी होईल. हे क्षेत्र मका, सोयाबीन या सारख्या पिकांकडे वळेल, असा अंदाज कृषी विभागाला वाटत आहे. 
 
नाशिक जिल्ह्याचे खरिपाचे सरासरी क्षेत्र ६ लाख ५२ हजार ५५८ हेक्‍टर आहे. मागील दोन वर्षांत सरासरीपेक्षा अधिक क्षेत्रावर पेरा झाला आहे. २०१६-१७ च्या हंगामात प्रत्यक्षात ६ लाख ६२ हजार १९३ हेक्‍टरवर पेरणी झाली. या वर्षात हे क्षेत्र ६ लाख ७८ हजार हेक्‍टरवर जाईल असा अंदाज आहे. 
 
जिल्ह्यात गेल्या काही वर्षांत मका आणि सोयाबीन या महत्त्वाच्या नगदी पिकांना महत्त्व दिले गेले आहे. या दोन पिकांच्या क्षेत्रात सातत्याने वाढ होताना दिसत आहे. खरीप मक्‍याचे सरासरी क्षेत्र १ लाख ७३ हजार २७ हेक्‍टर इतके आहे. मागील हंगामात २०१६-१७ मध्ये तब्बल २ लाख १९ हजार ६६९ हेक्‍टरवर मक्‍याचा पेरा झाला. यंदाच्या हंगामात हे क्षेत्र अजून वाढून २ लाख २९ हजार ५०० हेक्‍टरवर जाईल, असा कृषी विभागाचा अंदाज आहे. सोयाबीनचे सरासरी क्षेत्र ५७,०१३ हेक्‍टर आहे. मागीलवर्षी सोयाबीनचा पेरा ६८ हजार हेक्‍टर झाला. यंदा हा पेरा वाढून ६९ हजार हेक्‍टरपर्यंत जाईल असा अंदाज आहे. 
 
नाशिकच्या नांदगाव, येवला, चांदवड, मालेगाव, सिन्नर या तालुक्‍यांत कापसाची लागवड होते. बोंड अळीच्या प्रादुर्भावमुळे या भागातील कापूस पिकाचे नुकसान झाले. कापसाचे अर्थकारणच कोलमडले. शेतकऱ्यांना कोट्यवधी रुपयांचा फटका बसला. येत्या हंगामात कृषी विभागाने बोंड अळीच्या नियंत्रणासाठी सुरवातीपासूनच मोहीम राबविण्यास सुरवात केली आहे. मात्र, कापूस उत्पादक अद्याप नुकसानीच्या धक्‍क्‍यातून सावरलेले नाही. याचा परिणाम कापसाच्या लागवडीवर होईल.
 
नाशिक भागात कापसाचे सरासरी क्षेत्र ४७,२१६ हेक्‍टर आहे. मागील वर्षी ४२,३१४ हेक्‍टरपर्यंत लागवड झाली होती. यंदा ती फारतर ४३ हजार हेक्‍टरपर्यंत लागवड होईल असा अंदाज आहे. कापसाच्या लागवडीत यंदा १० टक्‍क्‍यांनी घट होईल असा अंदाज आहे.

नाशिकचे जिल्हा अधीक्षक कृषी अधिकारी तुकाराम जगताप म्हणाले, की आम्ही खरिपातील यंदाचे सरासरी क्षेत्र ६ लाख ८९ हजार १०० हेक्‍टरपर्यंत जाईल, असे गृहीत धरून बियाणे व खतांची मागणी आयुक्तालयाकडे नोंदवली आहे. मागील वर्षी नोंदणीप्रमाणे बियाणे व खतांची पुरेशी उपलब्धता झाली होती. यंदाही त्यात अडचण येण्याची शक्‍यता नाही. बियाण्यांसाठी महाबीज सह इतरही कंपन्यांकडून वेळेवर, उच्च गुणवत्तेची व रास्त दरात उपलब्धता होईल याकडे लक्ष दिले जाणार आहे.

इतर ताज्या घडामोडी
औरंगाबादेत हिरवी मिरची ४००० ते ४५००...औरंगाबाद : येथील कृषी उत्पन्न बाजार समितीमध्ये...
पाणीटंचाईमुळे पुणे जिल्ह्यातील ३६...पुणे   : उन्हाच्या झळा वाढत असल्याने...
जनावरांच्या छावणीत बांधली गेली ‘...नगर : दुष्काळ पाचवीलाच पूजलेला, पिण्याचे पाणी...
शिरुर तालुक्यात रानडुकरांकडून उभ्या...रांजणगाव सांडस, जि. पुणे : शिरूर तालुक्‍...
पाथर्डी, पारनेरमध्ये सर्वाधिक टॅंकरने...नगर : जिल्ह्यात पाणीटंचाईचे गंभीर परिणाम...
राजकारणातील प्रस्थापितांची घराणेशाही...नगर  : मुस्लिम समाजाला भीती दाखविण्यासाठी...
सातारा जिल्ह्यात ३३६५ हेक्टरवर उन्हाळी...सातारा  ः जिल्ह्यातील पूर्व भागात तीव्र...
पाणीपुरवठ्यासाठी खानदेशात ५०७ विहिरी...जळगाव : पाणीटंचाई दूर करण्यासाठी खानदेशात सुमारे...
स्ट्रॉबेरी उत्पादनवाढीवर शेतकऱ्यांनी भर...भिलार, जि. सातारा  : स्ट्रॉबेरी महोत्सव हा...
लोकसभा निवडणुकीच्या दुसऱ्या टप्प्यात...मुंबई   ः राज्यात लोकसभा निवडणुकीच्या...
अब्दुल सत्तार यांची हकालपट्टी; तर...जालना ः  पक्षाविरोधात काम केल्यामुळे अब्दुल...
मराठवाड्याचा पाणी प्रश्‍न सोडविणार :...पैठण, जि. औरंगाबाद   : पश्चिम घाटातून...
मोदीजी, महाराष्ट्र तुम्हाला धडा...मुंबई : आमच्या महाराष्ट्राच्या मातीतील...
दुष्काळाच्या हद्दपारीसाठी परदेशातूनही...गोंदवले, जि. सातारा : दुष्काळ हद्दपार करण्यासाठी...
अकोला, वाशीम जिल्ह्यांत तूर, हरभरा...अकोला  : जिल्हा मार्केटिंग फेडरेशनच्या वतीने...
बांबू पिकाला आहे व्यावसायिक मूल्य...बांबू हा पर्यावरणरक्षक आहे. याचबरोबरीने बांबू...
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...