अकोल्यात पावसामुळे शेतीकामांनी घेतला वेग

अकोला : या हंगामात पावसाने सुरुवात चांगली केली. जूनच्या सुरवातीपासून अाठवडाभरात जिल्हाभरात सर्वत्र कमीअधिक प्रमाणात पाऊस झाला. या पावसामुळे प्री माॅन्सून लागवड केलेली कपाशी उगवत अाहे. काही ठिकाणी हे पीक ताशी लागले अाहे. खरीप हंगामाच्या सुरुवातीलाच पावसाचे अागमन हे चांगले संकेत मानले जात अाहेत.

अकोला जिल्ह्यात या अाठवडाभरात सातही तालुक्यांमध्ये पावसाने हजेरी लावली. प्रामुख्याने अकोला, पातूर, बार्शिटाकळी या तालुक्यात पावसाचा जोर अधिक होता. अकोट, तेल्हारा, मूर्तिजापूरमध्येही पाऊस दाखल झाला. पावसाचे वेळेवर अागमन झाल्याने शेतीच्या मशागतीला वेग अाला अाहे. प्रत्येक शेतात काडीकचरा वेचणे, शेणखत टाकणे, नांगरटी, वखरणी अादी कामे होताना दिसतात. सिंचनाची सोय असलेल्या शेतांमध्ये कुठे कपाशी तर कुठे हळद लागवडीचे काम सुरू अाहे. हंगाम लक्षात घेता मशागती वेगाने होत अाहे.

या कामांसाठी मजुरांची मागणी वाढली. काडी कचरा वेचणी करणाऱ्यांना वेळेनुसार मजुरी द्यावी लागते अाहे. कमीत पाच तास काम केल्यास १०० रुपये द्यावे लागत अाहेत. सकाळी सहा वाजेपासून ११ वाजेपर्यंत काडीकचरा वेचणारे शेतांमध्ये काम करीत असतात. डिझेलचे दर वधारल्याने ट्रॅक्टरच्या साह्याने होणारी वखरणी, नांगरणी प्रतिएकर १५० ते २०० रुपयांनी महाग झाली. बैलजोडीच्या साहाय्याने वखरणी केल्यास ५०० रुपये मजुरी अाहे. 

पावसाच्या अागमनामुळे बाजारपेठेत बियाणे, खतांच्या खरेदीसाठी थोडी गर्दी वाढली. अद्यापही अनेकांना पीककर्ज मिळाले नसल्याने गर्दी मात्र झाल्याचे दिसून येत नाही. अागामी अाठवड्यात बाजारातील गर्दी वाढून बियाणे, खतांच्या खरेदीची उलाढाल अधिक होईल, असे विक्रेत्यांचे म्हणणे अाहे. एक ते सात जून दरम्यान अकोला जिल्ह्यातील पाऊस (मिमी) ः अकोला-३२.७१, बार्शिटाकळी - ३१.८५,अकोट -२८.५४, तेल्हारा -२७.०४, बाळापूर-३०.४५, पातूर -३५.५६, मूर्तिजापूर-३४.७०.