agriculture news in marathi, kharip season planning meeting, buldhana, maharashtra | Agrowon

बीटी बियाणे पाकिटासोबत कामगंध सापळे देणे सक्तीचे करणार ः फुंडकर
टीम अॅग्रोवन
मंगळवार, 10 एप्रिल 2018

बुलडाणा : आगामी खरिपात बोंड अळीच्या नियंत्रणासाठी शेतकऱ्यांमध्ये जागृती करणे आवश्यक आहे. त्यासाठी शासनाने बियाणे कंपन्यांना बियाणे पाकिटांसोबत कामगंध (फेरोमोन) सापळे देणे सक्तीचे केले आहे, अशी माहिती कृषिमंत्री तथा जिल्ह्याचे पालकमंत्री पांडुरंग फुंडकर यांनी दिली.

बुलडाणा : आगामी खरिपात बोंड अळीच्या नियंत्रणासाठी शेतकऱ्यांमध्ये जागृती करणे आवश्यक आहे. त्यासाठी शासनाने बियाणे कंपन्यांना बियाणे पाकिटांसोबत कामगंध (फेरोमोन) सापळे देणे सक्तीचे केले आहे, अशी माहिती कृषिमंत्री तथा जिल्ह्याचे पालकमंत्री पांडुरंग फुंडकर यांनी दिली.

बुलडाणा जिल्ह्याची खरीप हंगाम पूर्व आढावा बैठक रविवारी (ता. ८) झाली. या वेळी ते बोलत होते. बैठकीला खासदार प्रतापराव जाधव, जिल्हा परिषद अध्यक्षा श्रीमती उमाताई तायडे, आमदार हर्षवर्धन सपकाळ, अॅड. आकाश फुंडकर, जिल्हाधिकारी प्रमोदसिंह दुबे, जिल्हा परिषदेचे अतिरिक्त मुख्य कार्यकारी अधिकारी बी. बी. नेमाणे, विभागीय सहसंचालक सुभाष नागरे उपस्थित होते.

बोंड अळी नियंत्रणाबाबत शेतकऱ्यांमध्ये जागृती व्हावी, याकरिता गावोगावी सभा घेण्यात येणार असल्याचे सांगत श्री. फुंडकर म्हणाले, की शेतकऱ्यांना कमी कालावधीत येणाऱ्या कापूस बियाण्यांची लागवड करण्यासाठी प्रोत्साहन देण्यात येणार आहे. हंगामपूर्व कापूस लागवड न करण्यासाठीसुद्धा शेतकऱ्यांमध्ये जागृती केली जाईल. त्याचप्रमाणे बोगस बियाणे, खत व कीटकनाशकांच्या संदर्भात कुठल्याही प्रकारची तक्रार आल्यास शेतकऱ्यांना त्वरित कार्यवाहीसाठी मदत करण्यात येईल.

येत्या खरिपात होणारी पेरणी लक्षात घेता कुठल्याही प्रकारची बियाणे, खते टंचाई निर्माण होणार नाही, याबाबत नियोजन करण्यात आले आहे. शेतकऱ्यांना खरिपातील पेरणीसाठी पेरणीपूर्वी पीककर्ज मिळायला पाहिजे. त्यासाठी बॅंकांनी योग्य ती सर्व व्यवस्था उभारावी. कुठलाही पात्र शेतकरी बँकांनी पीक कर्जाशिवाय परत पाठवू नये.

एकरकमी कर्जमाफी योजनेमध्ये पात्र असलेल्या शेतकऱ्यांना जास्तीत जास्त संख्येने सामावून घ्यावे. त्यांना या योजनेचा लाभ द्यावा. उन्नत शेती समृद्ध शेतकरी अभियानातंर्गत शेतकऱ्यांना यंत्र उपलब्ध करून देण्यात येत आहे. या अभियानाच्या माध्यमातून पूर्वसंमती घेऊन साहित्य घेतलेल्या शेतकऱ्यांच्या खात्यावर अनुदानाची रक्कम अदा करण्यात येत आहे. या योजनेचा शेतकऱ्यांनी लाभ घ्यावा, असे आवाहनही त्यांनी या वेळी केले.

जिल्हा अधीक्षक कृषी अधिकारी प्रमोद लहाळे यांनी प्रास्ताविकात जिल्ह्यात आगामी हंगामात सात लाख ३२ हजार हेक्टर क्षेत्रावर खरीप पीक लागवडीचे उद्दिष्ट असल्याची माहिती दिली. येत्या खरीप हंगामाकरिता जिल्ह्यात पेरणीसाठी प्रस्तावित केलेल्या क्षेत्रावर सर्व पिकांचे १ लाख ५५  हजार १३२ क्विंटल बियाणे पुरवठ्याचे नियोजन करण्यात आले आहे. तसेच कापूस पिकाच्या बीटी कापूस बीजी-२ वाणाच्या एकूण आठ लाख  ११ हजार ५०० पाकिटांची मागणी करण्यात आली आहे.

रासायनिक खतांचे मंजूर आवंटन जिल्ह्यासाठी १ लाख ३७ हजार ६६० मेट्रिक टन असून, आतापर्यंत जिल्ह्यात २० हजार ७९२ मेट्रिक टन साठा उपलब्ध आहे. या वेळी उपविभागीय कृषी अधिकारी संतोष डाबरे यांनी आभार मानले.

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...