पुणे : किसान कृषी प्रदर्शनास येत्या शुक्रवार (ता. १३) पासून सुरवात होत आहे. हे प्रदर्शन १७ डिसेंबरपर्यत सुरू राहणार असून, त्याचे उद्घाटन सकाळी नऊ वाजता प्रदर्शन स्थळी येणाऱ्या शेतकऱ्यांच्या पहिल्या गटाच्या हस्ते होणार आहे.
यंदा प्रदर्शनात संरक्षित शेती, पाणी नियोजन, कृषी निविष्ठा, यंत्रसामग्री, पशुधन, जैव, ऊर्जा, रोपवाटिका व शेती लघुउद्योग अशी विभागवार दालने उभी करण्यात आलेली आहे. प्रत्येक दालनात त्या विशिष्ट विभागातील स्टाॅल शेतकऱ्यांना पाहायला मिळतील. शेतीसाठी लागणारी यंत्रे व उपकरणे प्रदर्शन खुल्या जागेत केले आहे. पाण्याचे नियोजन व सिंचनासाठी लागणारे तंत्रज्ञान उपलब्ध करून देणाऱ्या शंभरहून अधिक कंपन्यांचा सहभाग आहे. या वर्षी प्रदर्शनात नव उद्योगजकांसाठी शेतीशी निगडित लागणाऱ्या संकल्पना मांडण्यासाठी कृषीतील दहा स्टार्टअपना त्यांची उत्पादने व सेवा प्रदर्शित करण्यासाठी संधी देण्यात आली आहे. आंतरराष्ट्रीय दालनात चीन, तैवान, इस्राईल, रशिया, आफ्रिकामधील कंपन्यांचा सहभाग आहे. भारतात विक्री प्रतिनिधी नेमणे हा या कंपन्यांचा मुख्य उद्देश आहे. हे दालन प्रदर्शनाचे पहिले चार दिवस खुले असणार आहे.
प्रदर्शनस्थळी 14 डिसेंबरला इस्राईल वाणिज्यदूतावास व किसानतर्फे इस्राईलमधील आठ उद्योजकांची भारतातील कृषी उद्योजकांशी भेट आयोजित केली असून, या इस्राईली कंपन्यांना भारतात प्रसारासाठी प्रतिनिधी व विक्रेते नेमण्यासाठी चर्चा करतील. प्रदर्शन प्रवेशासाठी नावनोंदणी शुल्क रुपये शंभर असून, अधिक माहितीसाठी संकेतस्थळावर संपर्क साधावा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.