कोल्हापूर जिल्ह्यात पावसाच्या जोरदार सरी

कोल्हापूर जिल्ह्यात पावसाच्या जोरदार सरी
कोल्हापूर जिल्ह्यात पावसाच्या जोरदार सरी

कोल्हापूर ः कोल्हापूर शहरासह परिसराला शुक्रवारी दुपारी जोरदार पावसाने झोडपून काढले. दुपारी अडीचच्या दरम्यान आलेल्या पावसाने शहरातील जनजीवन विस्कळीत झाले होते. ठिकठिकाणी पाणी साचल्याने वाहतूकीचा खोळंबा झाला. झाडे पडल्याने वाहनांचेही नुकसान झाले. जिल्ह्याच्या पश्‍चिम भागातही अनेक ठिकाणी हा पाऊस झाला.

जिल्ह्याच्या पश्‍चिम भागात गुरुवारी (ता. २०) दुपारी चारच्या सुमारास झोडपून काढले. गडहिंग्लज, आजरा, पन्हाळा, करवीर तालुक्‍यांत पावसाचा जोर अधिक होता. सुमारे एक तासाच्या कालावधीत विविध ठिकाणी पाऊस झाला. या पावसामुळे पाण्यासाठी तरसणाऱ्या खरीप पिकांना दिलासा मिळाला. पण काढणीच्या वेळी आलेल्या पावसाने आगाप पेरणी केलेल्या सोयाबीनच्या काढणीत व्यत्यय आला.  

पन्हाळा परिसरात झालेल्या परतीच्या पावसाने दिलासा मिळाला. पन्हाळा, आंबवडे, मिठारवाडी, कोतोली, पुनाळ, मजनाळ, बाजारभोगाव परिसराला सुमारे तासभर झोडपून काढले. त्यामुळे पिकांना संजीवनी मिळाली असून, शेतकरी सुखावला. कडक उन्हामुळे माळरानाची पिके माना टाकू लागली होती. ऊस शेतीला भेगा पडल्याने लोकांनी नदीवर विद्युतपंप बसवण्यास सुरवात केली होती. गेली दोन दिवस ढगाळ वातावरण होते. यामुळे ऊस, भात, जोंधळा, भुईमूग आदी पिकांना नवसंजीवनी मिळाल्याचे शेतकऱ्यांनी सांगितले.  तुळशी खोऱ्यातील सावर्डे दुमालासह शिरोली, सडोली, मांडरे, चाफोडी, गर्जन, आरळे, घानवडे परिसरात सुमारे पाऊण तास पाऊस झाला. बोरपाडळेसह शहापूर, मिठारवाडी, आंबवडे, मोहरे, माले, काखे, परिसराला पावसाने गुरुवारी चांगलेच झोडपून काढले. ढगांचा गडगडाट आणि सोसाट्याचा वारासह जोरदार पाऊस झाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com