agriculture news in Marathi, Kolhapur market in Close the jaggery deals | Agrowon

माथाडी कामगारांच्या आंदोलनामुळे गूळ सौदे बंद
टीम अॅग्रोवन
शुक्रवार, 22 फेब्रुवारी 2019

कोल्हापूर ः माथाडी कामगारांनी जादा वेळ काम करण्यास नकार दिल्याने शाहू मार्केट यार्डातील गूळ सौदे (गुरुवारी) पुन्हा बंद पडले. त्यामुळे शेतकऱ्यांनी तीव्र संताप व्यक्त केला. कारण काढून सौदे बंद पाडल्यास ते खपवून घेतले जाणार नाहीत, असा इशारा स्वाभिमानी शेतकरी संघटनेचे नेते भगवान काटे यांनी दिला. तसेच, शाहू मार्केट यार्डात गूळ आवक जावक २४ तास सुरू ठेवावी, अशा मागणीचे निवेदन शेतकऱ्यांनी शेती उत्पन्न बाजार समितीला दिले. 

कोल्हापूर ः माथाडी कामगारांनी जादा वेळ काम करण्यास नकार दिल्याने शाहू मार्केट यार्डातील गूळ सौदे (गुरुवारी) पुन्हा बंद पडले. त्यामुळे शेतकऱ्यांनी तीव्र संताप व्यक्त केला. कारण काढून सौदे बंद पाडल्यास ते खपवून घेतले जाणार नाहीत, असा इशारा स्वाभिमानी शेतकरी संघटनेचे नेते भगवान काटे यांनी दिला. तसेच, शाहू मार्केट यार्डात गूळ आवक जावक २४ तास सुरू ठेवावी, अशा मागणीचे निवेदन शेतकऱ्यांनी शेती उत्पन्न बाजार समितीला दिले. 

यंदाचा गूळ हंगाम अखेरच्या टप्प्यात आला आहे. त्यामुळे शाहू मार्केट यार्डातील गूळ बाजारपेठेत गुळाची आवक मोठ्या प्रमाण झाली आहे. सौदेही सुरळीत सुरू होते. मात्र, बुधवारी सहा व्यापाऱ्यांकडे माथाडी कामगारांनी ठराविक कालावधीतच काम करण्याचा दुपारनंतर काम करण्यास नकार दिला. त्यामुळे गूळ रवे पडून राहिले. तिथे सौदे घेता येणे मुश्‍कील झाले. यावरून अडते, व्यापारी, माथाडी कामगार यांच्यात वादाला सुरवात झाली. तेव्हा सर्व दुकानांतील माथाडी कामगार सौदे काढले नाहीत. परिणामी, आवक जैसे थे राहिली त्यामुळे शेतकऱ्यांनी आमच्या गुळाचे सौदे काढा, असा आग्रह धरला. 

यानंतर गुरुवारी दुसऱ्या दिवशी सकाळी गूळ सौदे सुरू झाले. मात्र, काही वेळांत पुन्हा वेळेवरून वाद सुरू झाला. माथाडी कामगारांनी काम बंद केले. सर्व माथाडी सौदे स्थळावरून माथाडी कामगार युनियनच्या कार्यालयाकडे गेले तेथेच ते थांबून राहिले. त्यामुळे शेतकरी संतप्त झाले. आमचे गूळ रवे सौद्याविना पडून आहेत. असे सांगत त्यांनी बाजार समितीत शेतकरी गेले. त्यांसोबत स्वाभिमानी शेतकरी संघटनेचे भगवान काटेही घटनास्थळी आले. सर्वांनी बाजार समितीचे सचिव मोहन सालपे यांची भेट घेऊन माथाडी कामगारांच्या कामाच्या वेळा निश्‍चित कराव्यात, तसेच आलेली गूळ रवे आवक उतरून घेणे व सौदे झाल्यानंतर गूळ उचलणे ही कामे माथाडी कामगारांकडून वेळेत करून घ्यावीत, यार्डात २४ तास गुळाची आवक जावक सुरू ठेवावी, अशा मागणीचे निवेदन दिले. 

या निवेदनावर बाजार समिती सभापती व संचालक मंडळासमोर चर्चा होऊन अंतिम निर्णय घेण्यात येईल. तसेच माथाडींनी अचानकपणे काम बंद आंदोलन करू नये, अशा सूचना श्री. सालपे यांनीही माथाडी कामगारांना केल्या. मात्र, त्यांनी कोणाचे काही ऐकूण न घेता काम बंद आंदोलन केले. त्यानंतर सकाळी साडेदहानंतर गुळाचे सौदे होऊ शकले नाहीत.

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...