agriculture news in Marathi, kolhapur pattern will be in satara district for sugarcane price, Maharashtra | Agrowon

साताऱ्यातही ऊस दराचा कोल्हापूर पॅटर्न
टीम अॅग्रोवन
मंगळवार, 7 नोव्हेंबर 2017

सातारा  : कोल्हापूर जिल्ह्याप्रमाणे सातारा जिल्ह्यात एफआरपी अधिक दोनशे रुपयांचा ऊसदराचा पॅटर्न सर्वानुमते मान्य करण्यात आला. त्यामुळे जिल्ह्यातील ऊसदराचा तिढा सोडविण्यात जिल्हाधिकारी श्‍वेता सिंघल यांची मध्यस्थी यशस्वी ठरली. 

सातारा  : कोल्हापूर जिल्ह्याप्रमाणे सातारा जिल्ह्यात एफआरपी अधिक दोनशे रुपयांचा ऊसदराचा पॅटर्न सर्वानुमते मान्य करण्यात आला. त्यामुळे जिल्ह्यातील ऊसदराचा तिढा सोडविण्यात जिल्हाधिकारी श्‍वेता सिंघल यांची मध्यस्थी यशस्वी ठरली. 

सातारा जिल्ह्यातील ऊसदराचा प्रश्‍न सोडविण्यासाठी सोमवारी (ता. ६) जिल्हाधिकारी कार्यालयात जिल्हाधिकारी श्‍वेता सिंघल, पोलिस अधीक्षक संदीप पाटील, निवासी उपजिल्हाधिकारी भारत वाघमारे यांच्यासह शेतकरी संघटनांचे प्रतिनिधी व साखर कारखान्यांचे प्रतिनिधींची महत्त्वपूर्ण बैठक झाली. बैठकीस फलटण शुगर, शरयु, स्वराज शुगर, ग्रीन पॉवर, रयत या पाच कारखान्यांच्या प्रतिनिधींनी दांडी मारली. 

बैठकीत सुरवातीला अजिंक्‍यतारा साखर कारखान्याचे कार्यकारी संचालक संजीव देसाई यांनी कोल्हापूरप्रमाणे आम्ही एफआरपी अधिक दोनशे रुपये देण्यास तयार आहोत असे सांगून ऊस दराची कोंडी फोडली. त्यानंतर सह्याद्री, खंडाळा, प्रतापगड, किसन वीर, श्रीराम, जरंडेश्‍वर, जयवंत शुगर, कृष्णा या कारखान्यांनी एक एक करत कोल्हापूर पॅटर्नला मान्यता दिली.

पण देसाई कारखान्याचे कार्यकारी संचालक यांनी संचालक मंडळाला विचारून दर निश्‍चित करतो, असे सांगितले. त्यावर शेतकरी संघटनांचे पदाधिकारी संतप्त झाले. तुम्ही दराबाबत भूमिका स्पष्ट करणार नसाल तर बैठकीला कशाला आलात. असा सवाल सर्वांनी केला. त्यामुळे कार्यकारी संचालकांनी बाहेर जाऊन थेट आमदार शंभूराज देसाईंशी संपर्क साधला. त्यांनी कोल्हापूर पॅटर्नला मान्यता दिली. त्यानंतर बैठकीत कार्यकारी संचालकांनी आम्हाला दर मान्य असल्याचे सांगितले. त्यांचेही सर्व पदाधिकाऱ्यांनी टाळ्यावाजवून स्वागत केले.

ऊस दराचा प्रश्‍न सुटल्यानंतर बैठकीस गैरहजर राहिलेल्या पाच कारखान्यांना एकवेळ संधी देऊ या. त्यातूनही त्यांनी दर जाहीर केला नाहीतर साखर आयुक्तांकडे तक्रार करण्याचा निर्णय जिल्हाधिकारी श्‍वेता सिंघल यांनी घेतला. यानंतर संघटनांच्या प्रतिनिधींनी विविध प्रश्‍न मांडले. बैठकीस स्वाभिमानी शेतकरी संघटनेचे सचिन नलवडे, अर्जून साळुंखे, बळीराजा शेतकरी संघटनेचे पंजाबराव पाटील, शंकर शिंदे, अनिल पवार, विकास पाटील, धनंजय महामुलकर, रयत क्रांती संघटनेचे संजय भगत, तसेच पदाधिकारी व कार्यकर्ते उपस्थित होते.

इतर ताज्या घडामोडी
प्रकल्पग्रस्त वयोवृद्ध शेतकऱ्याचा...मुंबई : धुळे जिल्ह्यातील धर्मा पाटील या...
हिरव्या मिरचीच्या दरात जळगावात सुधारणाजळगाव ः येथील कृषी उत्पन्न बाजार समितीमध्ये...
शेतकरी कन्या झाली उत्पादन शुल्क निरीक्षकयवतमाळ : इंजिनिअर होऊन प्रशासकीय सेवेत आपले...
चिकू बागेत आच्छादन, पाणी व्यवस्थापन...चिकूचे झाड जस जसे जुने होते त्याप्रमाणे त्याचा...
‘गिरणा’तून दुसरे आवर्तन सुरू पण... जळगाव  ः जिल्ह्यातील शेतीसाठी महत्त्वपूर्ण...
मातीच्या ऱ्हासासोबत घडले प्राचीन...महान मानल्या जाणाऱ्या अनेक प्राचीन संस्कृतींचा...
अर्थसंकल्पासाठी नागरिकांनी सूचना...मुंबई : शासनाच्या ध्येय-धोरणांचे प्रतिनिधीत्व...
माफसूला जागतिक स्तरावर लौकिक मिळवून...नागपूर : पदभरती, ॲक्रीडेशन यासारखी आव्हाने...
कर्जमाफीची रक्कम द्या; अन्याथ लेखी द्यापुणे : २००८ मधील कर्जमाफीची रक्कम नाबार्डने...
नुकसानभरपाईची मागणी तथ्यांवर आधारित...नागपूर : नॅशनल सीड असोसिएशनने बोंड अळीला...
बदल्यांअभावी राज्यात कृषी... नागपूर : राज्यात गेल्या दोन वर्षांपासून कृषी...
हवामान बदलाचा सांगलीतील द्राक्ष बागांना... सांगली  ः गेल्या दोन दिवसांपासून हवामानात...
साताऱ्यातील चौदाशेवर शेतकरी ठिबक...सातारा : जिल्ह्यातील २०१६-१७ मध्ये चौदाशेवर...
सोलापूर बाजारात कांद्याच्या दरात पुन्हा...सोलापूर : सोलापूर कृषी उत्पन्न बाजार समितीच्या...
रब्बी पेरणीत बुलडाण्याची आघाडी अकोला  ः अमरावती विभागात यंदाच्या रब्बी...
कोल्हापुरात हिरवी मिरची तेजीतकोल्हापूर : येथील बाजारसमितीत या सप्ताहात हिरवी...
सरकार कीटकनाशक कंपन्यांच्या दबावात यवतमाळ (प्रतिनिधी) : जिल्ह्यात कीटकनाशक फवारणीतून...
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
मृदा आरोग्य पत्रिकावाटपात पुणे आघाडीवरपुणे : शेतकऱ्यांना जमिनीत असलेल्या अन्नद्रव्याचे...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...