agriculture news in marathi, Konkan to have heavy rain today | Agrowon

कोकणात आज मुसळधार; मॉन्सूनची वाटचाल जैसे थे 
टीम अॅग्रोवन
बुधवार, 6 जून 2018

पुणे : राज्यात मॉन्सूनपूर्व पावसाने दणक्यात हजेरी लावली आहे. उद्यापासून (ता. ६) कोकणात काही ठिकाणी मुसळधार पावसाचा इशारा देण्यात आला आहे. तर मध्य महाराष्ट्र, मराठवाड्यात तुरळक ठिकाणी वादळी वाऱ्यासह जोरदार पाऊस पडण्याची शक्यता आहे. विदर्भात शुक्रवारपासून (ता.८) पावसाचा जोर वाढणार असल्याचे हवामान विभागाने स्पष्ट केले आहे. 

पुणे : राज्यात मॉन्सूनपूर्व पावसाने दणक्यात हजेरी लावली आहे. उद्यापासून (ता. ६) कोकणात काही ठिकाणी मुसळधार पावसाचा इशारा देण्यात आला आहे. तर मध्य महाराष्ट्र, मराठवाड्यात तुरळक ठिकाणी वादळी वाऱ्यासह जोरदार पाऊस पडण्याची शक्यता आहे. विदर्भात शुक्रवारपासून (ता.८) पावसाचा जोर वाढणार असल्याचे हवामान विभागाने स्पष्ट केले आहे. 

दक्षिण मध्य महाराष्ट्र, उत्तर केरळपर्यंत किनारपट्टीला समांतर असलेला कमी दाबाचा पट्टा, कर्नाटक आणि आंध्र प्रदेशादरम्यान १३ अंश उत्तर अक्षांशादरम्यान समुद्रसपाटीपासून ३.१ ते ७.६ किलोमीटर उंचीवर असलेले वाऱ्यांचे पूर्व-पश्‍चिम जोडक्षेत्र यामुळे किनारपट्टीलगत आणि दक्षिण भारतातील राज्यांमध्ये ढग गाेळा होत आहेत.  

बंगालच्या उपसागरातही ढगांची गर्दी झाली असून, उपसागराच्या उत्तर भागात शुक्रवारी (ता. ८) कमी दाबाचे क्षेत्र तयार होण्याचे संकेत आहेत. मॉन्सूनच्या आगमनास पोषक हवामान हाेत असल्याने उद्यापासून (ता.६) कोकणाच्या दक्षिण भागात पाऊस जोर धरणार आहे. तर मध्य महाराष्ट्र, मराठवाड्यातही तुरळक ठिकाणी जोरदार पावसाची शक्यता वर्तविण्यात अाली आहे. राज्यात पूर्वमाेसमी पाऊस पडत असून, अनेक ठिकाणी ३० मिलिमीटर पेक्षा अधिक पावसाने हजेरी लावली आहे.

मंगळवारी (ता. ५) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस (मिलिमीटरमध्ये) : 

  • कोकण : ठाणे - कुंभर्ली ४२, रायगड - उरण ४३, माणगाव ६०, वाकण ५२. रत्नागिरी - पावस ६०, कोटवडे ४९, देवली ५०, सिंधुदुर्ग - शिरगाव ४७, कुडाळ ५०, कडवल ४८, तालवट ४८. 
  • मध्य महाराष्ट्र : पुणे - वडगाव मावळ ३१, राजगुरूनगर ३५, वाडा ४०, पाईट ३०, कडूस ५०, सोलापूर - करमाळा ३१. कोल्हापूर - कोतोली ३४, शिरोली-दुमाला ३९, इस्पुर्ली ६६, कणेरी ३०. 
  • मराठवाडा : बीड - अंबाजोगाई ५१, लोखंडी ७२, परळी ४९, मोहखेड ५८, वाडवणी ५७, लातूर - निलंगा ५९, पानगाव ३०, देवणी ७६, वलांडी ४२, साकोळ ५८.३, उस्मानाबाद - इतकूर ३८.३, मोहा ३१. नांदेड - मांडवी ५४, जवळगाव ३२.५, परभणी - चारठाणा ४८, हिंगोली - आखाडा बाळापूर ३१. 
  • विदर्भ : यवतमाळ - येळबारा ३४, घाटंजी ४७, शिरोली ३६, पारवा ५१, नागपूर - कामठी ३१, भंडारा - विरली ७१, लाखंदूर ५८, बारव्हा ३९, पोहारा ५२, लाखनी ६८, चंद्रपूर - मूल ४३, बह्मपूरी ४७, चौगण ६१, गडचिरोली - धानोरा ५४.

मॉन्सूनची वाटचाल जैसे थे 
नैऋत्य मोसमी वाऱ्यांनी (मॉन्सून) सोमवारी (ता. ४) संपूर्ण तामिळनाडू, कर्नाटकचा आणखी काही भाग, तसेच आंध्र प्रदेशचा दक्षिण भागापर्यंत मजल मारली आहे. मंगळवारी मात्र मॉन्सूनने आणखी वाटचाल केली नाही. दक्षिण अंतर्गत कर्नाटकातील शिरळी, चित्रदुर्ग आणि अांध्र प्रदेशच्या दक्षिण भागातील आराेग्यवरम, श्रीहरीकोटापर्यंतची माॅन्सूनची सीमा कायम होती. गुरुवारपर्यंत (ता.७) सकाळपर्यंतच्या ४८ तासांमध्ये मॉन्सून तळ कोकणात धडक देण्याची शक्यता आहे. महाराष्ट्रासह देशाच्या इतर भागात माॅन्सून दाखल होण्यास पोषक हवमान असल्याचे हवामान विभागाने स्पष्ट केले आहे. 

इतर अॅग्रो विशेष
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...