agriculture news in marathi, Konkan seashore receives heavy rainfall | Agrowon

कोकण किनारपट्टीवर धुमशान...!!!
टीम अॅग्रोवन
रविवार, 10 जून 2018

पुणे : कोकणातील सिंधुदुर्ग, रत्नागिरी, मुंबई, ठाण्यात मॉन्सूनने दमदार आगमन केले आहे. शनिवारी (ता. ९) सकाळपर्यंतच्या चोवीस तासांत अनेक ठिकाणी धुंवाधार पावसामुळे अतिवृष्टीची नोंद झाली आहे. सिंधुदुर्गमधील मालवण येथे उच्चांकी ४९१ मिलिमीटर, वेंगुर्ला येथे २६६ मिलिमीटर तर ठाण्यातील भिवंडी येथे २१० मिलिमीटर पावसाची नोंद झाल्याचे हवामान विभागातर्फे सांगण्यात आले. तर उर्वरित राज्यातही तुरळक ठिकाणी जोरदार पाऊस पडला.

पुणे : कोकणातील सिंधुदुर्ग, रत्नागिरी, मुंबई, ठाण्यात मॉन्सूनने दमदार आगमन केले आहे. शनिवारी (ता. ९) सकाळपर्यंतच्या चोवीस तासांत अनेक ठिकाणी धुंवाधार पावसामुळे अतिवृष्टीची नोंद झाली आहे. सिंधुदुर्गमधील मालवण येथे उच्चांकी ४९१ मिलिमीटर, वेंगुर्ला येथे २६६ मिलिमीटर तर ठाण्यातील भिवंडी येथे २१० मिलिमीटर पावसाची नोंद झाल्याचे हवामान विभागातर्फे सांगण्यात आले. तर उर्वरित राज्यातही तुरळक ठिकाणी जोरदार पाऊस पडला.

कोकण किनारपट्टीवर शुक्रवारपासून पाऊस सुरू झाला असून, शनिवारी पहाटेपासून पावसाचा जोर वाढला होता. समुद्रही खवळला असून किनारपट्टीत दिवसभर पावसाच्या सरी बरसत होत्या. सह्याद्री पट्ट्यात पावसाचा जोर कमी असला तरी सकाळपासून पावसाची रिपरिप सुरू होती. नदीनाल्यांमधून पाणी वाहू लागले असून, गोड्या पाण्यातील चढणीचे मासे मारण्यासाठी खवय्यांची लगबग सुरू झाली आहे. मुंबईसह उत्तर कोकणात ठाणे, पालघर, रायगड जिल्ह्याच्या विविध भागांत रात्रभर मुसळधार पाऊस कोसळला.

मुसळधार सरी कोसळत असतानाचा मालवन, कणकवलीतील व्हिडिअो..

पुणे जिल्ह्यातील हवेली, पुरंदर, इंदापूर, आंबेगाव तालुक्यांत अनेक ठिकाणी जोरदार पाऊस पडला आहे. जोरदार पावसामुळे शेतांना तळ्याचे स्वरूप आले, तर सखल भागात पाणी साचण्याबरोबरच ओढे, नाले वाहू लागले. सातारा जिल्ह्यात सर्वच तालुक्‍यांत शुक्रवारी दमदार पावसाने हजेरी लावली आहे. कोरेगाव, माण, खटाव या दुष्काळी तालुक्‍यांतही अनेक भागामध्ये दमदार पाऊस झाल्याने जलसंधारण झालेल्या कामात पाणी साचले होते. सोलापूर जिल्ह्यात सलग चौथ्या दिवशी पावसाने हजेरी लावली. शेतशिवारात सगळीकडे पाणीच पाणी झाले आहे. सांगली जिल्ह्यात मात्र पावसाचा जोर कमी कमी झाला होता. नगर जिल्ह्यातील शिर्डी विमानतळ परिसरात वादळी वाऱ्यासह झालेल्या पावसाने विमानतळाचे नुकसान झाले. संगमनेर, कोपरगाव, श्रीरामपूर, नगर, कर्जत तालुक्‍यामध्ये चांगल्या पाऊस नोंद झाली. पावसाने नदी, नाले, ओढे व शेतात चांगले पाणी वाहू लागले. मराठवाड्यातील परभणी, हिंगोली व उस्मानाबाद, हिंगोली, नांदेड, बीड, उस्मानाबाद जिल्ह्यात दमदार पावसाने हजेरी लावली आहे.

शनिवारी (ता. ९) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस (मिलिमीटरमध्ये - स्राेत हवामान विभाग) :

  • कोकण : मालवण ४९१, वेंगुर्ला २६६, भिवंडी २१०, मुरूड १३४, पनवेल १३१.६, रत्नागिरी १०२.४, हर्णे १०४, गुहागर ११०, सावंतवाडी १३१, कुडाळ १७५, देवगड १९०, पवई ११९, नेरूळ १२६, खेड १०५, श्रीवर्धन, म्हसळा प्रत्येकी ९५, ठाणे ८४, अलिबाग ५०, कुलाबा ४०.
  • मध्य महाराष्ट्र : नगर ३०. पुणे, सातारा १०.
  • मराठवाडा : परभणी ३०, नांदेड १०.
  • विदर्भ : मंगरुळपीर ११०, कारंजा, वाशीम प्रत्येकी ९०, मालेगाव, नारखेडा प्रत्येकी ७०, आर्वी, दारव्हा, डिग्रज, मूर्तिजापूर, रिसोड प्रत्येकी ५०, अार्नी, बट्टकोली, चांदूर, धामणगाव, खारंगा, मनोरा, नांदगाव काझी, परतवाडा प्रत्येकी ३०, अकोला, बाभुळगाव, बाळापूर, चांदूरबाजार, चिखलदरा, दिनापूर, देवळी, कामठी, महागाव, मौदा सावनेर, तिवड प्रत्येकी २०.
  • घाटमाथा : लोणावळा ६०, भिरा ५०, वळवण, ताम्हिणी, धारावी प्रत्येकी ४०, डुंगरवाडी, कोयना पोफळी प्रत्येकी ३०, भिवापूर, खंद प्रत्येकी २०.
  • मुंबईला पाणीपुरवठा करणारे तलाव : विहार १५०, तुलसी ७०, तानसा, मध्य वैतरणा, अप्पर वैतरणा प्रत्येकी २०.

कोकणात जोरदार पावसाचा अंदाज
कोकणात पावसाने जोर धरला असून, मंगळवारपर्यंत (ता. १२) दक्षिण कोकणात जोरदार ते अति जोरदार, उत्तर कोकणात तुरळक ठिकाणी जोरदार पाऊस पडण्याचा अंदाज आहे. सोमवारपर्यंत (ता. ११) मध्य महाराष्ट्रात तुरळक ठिकाणी जोरदार पावसाची शक्यता आहे. तर विदर्भ, मराठवाड्यासह उर्वरित राज्यात तुरळक ठिकाणी हलक्या ते मध्यम पावसाची शक्यता असल्याचे हवामान विभागाने स्पष्ट केले आहे. 

इतर अॅग्रो विशेष
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
शेतीतूनच होते औद्योगिक विकासाची पायाभरणीची नमधील कम्युनिस्ट पक्षाच्या राज्यकर्त्यांनी...
कसा टळेल मानव-वन्यप्राणी संघर्ष? अलीकडे वन्यप्राण्यांकडून शेतपिकांचे होणारे नुकसान...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....
दीड हजार कोटींचा दुसरा हप्ता...मुंबई  ः गेल्या वर्षी खरीप हंगामात अपुऱ्या...
राज्यात गारठा पुन्हा वाढण्याची शक्यतापुणे : उत्तरेकडून थंड वाऱ्याचे प्रवाह येऊ...
पंतप्रधान मोदी आज करणार महिला बचत...यवतमाळ ः पंतप्रधान नरेंद्र मोदी शनिवारी (ता...
पदव्युत्तर कृषी अभ्यासक्रमात पुढील...नागपूर ः कृषी अभ्यासक्रमात आजची परिस्थिती आणि...
दुष्काळात पीकविम्याचा आधारमुंबई ः यंदाच्या भीषण दुष्काळाच्या पार्श्वभूमीवर...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
चीनमधील शेतीची विस्मयकारक प्रगतीविसाव्या शतकाच्या मध्यावर भारताला स्वातंत्र्य...
सेस, सेवाशुल्क आणि संभ्रमप्रक्रियायुक्त शेतमाल, फळे-भाजीपाला आणि शेवटी...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...