agriculture news in marathi, Lakhganga farmers decide's to sale free milk | Agrowon

ठरलं...दूध फुकट घालायचं ! लाखगंगा ग्रामसभेचा ठराव
टीम अॅग्रोवन
रविवार, 22 एप्रिल 2018

औरंगाबाद : न परवडणाऱ्या दरात सोसायटीला व विविध डेअरींना दूध घातल्यापेक्षा ते फुकटचं देण्याचा ठराव दूध उत्पादकांनी घेतला आहे. जिल्ह्यातील लाखगंगा (ता. वैजापूर) या दूध उत्पादकांच्या गावातील विशेष ग्रामसभेनं शनिवारी (ता. २१) हा ठराव घेतला. शासनाच्या धोरणाचा अहिंसात्मक मार्गाने निषेध नोंदविण्याची भूमिका येथील दूध उत्पादकांनी घेतली आहे. जोपर्यंत जाहीर केलेले दर मिळत नाहीत, तोपर्यंत दूध फूकट घालण्याचा हा ठराव वैजापूर तहसीलदारांना पाठविण्यात येणार आहे. याप्रसंगी अौरंगाबादसह नगर जिल्ह्यातील काही गावातील दूध उत्पादक उपस्थित होते.

औरंगाबाद : न परवडणाऱ्या दरात सोसायटीला व विविध डेअरींना दूध घातल्यापेक्षा ते फुकटचं देण्याचा ठराव दूध उत्पादकांनी घेतला आहे. जिल्ह्यातील लाखगंगा (ता. वैजापूर) या दूध उत्पादकांच्या गावातील विशेष ग्रामसभेनं शनिवारी (ता. २१) हा ठराव घेतला. शासनाच्या धोरणाचा अहिंसात्मक मार्गाने निषेध नोंदविण्याची भूमिका येथील दूध उत्पादकांनी घेतली आहे. जोपर्यंत जाहीर केलेले दर मिळत नाहीत, तोपर्यंत दूध फूकट घालण्याचा हा ठराव वैजापूर तहसीलदारांना पाठविण्यात येणार आहे. याप्रसंगी अौरंगाबादसह नगर जिल्ह्यातील काही गावातील दूध उत्पादक उपस्थित होते.

शेतकऱ्यांच्या संपादरम्यान शासनाने मान्य केलेल्या मागण्यांमध्ये दुधाला सत्तावीस रुपये प्रतिलिटरचा दर देण्याचं जाहीर केलं होतं. परंतु जाहीर केलेला दर उत्पादकाला मिळाला नाही. काही दिवस काही भागांत पंचवीस रुपये प्रतिलिटरपर्यंत गेलेला दूध दर दहा ते बारा रुपयांनी खाली घसरला. त्यामुळे उत्पादनाचे गणित कोलमडलेले दूध उत्पादक अडचणीत आले. लाखगंगा या जवळपास दीड ते दोन हजार लोकसंख्या असलेल्या गावात ८० टक्‍के लोक दुग्धोत्पादनाचा व्यवसाय करतात.

घसरलेल्या दुधाच्या दरामुळे हे सर्व दूध उत्पादक अडचणीत आले होते. यावर काय निर्णय घ्यावा म्हणून चिंतन करीत असलेल्या ग्रामस्थांनी शनिवारी दुधाच्या घसरलेल्या दराविषयी चिंतन करून निर्णय घेण्यासाठी ग्रामसभा बोलावली. या ग्रामसभेला लाखगंगा येथील दूध उत्पादकांसह पंचक्रोशीतील वैजापूर, नगर जिल्ह्यातील राहता तालुक्‍यातील वीस ते पंचवीस गावांतील दूध उत्पादक, काही गावचे सरपंच, जिल्हा परिषद सदस्य, सोसायट्यांचे चेअरमन यांची उपस्थिती होती. 

शेतकरी नेते डॉ. अजित नवले, धनंजय धोर्डे यांनीही या ग्रामसभेला विशेष उपस्थिती लावली.  संपूर्ण चर्चेअंती येत्या ३ मेपासून सर्व दूध उत्पादक सोसायट्या व डेअऱ्यांना फुकट दूध घालतील, असा ठराव घेण्यात आला. या ठरावाचे सूचक राजेंद्र तुरकने, तर अनुमोदक विलास मोरे होते.
....
असे झाले ठराव...

  • पंचक्रोशीतील ग्रामसभांमधून ठरावासाठी करणार जागर
  • प्रसंगी विविध तहसील कार्यालयावर वाटणार मोफत दूध
  • शासनाने जाहीर केलेला २७ रुपये प्रतिलिटरचा दर देण्याची मागणी

प्रतिक्रिया...
 तीन मेपासून फुकट दूध घालण्याचा निर्णय घेतला आहे. तो तहसील कार्यालयाकडे पाठवू;  शिवाय विविध तहसील कार्यालयांवर मोफत दूधवाटपाचा कार्यक्रमही ठेवू.
- दिगंबर तुरकने, 
सरपंच, लाखगंगा, ता. वैजापूर, जि. औरंगाबाद. 
....
लाखगंगा येथील विशेष ग्रामसभेनं घेतलेला ठराव प्रत्येक दूध उत्पादक गावातील ग्रामसभांनी घ्यावी, यासाठी जागर केला जाईल. यामधून शासनाला आश्वासीत दूधदराबाबत जागे करण्याचा प्रयत्न केला जाईल.
- धनंजय धोर्डे, 
शेतकरी नेते, वैजापूर, जि. औरंगाबाद. 
....
जाहीर केलेल्या दराच्या तुलनेत दहा रुपयांचा दरोडा उत्पादकांच्या दुधावर टाकला जातोय. लाखगंगेची ग्रामसभा म्हणजे शासनाच्या धोरणावर दूध उत्पादकांनी व्यक्‍त केलेला संताप आहे. नगर जिल्ह्यात याविषयी जागर व ठिकठिकाणी मोफत दूध वाटपाचे कार्यक्रम घेतले जातील. पैसे नको म्हणून प्रतिज्ञापत्रही लिहून दिले जातील. किमान शासनानं आता तरी जागं व्हावं. 
- डॉ. अजित नवले
राज्य सरचिटणीस किसान सभा महाराष्ट्र
..........
दूध दराचा मुद्‌दा औरंगाबाद जिल्हा परिषदेच्या स्टॅंडींग कमिटीच्या मिटिंगमध्ये मांडणार. लाखगंगा येथील ग्रामसभेप्रमाणेच दूध उत्पादकांच्या हिताचा ठराव जिल्हा परिषदेनेही घेण्यासाठी आपण आग्रही राहू. 
- पंकज ठोंबरे,
जिल्हा परिषद सदस्य, औरंगाबाद. 

इतर अॅग्रो विशेष
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...
विना `सहकार` नाही उद्धारग्रामीण आणि शहरी भागांचा संतुलित विकास साधत...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
दुष्काळात २५ एकरांत शेवगा, रंगबिरंगी...मुंबई येथील ‘कोचिंग क्लास’चा व्यवसाय असलेले तपन...
प्रतिकूलतेतून प्रगती घडवत आले पिकात...वांगी (जि. सांगली) येथील एडके कुटुंबाने अत्यंत...
दूध का दूध... देशातील दूध न दुग्धजन्य पदार्थांमध्ये ६८ टक्के...
पीककर्ज वितरणातील दोष व्हावे दूर पूर्वी जेमतेम तग धरून चालणाऱ्या शेती व्यवसायाने...
पाऊस बरा, मात्र दीर्घ खंड अन् कीडरोगाने...जिल्ह्यात सरासरीच्या जवळपास पाऊस पडला खरा; मात्र...
अन्न प्रक्रिया प्रकल्पांसाठी...औरंगाबाद : शेती उत्पादनात आघाडीवर असलेल्या आपल्या...
मराठवाडा, मध्य महाराष्ट्रात थंडी वाढलीपुणे ः गेल्या दोन ते तीन दिवसांपासून थंडीने...
साखर कारखान्यांनी सह-उत्पादनांवर सक्षम...मुंबई  ः देशांतर्गत साखर उद्योग संकटात आहे....
राज्यात ९१ कारखान्यांची धुराडी पेटली;...पुणे : राज्यात चालू गाळप हंगामात आतापर्यंत ९१...