agriculture news in marathi, Lakhganga milk producers agitating on milk issue | Agrowon

लाखगंगात दूध संकलन घटले
वृत्तसेवा
शनिवार, 5 मे 2018

औरंगाबाद : दूध उत्पादकांनी मोफत दूधवाटप केल्याने लाखगंगा येथील दूध संकलन जवळपास निम्म्यावर आले आहे. शिवाय दूध घातले तरी हमीदर मिळत नाही, तोवर स्लिप न घेण्याची भूमिका दूध घालणाऱ्या दूध उत्पादकांनी  घेतल्याची माहिती दूध उत्पादकांनी दिली. 

औरंगाबाद : दूध उत्पादकांनी मोफत दूधवाटप केल्याने लाखगंगा येथील दूध संकलन जवळपास निम्म्यावर आले आहे. शिवाय दूध घातले तरी हमीदर मिळत नाही, तोवर स्लिप न घेण्याची भूमिका दूध घालणाऱ्या दूध उत्पादकांनी  घेतल्याची माहिती दूध उत्पादकांनी दिली. 

लाखगंगा येथे जवळपास चार ते साडेचार हजार लिटर दूध संकलन केले जाते. गुरुवारी (ता. ३) लुटता कशाला... फुकटच न्या,   म्हणत आंदोलनाचा शंखनाद केल्यानंतर दुसऱ्या दिवशी शुक्रवारीही (ता. ४) लाखगंगा येथे फुकट दूधवाटपाचा कार्यक्रम ठेवण्यात आला. सकाळपासूनच ग्रामदैवत मारोतीच्या मंदिरासमोर ठरल्याप्रमाणे भजनाला सुरवात करण्यात आली. त्यानंतर गावातील दूध उत्पादकांनी मंदिरासमोर दूध घोटून त्याचे मोफत वाटप केले.  

लाखगंगा येथे दरदिवशी साडेचार हजार लिटर दूध संकलन केले जाते. शुक्रवारी (ता. ४) केवळ २८०० लिटर दुधाचे संकलन झाले. जवळपास १७०० लिटरने एकट्या लाखगंगा गावातील दूध संकलन घटले.  

पंचक्रोशीतील लाडगाव, बापतारा, बाभूळगाव, लाखगंगा, पुरणगाव, वीरगाव आदी गावांमध्येही दूध उत्पादकांनी मोफत दूधवाटपाचा कार्यक्रम राबविल्याने त्या गावांमधीलही दूध संकलन मोठ्या प्रमाणात घटले. शिवाय तेथील दूध उत्पादकांनीही आपल्या दुधाच्या स्लिप घेतल्या नसल्याची माहिती सूत्रांनी दिली. जोवर दूध उत्पादकांना शासनाने ठरवून दिलेला २७ रुपये प्रतिलिटरचा हमीदर दिला जात नाही. तोवर आंदोलन तसेच ९ मेपर्यंत दररोज मोफत दूधवाटपाचा कार्यक्रम सुरूच राहणार असल्याची भूमिका दूध उत्पादकांनी घेतली आहे. शनिवारी (ता. ५) लाखगंगा, लाडगाव, सावखेड गंगा आदी गावांतील दूध उत्पादकांसह वैजापूरच्या तहसील कार्यालयावर जाऊन मोफत दूधवाटप करण्याची तयारी चालविली असल्याची माहिती लाखगंगाचे सरपंच दिगंबर तुरकने यांनी दिली. डोणगाव येथील दूध उत्पादकांनीही शुक्रवारी घातलेल्या दुधाच्या स्लिप घेतल्या नसल्याची माहिती सूत्रांनी दिली. 

दूध उत्पादक फुकट वाटतोय म्हणजे त्याच्याकडे दूध शिल्लक आहे असे नाही. यामागील दूध उत्पादक शेतकऱ्यांची भावना सरकारने समजून घ्यावी. अंत न पाहता दूध उत्पादकाला न्याय देण्याची भूमिका घ्यावी.
- धनंजय धोर्डे,
दूध उत्पादक तथा शेतकरी नेते. 

.....
आठ दिवसांपूर्वी ५० हजाराला एक गाय बाजारातून आणली होती. एकीच्या दोन गायी झाल्यानं दहा-वीस लिटर दूध निघंल व कुटुंबाचा रहाटगाडा भागल असं वाटलं. विकत आणलेल्या गायीचा मृत्यू झाल्यानं साऱ्या अपेक्षांवर स्वप्नांवर पाणी फेरलं. गायही गेली अन्‌ पैसेही गेल्यानं आर्थिक संकट आलं. 
- नंदू तुरकने,
दूध उत्पादक, लाखगंगा, ता. वैजापूर, जि. औरंगाबाद. 

.....

इतर अॅग्रो विशेष
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...