राज्यात यावर्षी कमी कालावधीचेच कापूस वाण

राज्यात यावर्षी कमी कालावधीचेच कापूस वाण
राज्यात यावर्षी कमी कालावधीचेच कापूस वाण

नागपूर : राज्यात गेल्यावर्षी कापसावर गुलाबी बोंड अळीचा प्रादुर्भाव झाल्याच्या परिणामी येत्या हंगामात कमी कालावधीत परिपक्‍व होणाऱ्या कापूस वाणांच्या लागवडीला प्रोत्साहन देण्याचा निर्णय कृषी विभागाने घेतला आहे. त्याकरिता सविस्तर आराखडा तयार करण्यात आला असून त्याची नियोजनबद्ध अंमलबजावणीदेखील केली जाणार असल्याचे सूत्रांकडून सांगण्यात आले. राज्यात कपाशी लागवडीखाली सुमारे ४० ते ४२ लाख हेक्‍टर क्षेत्र आहे. गेल्यावर्षीच्या खरिपात यातील बहूतांश क्षेत्रावर गुलाबी बोंड अळीचा प्रादुर्भाव झाला. तिच्या नियंत्रणाच्या प्रयत्नात यवतमाळ जिल्ह्यात २३ शेतकरी, शेतमजुरांचे जीव गेले. तर राज्यात फवारणी दरम्यान विषबाधा होऊन मरण पावलेल्यांची संख्या ५१ वर पोचली. या संदर्भाने करण्यात आलेल्या चौकशीत शेतकऱ्यांद्वारे घेतली जाणारी फरदड (खोडवा) त्यासोबतच परिपक्‍व होण्यास अधिक कालावधी घेणारे वाण, यामाध्यमातून बोंड अळीचा जीवनक्रम पूर्ण होण्याच्या कालावधीत तीला पूरक खाद्याची उपलब्धता  झाली.   परिणामी येत्या हंगामात परिपक्‍व होण्यास अधिक कालावधी घेणाऱ्या वाणांना परवानगी न देणे किंवा कमी कालावधीत येणाऱ्या वाणांना प्रोत्साहन देण्याचा निर्णय कृषी विभागाने घेतला आहे. महाबीज तसेच खासगी कंपन्यांना आवाहन करीत त्यांच्याकडून कमी कालावधीत परिपक्‍व होणाऱ्या कापूस वाणांची यादी मागविण्यात आली. याच वाणांना येत्या खरिपात हंगामात कृषी सेवा केंद्रापर्यंत पोचविले जाणार आहे. यामाध्यमातून बोंड अळीचा जीवनक्रम ‘ब्रेक’ केला जाईल. 

बियाणे पाकिटावर नोंदणी आवश्यक  अवर मुख्य सचिव विजयकुमार यांनी दिलेल्या माहितीनुसार, मोन्सॅटोचे बीजी-२ तंत्रज्ञान कुचकामी ठरत असल्याचे बियाणे कंपन्या सांगतात. त्याकरिता तंत्रज्ञान शुल्क रद्द करण्याची मागणी त्यांच्याद्वारे केली जात आहे. परंतु, याचवेळी कंपन्या मात्र बिटी बियाणे पाकिटाचे दर कमी करण्यास तयार नाहीत. त्यामुळे यावर्षीच्या हंगामात बियाणे पुरवताना पाकिटावर बों डअळीला हे बियाणे प्रतिकारक नाही; तसेच परिपक्‍व होण्यास १८० दिवसांपेक्षा अधिकचा कालावधी लागणार नाही असे नोंदविण्याचे आदेश कंपन्यांना देण्यात आले आहेत. साहजिकच शेतकरी आपल्यास्तरावर उपाययोजना करण्यास सज्ज असतील.  कंपन्यांकडे कमी कालावधीत परिपक्‍व होणाऱ्या वाणांची यादी मागविण्यात आली होती. त्यांच्याकडून ती प्राप्त झाली आहे. यादीतील वाण परिपक्‍व होण्यास १८० दिवसांपेक्षा अधिकचा कालावधी लागणार नाही, असे कंपन्यांनी सांगीतले. याच वाणांना प्रोत्साहन दिले जाईल. कृषी विभागामार्फत तसे आवाहनदेखील केले जाणार आहे. - विजय कुमार, अवर मुख्य सचिव (कृषी)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com