ई-नामला ग्रामसभांतून शेतकऱ्यांचा संमिश्र प्रतिसाद

पुणे : आॅनलाइन नॅशनल ॲग्रिकल्चर मार्केट (ई-नाम)ची राज्यात प्रभावी अंमलबजावणी करण्यासाठी निवड झालेल्या ६० बाजार समित्यांच्या कार्यक्षेत्रात प्रजासत्ताक दिनानिमित्त ग्रामसभांचे आयाेजन करण्यात आले हाेते. या ग्रामसभांमधून शेतकऱ्यांच्या नाेंदणीला संमिश्र प्रतिसाद मिळाला. ६५० ग्रामसभांमधून २८ हजार ८७८ शेतकऱ्यांची माहिती संकलित करण्यात आली, तर ५ हजार ८३७ शेतकऱ्यांची ई-नामच्या पाेर्टलवर नाेंदणी करण्यात आली आहे.  ई-नामच्या प्रभावी अंमलबजावणीकरिता पणन संचालक डॉ. आनंद जाेगदंड यांनी सहभागी सर्व बाजार समित्यांना आपल्या कार्यक्षेत्रातील गावांमध्ये ग्रामसभा घेऊन माहिती देण्याचे आदेश दिले हाेते. त्यानुसार ८ विभागांमध्ये ७५८ गावांची निवड करण्यात आली हाेती. यापैकी ६५० गावांमध्ये ग्रामसभा घेण्यात आल्या. या ग्रामसभांमध्ये ४६ हजार ३९८ शेतकऱ्यांनी सहभाग घेतला, तर २८ हजार ८७८ शेतकऱ्यांची माहिती संकलित करण्यात आली. यापैकी ५ हजार ८३७ शेतकऱ्यांची माहिती ई-नामच्या पाेर्टलवर नाेंदणी करण्यात आली आहे.  ग्रामसभांद्वारे शेतकऱ्यांना एकत्रित आणून माहिती देण्याचा हा उपक्रम नियमितपणे सुरू राहणार असल्याचे पणन मंडळाचे कार्यकारी संचालक सुनील पवार यांनी सांगितले.  ई-नामच्या दाेन टप्प्यांमध्ये ६० बाजार समित्यांची निवड करण्यात आली असून, पहिल्या टप्प्यातील बहुतांश बाजार समित्यांमध्ये आॅनलाइन लिलाव सुरू झाले आहेत. तर दुसऱ्या टप्प्यातील ३० बाजार समित्यांसाठी ७ काेटी २० लाखांचा निधी प्राप्त झाला असून, लवकरच संबंधित बाजार समित्यांना वर्ग करण्यात येईल. असेही पवार यांनी सांगितले.