तूर खरेदी नोंदणीला अल्प प्रतिसाद

संग्रहित छायाचित्र
संग्रहित छायाचित्र

जळगाव : जिल्ह्यात शासकीय तूर खरेदी केंद्र सुरू करण्याची तयारी मार्केटिंग फेडरेशनने करून ठेवली असून, खरेदीसंबंधी ऑनलाइन नोंदणीही सुरू झाली आहे. ही नोंदणी काही ठिकाणी तांत्रिक अडचणींमुळे होत नसल्याचे चित्र आहे. यातच नोंदणीला अल्प प्रतिसाद लाभला असून, सुमारे ८०० शेतकऱ्यांनी नोंदणी करून घेतल्याची माहिती आहे. नोंदणीसंबंधी जामनेर, मुक्ताईनगर, जळगाव येथे बऱ्यापैकी कार्यवाही सुरू आहे.

जिल्ह्यात मागील हंगामात आठ तूर खरेदी केंद्रे सुरू केली होती. यंदा १० खरेदी केंद्रं सुरू केली जाणार आहेत. त्यात जळगाव, पाचोरा, चाळीसगाव, अमळनेर, मुक्ताईनगर, बोदवड, जामनेर, रावेर, एरंडोल, भुसावळ या केंद्रांचा समावेश असणार आहे. नियोजित केंद्रांच्या ठिकाणी तूर खरेदीसाठी सब एजंट म्हणून शेतकी संघांची नियुक्ती केली आहे. या शेतकी संघांनी खरेदीसंबंधी तयारी दाखविल्यानंतर नोंदणीचे आदेश दिले.

नोंदणी ऑनलाइन करायची असून, त्यासाठी तूर पीक पेरा नोंदीचा सातबारा, आधार क्रमांक, बॅंक पासबूक क्रमांक याची गरज आहे. बाजार समित्यांसह शेतकी संघात नोंदणी करता येईल. तसेच नोंदणीसाठी मार्केटिंग फेडरेशनने एक ॲप जारी केले असून, मात्र त्यात नोंदणीसंबंधी अडचणी येत आहेत. ॲपवर नोंदणी होत नाही. ते लागलीच बंद पडते.

तसेच शेतकी संघातील कर्मचारी त्याची हाताळणी करू शकत नाहीत. तसेच नोंदणीसाठीचे पोर्टलही सर्व्हर डाउनसह इंटरनेटच्या अडचणींमुळे व्यवस्थित काम करीत नाही. शिवाय काही शेतकी संघांमध्ये नेट जोडणीच्याही अडचणी असल्याचे समोर आले आहे. मध्यंतरी याच अडचणी होत्या, त्या सोडविण्याची जबाबदारी शेतकी संघावरच सोपविली आहे. सर्व्हरसंबंधीच्या अडचणी वरिष्ठ कार्यालयास कळविल्या जात आहेत.

तूर खरेदी केंद्र सुरू करण्याबाबत अजून शासनाच्या सूचना नाहीत. परंतु १५ जानेवारीनंतर खरेदी केंद्रे सुरू होऊ शकतात. शासकीय तूर खरेदी दर पाच हजार ५० रुपये प्रतिक्विंटल असणार आहे, अशी माहिती मार्केटिंग फेडरेशनचे पणन अधिकारी परिमल साळुंखे यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com