agriculture news in marathi, license suspended of vaidyanath sugar factory, beed, maharashtra | Agrowon

‘वैद्यनाथ साखर’चा परवाना दहा दिवसांसाठी निलंबित
दत्ता देशमुख
शनिवार, 24 मार्च 2018
अन्न प्रशासनाने सुचविलेल्या सूचनांनुसार आम्ही पूर्तता करत आहोत. कारखान्याने यंदा चार लाख ६० हजार मेट्रिक टनांचे गाळप करून चार लाख २१ हजार पोती साखर उत्पादित केली आहे.
- विठ्ठल दगडे, प्रभारी कार्यकारी संचालक, वैद्यनाथ सहकारी साखर कारखाना, पांगरी, परळी.
बीड : अन्न व औषधी प्रशासनाने केलेल्या तपासणीत आढळलेल्या त्रुटी ८८ दिवसांनंतरही पूर्ण न केल्याने पांगरी (ता. परळी) येथील वैद्यनाथ सहकारी साखर कारखान्याचा परवाना दहा दिवसांसाठी निलंबित करण्यात आला. निलंबन काळात गाळपासह कारखान्याला कुठलाही खरेदी-विक्रीचा व्यवहार करता येणार नाही. 
 
ग्रामविकासमंत्री पंकजा मुंडे अध्यक्ष असलेल्या वैद्यनाथ सहकारी साखर कारखान्यात अाठ डिसेंबरला रसाच्या टाकीचा स्फोट होऊन उकळता रस अंगावर पडल्याने झालेल्या अपघातात सात कामगारांचा मृत्यू झाला होता. कारखान्यातर्फे या मयत कर्मचाऱ्यांना मोठी आर्थिक मदतही देण्यात आली.
 
या घटनेनंतर अन्न औषधी प्रशासनाच्या मुंबई येथील गुप्त वार्ता विभागाच्या पथकाने १६ डिसेंबरला कारखान्याला भेट दिली. अन्न सुरक्षा अधिकारी श्रीमती एस. टी. जाधवर यांच्यासह दक्षता व गुप्त वार्ता विभागाचे मि. ट. महांजद्रे, अ. व कांडेलकर, अ. द. खडके यांच्या पथकाने अानुषंगिक १५ मुद्द्यांची तपासणी केली. यामध्ये आढळलेल्या त्रुटी पूर्तता करण्याचे या पथकाने कारखाना प्रशासनाला सांगितले. त्यानंतर पुन्हा अन्न प्रशासनाच्या पथकाने त्रुटींची पूर्तता करण्याबाबत २३ जानेवारीला सुधारणा नोटीस बजावली. त्यावर १६ फेब्रुवारीला कारखान्याने ३० दिवसांचा वेळ मागितला. 
 
दरम्यान, त्यानंतर त्रुटींची पूर्तता केली की नाही याची अन्न प्रशासनाच्या पथकाने १५ मार्चला (८८ दिवसांनी) पुन्हा फेरतपासणी केली असता १५ पैकी सहा मुद्द्यांची कारखाना प्रशासनाने पूर्तता केली नसल्याचे निष्पन्न झाले. त्यामुळे कारखान्याचा परवाना निलंबित करण्याचे आदेश बीड येथील सहायक आयुक्त (अन्न) अभिमन्यू केरुरे यांनी १९ मार्चला पारित केले आहेत. ११ ते २० एप्रिल या दहा दिवसांच्या कालावधीसाठी कारखान्याचा परवाना निलंबित असेल. या विरोधात कारखान्याला मुंबई येथील अन्न सुरक्षा आयुक्तांकडे दाद मागता येणार आहे.

पूर्तता न झालेल्या प्रमुख त्रुटी

  • कारखान्याच्या विविध दहा खरेदीदारांना साखर विकली जाते. त्यांचा अन्न सुरक्षा मानद परवाना आढळला नाही.  
  • एकूण ७ टँकपैकी २ टँकचे इन्शुलेशनचे काम सुरूच होते.
  • बंद असलेली यंत्रे आणि सामान तसेच अडगळीत पडलेले होते. 
  • अास्थापनेतील कामगार संरक्षक गणवेश व बूट वापरत नव्हते.
  • चांगले उत्पादन/स्वच्छता पद्धतीच्या अानुषंगाचे कागदपत्रांची पूर्तता नाही.
  • रंग देण्याचे काम अर्धवट.

इतर ताज्या घडामोडी
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...
बुलडाणा येथे २ आॅक्टोबरला सोयाबीन-कापूस...बुलडाणा   : पश्चिम महाराष्ट्रातील ऊस उत्पादक...
उसाच्या दुसऱ्या हप्त्यासाठी ‘आंदोलन...कोल्हापूर : उसाचा दुसरा हप्ता मिळावा व १५ टक्के...
कोल्हापूर येथे १० ऑक्‍टोबरला ऊस परिषद...कोल्हापूर  : सरकारने एफआरपीचे तुकडे करून...
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...