खानदेशात ठिकठिकाणी हलका पाऊस

खानदेशात ठिकठिकाणी हलका पाऊस
खानदेशात ठिकठिकाणी हलका पाऊस

जळगाव : खानदेशात गुरुवारी (ता. २०) सकाळी आठपर्यंत २५ तालुक्‍यांमधील फक्त आठ तालुक्‍यांमध्ये किरकोळ स्वरूपाचा पाऊस झाल्याची माहिती आहे. यात कुठेही १० मिलीमीटरपेक्षा अधिक पाऊस झालेला नाही. जळगाव, एरंडोल, धरणगाव भागात हलका पाऊस झाला.

धुळे जिल्ह्यातील शिंदखेडा व शिरपूर भागात किरकोळ पाऊस झाला. धुळे, साक्रीत मात्र कोरडा दिवस गेला. शिंदखेडा भागात दोंडाईचा येथे सहा मिलीमीटर पाऊस झाला. नंदुरबार जिल्ह्यात नंदुरबार, नवापूर भागात कोरडे वातावरण होते. तळोदा, अक्कलवुडा, धडगाव व शहादा भागात सातपुडा पर्वतालगतच्या काही गावांमध्ये बऱ्यापैकी पाऊस झाला. शहादा व लगतच्या भागात कोरडे वातावरण होते. परंतु, सातपुडा पर्वताकडे किरकोळ स्वरूपाचा पाऊस झाला. शहादा तालुक्‍यातील म्हसावद महसूल मंडळात चार मिलीमीटर पाऊस झाल्याची माहिती मिळाली. तळोदा येथे सात, तर धडगाव भागातही आठ मिलीमीटरपर्यंत पाऊस झाला.

जळगाव जिल्ह्यात एरंडोल, धरणगाव भागात पाच मिलीमीटरपर्यंत पाऊस झाला. जळगाव तालुक्‍यात काही भागात मध्यम स्वरूपाचा पाऊस झाला. सात मिलिमीटर पावसाची नोंद झाल्याचे सांगण्यात आले. गुरुवारी सकाळी ऊन सावल्यांचा खेळ सुरू होता.

शेतकऱ्यांना जोरदार पावसाची प्रतीक्षा कायम आहे. रब्बी हंगामाबाबत शेतकरी हवालदील झाले असून, याचा मोठा परिणाम सध्या जाणवू लागला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com