पुणे : सोमवार (ता. ९) पर्यंत हवामानात मोठे बदल घडण्याची शक्यता आहे. परिणामी, राज्यातील अनेक भागांत वीज पडण्याच्या घटनांसह वादळी वारे आणि जोरदार पावसाचा अंदाज आहे. यामुळे शेतकऱ्यांनी येत्या दोन ते तीन दिवसांत शेतीमालाची काढणी टाळावी, काढलेला शेतीमाल सुरक्षित ठिकाणी ठेवावा, जनावरांची काळजी घ्यावी आदी सूचना हवामान विभागाने दिल्या आहेत.
हवामान विभागाच्या एका अधिकाऱ्याने दिलेल्या माहितीनुसार खरिपातील बहुतांशी पिकांची काढणी झालेली आहे. मूग, उडीद आणि सोयाबीनची काढणी काही ठिकाणी सुरू तर काही ठिकाणी होणार आहे. तर कापसाची काढणी जानेवारी महिन्यापासून सुरू होण्याची शक्यता आहे.
सध्या राज्यातील हवामानात वेगाने बदल होत आहे. ७ ते ९ ऑक्टोबर या कालावधीत ढगांचा गडगडाट, विजेचा कडकडाट आणि जोरदार वाऱ्यांसह पावसाचा अंदाज आहे. यासाठी शेतककऱ्यांनी सध्या सुरू असलेली पेरणी दोन दिवस थांबवावी, काढणी केलेला शेतीमाल आणि जनावरे सुरक्षित ठेवावी, दोन दिवस काढणीही करू नये. ही खबरदारी घेतल्यास होणाऱ्या दुर्घटना किंवा घटनांपासून बऱ्याच प्रमाणात दिलासा मिळू शकतो.
हवामान खात्याने दिलेला सल्ला
तारीख | विभाग |
७ ऑक्टोबर | कोकण, मध्य महाराष्ट्र, मराठवाडा, विदर्भ |
८ ऑक्टोबर | कोकण, मध्य महाराष्ट्र, मराठवाडा, विदर्भ |
९ ऑक्टोबर | कोकणात, मध्य महाराष्ट्र, विदर्भ |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.