अकोला : राज्यात जानेवारी २०१६ मध्ये मोठा गाजावाजा करीत सुरू केलेली पशुधन विमा योजना अवघी वर्षभरातच गुंडाळल्याचे समोर अाले अाहे. चालू अार्थिक वर्षात योजनेचे काम थांबविण्यात अालेले असून, सरकारने पैसे उपलब्ध करून दिले तरच योजनेचे पुढील भवितव्य अवलंबून असल्याचे सांगतिले जात अाहे. बुलडाणा जिल्ह्यातील मोताळा येथे जानेवारी २०१६ मध्ये तत्कालीन पशुसंवर्धन मंत्री एकनाथ खडसे यांच्या हस्ते या योजनेचा थाटामाटात राज्यस्तरीय प्रारंभ झाला होता. लाखो रुपयांच्या जाहिराती करीत योजनेची प्रसिद्धी करण्यात अाली. न्यू इंडिया इन्शुरन्स कंपनीच्या माध्यमातून ही योजना वर्षभर राबविण्यातही अाली. मात्र एक वर्षाचा करार संपल्यानंतर अाता काम ठप्प झालेले अाहे. राज्यातील पशुपालकांना राष्ट्रीय पशूधन अभियानातंर्गत पशुधनाचा विमा काढण्यासाठी ही योजना सुरू करण्यात अाली होती. सदर योजनेची अंमलबजावणीसाठी अकोला येथे असलेल्या महाराष्ट्र पशुधन विकास मंडळ अाणि न्यू इंडिया इन्शुरन्स कंपनी यांच्यामध्ये करार करण्यात अाला होता. महाराष्ट्रातील ३५ जिल्ह्यांत योजनेची अंमलबजावणी सुरू करण्यात अाली. योजनेअंतर्गत देशी गायी, म्हशी या दुधाळ जनावरांसह शेळया, बोकड, मेंढ्या, ससे, घोडा, गाढव, खेचर, उंट, बैल, वळू व रेडे याचा विमा काढता येत होता. अनेक वेळा शेतकऱ्यांच्या जनावरांचा आकस्मिक तसेच नैसर्गिक मृत्यू होत असतो. अशावेळी त्याला मोठे आर्थिक नुकसान सहन करावे लागते. त्यामुळे या योजनेअंतर्गत शेतकऱ्याला, पशुपालकांना दिलासा मिळू लागला असतानाच ही योजना केवळ १५ महिन्यांत शासनाच्या उदासीन धोरण तसेच आर्थिक नियोजन कोलमडल्याने गुंडाळण्यात आल्याचे बोलले जाते. मिळालेल्या माहितीनुसार सुमारे सव्वा तीन कोटी रुपये केंद्राकडे थकले अाहे. शिवाय योजनेच्या अंमलबजावणीबाबत या वर्षात कुठलेही अार्थिकक नियोजनच करण्यात अालेले नसल्याने ही योजना गुंडाळल्यात जमा झाल्याचे मानले जात अाहे. वास्तविक या योजनेला सुरवातीला तितकासा प्रतिसाद नव्हता. मात्र प्रशासनाने पुढाकार घेतल्यानंतर मोठ्या प्रमाणात विमा उतरविण्यात अाला. उद्दिष्टापेक्षा अधिक काम झाले. शेतकऱ्यांमध्ये जनजागृती होऊन प्रतिसाद मिळायला लागला होता. योजना ठप्प पडल्याने अाता शेतकऱ्यांना जनावराचा विमा काढायचा असेल तर खासगी पशुविमा काढण्यासाठी मोठी रक्कम मोजावी लागत आहे. उपरोक्त योजनेबाबत कुठलेही अादेश नसल्याने विमा काढण्याचे काम बंद झालेले अाहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.