agriculture news in Marathi, Loan of Rs. 8 crores under 'commodity mortgage' | Agrowon

‘शेतमाल तारण’अंतर्गत साडेआठ कोटींचे कर्जवाटप
टीम अॅग्रोवन
सोमवार, 15 एप्रिल 2019

नांदेड ः नांदेड, परभणी, हिंगोली जिल्ह्यांतील १६ कृषी उत्पन्न बाजार समित्यांनी शेतमाल तारण योजनेअंतर्गत ७९५ शेतकऱ्यांना ८ कोटी ६० लाख ९० हजार ५४३ रुपये एवढे कर्जवाटप केले आहे. त्यासाठी विविध प्रकारचा एकूण ४५ हजार ३६९ क्विंटल शेतमाल तारण ठेवला आहे. या संदर्भात राज्य कृषी पणन मंडळाच्या सूत्रांनी माहिती दिली.

नांदेड ः नांदेड, परभणी, हिंगोली जिल्ह्यांतील १६ कृषी उत्पन्न बाजार समित्यांनी शेतमाल तारण योजनेअंतर्गत ७९५ शेतकऱ्यांना ८ कोटी ६० लाख ९० हजार ५४३ रुपये एवढे कर्जवाटप केले आहे. त्यासाठी विविध प्रकारचा एकूण ४५ हजार ३६९ क्विंटल शेतमाल तारण ठेवला आहे. या संदर्भात राज्य कृषी पणन मंडळाच्या सूत्रांनी माहिती दिली.

खुल्या बाजारातील शेतमालाच्या दरात घसरण होते. त्या वेळी शेतमालाची विक्री केल्यास शेतकऱ्यांचे नुकसान होते. या परिस्थितीत शेतकऱ्यांना तातडीच्या आर्थिक गरजा भागविण्यासाठी संबंधित कृषी उत्पन्न बाजार समितीकडे शेतमाल तारण ठेवून कर्ज घेता येते. बाजारभावात सुधारणा झाल्यानंतर तारण ठेवलेल्या शेतमालाची विक्री केल्यास फायदा होऊ शकतो. त्या दृष्टीने राज्य कृषी पणन मंडळातर्फे कृषी उत्पन्न बाजार समित्याअंतर्गत शेतमाल तारण योजना राबविण्यात येत आहे. या योजनेअंतर्गत तारण शेतमालाच्या चालू बाजार भावानुसार होणाऱ्या किमतीच्या ७५ टक्के रक्कम कर्ज ६ टक्के व्याज दराने १८० दिवस कालावधीसाठी दिले जाते.

शेतमाल तारण योजनेअंतर्गत नांदेड जिल्ह्यातील १९ पैकी ८ कृषी उत्पन्न बाजार समित्या, परभणी जिल्ह्यातील ११ पैकी ५ कृषी उत्पन्न बाजार समित्यांमध्ये, हिंगोली जिल्ह्यातील ७ पैकी ३ कृषी उत्पन्न बाजार समित्यांनी शेतकऱ्यांना तारण कर्जवाटप केले आहे. नांदेड जिल्ह्यातील नांदेड, नायगाव, देगलूर, धर्माबाद, कुंडलवाडी, हदगांव, माहूर, किनवट या ८ कृषी उत्पन्न बाजार समित्यांनी शेतमाल तारण योजनेअंतर्गत ४५८ शेतकऱ्यांना एकूण ४ कोटी ६८ लाख ९८ हजार ५१ रुपये कर्जवाटप केले आहे. त्यासाठी विविध प्रकारचा एकूण २८ हजार ६५५ क्विंटल शेतमाल तारण ठेवला आहे. या शेतमालाची किंमत ९ कोटी ८ लाख १६ हजार १७४ रुपये एवढी होते. या संदर्भात राज्य कृषी पणन मंडळाचे जिल्हा प्रतिनिधी पृथ्वीराज मनके यांनी माहिती दिली.

परभणी, जिंतूर, सेलू, मानवत, पाथरी या ५ कृषी उत्पन्न बाजार समित्यांनी एकूण २२७ शेतकऱ्यांना २ कोटी ८९ लाख ८५ हजार ७०२ रुपये शेतमाल तारण कर्जवाटप केले आहे. त्यासाठी शेतकऱ्यांनी सोयाबीन, मूग, हरभरा, हळद मिळून एकूण १२ हजार १७५ क्विंटल शेतमाल तारण ठेवला आहे. तारण ठेवलेल्या शेतमालाची किंमत ३ कोटी ९३ लाख ६० हजार १४१ रुपये एवढी होते. हिंगोली जिल्ह्यातील हिंगोली, वसमत, जवळा बाजार या ३ कृषी उत्पन्न बाजार समित्यांनी एकूण ८० शेतकऱ्यांना १ कोटी २० लाख ६ हजार ७९० रुपये एवढे कर्जवाटप केले आहे. त्यासाठी या शेतकऱ्यांचा हळद, सोयाबीन मिळून एकूण ४ हजार ५३८ क्विंटल शेतमाल तारण ठेवला आहे. तारण शेतमालाची किंमत १ कोटी ५४ लाख ८१ हजार ५५४ रुपये एवढी होते. या संदर्भात पणन मंडळाचे जिल्हा प्रतिनिधी पंकज चाटे यांनी माहिती दिली.

शेतमाल तारण कर्जवाटप जिल्हानिहाय स्थिती (कोटी रुपये)
जिल्हा बाजार समिती संख्या शेतकरी कर्ज रक्कम
नांदेड ४५८ ४.६८९८                
परभणी २५७ २.८९८५
हिंगोली ८० १.०२०६

 

इतर बातम्या
सिन्नर तालुक्यात दुष्काळाने डाळिंब...नाशिक  : पाऊस कमी झाल्याने संपूर्ण सिन्नर...
रिसोड बाजार समितीच्या सभापतिपदी सुमन...वाशीम : जिल्ह्यातील रिसोड कृषी उत्पन्न बाजार...
निवडणूक संपली, आता तरी दुष्काळी...सांगली ः लोकसभेची आचारसंहिता एक महिन्यापासून सुरू...
विदर्भात उष्णतेची लाटपुणे ः मराठवाडा ते उत्तर तमिळनाडू आणि दक्षिण मध्य...
शेडनेटगृह अनुदानाचे राज्यस्तरीय दरपत्रक...पुणे : धोरणात्मक कामकाजापासून शेतकरी प्रतिनिधींना...
चौथ्या टप्प्यात १०९ कोट्यधीश उमेदवार...मुंबई ः राज्यातील चौथ्या टप्प्याची निवडणूक...
पुणे ः खरिपासाठी एक लाख ८५ हजार टन...पुणे ः पुणे जिल्ह्यात खरीप हंगामाची तयारी सुरू...
ढाकणी पाणी भरणा केंद्र अत्यवस्थदहिवडी, जि. सातारा : दुष्काळाची दाहकता गंभीर रूप...
राज्यातील काॅँग्रेस प्रायव्हेट लिमिटेड...नगर ः ‘‘राज्यातील काॅँग्रेस प्रायव्हेट लिमिटेड...
कपाशीच्या नांदेड ४४ बीटी बियाण्याची ५...परभणी ः महाबीज आणि वसंतराव नाईक मराठवाडा कृषी...
वनस्पतीच्या ताण स्थितीतील संदेश यंत्रणा...वनस्पतीतील ताणाच्या स्थितीमध्ये कार्यरत होणाऱ्या...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
शेतीमालाच्या काढणीपश्चात तंत्रज्ञानावर...नाशिक :  ‘उन्नत शेती समृद्ध शेतकरी...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
रायवाडी तलावातून १५ हजार ब्रास गाळ काढलासांगली ः कवठेमहांकाळ तालुक्यातील सर्वाधिक पाणी...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...